Fréttablaðið - 29.04.2010, Blaðsíða 36

29. APRÍL 2010 FIMMTUDAGUR4 ● fréttablaðið ● burnout 2010
Rúdolf Jóhannsson, einn af
stofnendum Kvartmíluklúbbs-
ins, er um þessar mundir að
ljúka við smíðar á kvartmílubíl
sem verður eitt af aðdráttaröfl-
um „Burnout“-sýningarinnar
um helgina.
„Við Kristinn sonur minn, erum
búnir að vera að dunda okkur
við þetta síðustu fimm ár,“ segir
Rúdolf. „Við erum báðir mikl-
ir bíladellukarlar og skemmtum
okkur vel við þetta.“
Rúdolf segir að smíðin líti út
eins og venjulegur kvartmílu-
bíll, í raun eftirlíking af Pontiac
GTO 65. Það sem sé frábrugðið
er að boddíið er allt úr plasti og
burðarvirkið úr rörum. „Þetta er
tæki með 1100 hestafla vél – al-
vöru kvartmílubíll, byggður frá
grunni,“ segir hann.
Kvartmíluklúbburinn á 35 ára
afmæli á þessu ári. Sýningin um
helgina verður stór og er þetta í
fyrsta sinn sem klúbbarnir stunda
samstarf af þessu tagi og taka
höndum saman. „Sýningar sem
þessar eru aðaltekjulind klúbbs-
ins, fyrir utan það að vera svaka-
lega skemmtilegar, bæði fyrir
okkur og gestina,“ segir Rúdolf,
en kvartmílubrautin í Kapellu-
hrauni hjá Straumsvík var ein-
mitt byggð á sínum fyrir fjár-
magn sem kom frá sýningum sem
þessari. „Brautin er orðin mikið
og skemmtilegt mannvirki,“ segir
Rúdolf. „Og þrátt fyrir að við
byggðum hana fyrir okkar fé, án
styrkja, þá er klúbburinn nánast
skuldlaus í dag.“
Rúdolf segir að bíla- og mótor-
della fólks sé margs konar og við-
horfið til áhugamálsins breytt
frá því sem áður var. „Núorðið
er komið svo mikið af flottum og
góðum bílum til landsins,“ segir
hann. „Hér áður fyrr var skrítinn
mórall í kringum mótorsport, en
mér finnst það vera mjög breytt
núna. Þegar auðmennirnir og
gömlu karlarnir í þjóðfélaginu
fóru að láta sjá sig á mótorhjólum
fylgdi restin smátt og smátt með.“
- sv
Smíða 1100 hestafla bíl
Feðgarnir hafa lagt mikla vinnu í smíði bílsins, sem verður eitt af aðdráttaröflum
sýningarinnar um helgina.
Bíllinn er í raun eftirlíking af Pontiac GTO 65 nema boddíið er allt úr plasti og burðar-
virkið úr rörum, að sögn Rúdólfs.
„Þetta er tæki með 1100 hestafla vél – alvöru kvartmílubíll, byggður frá grunni,“ segir Rúdólf um kvartmílubílinn sem hann og sonur hans Kristinn, til vinstri, hafa verið að smíða síðustu ár. FRÉTTABLAÐIÐ/VALLI
Kemur út laugardaginn
1. maí
Sérblaðið
Matur
Auglýsendur vinsamlegast hafi ð samband:
Benedikt
• benediktj@365.is
• sími 512 5411
Bjarni Þór
• bjarnithor@365.is
• sími 512 5471
Hlynur Þór
• hlynurs@365.is
• sími 512 5439