Fréttablaðið - 29.04.2010, Side 65
FIMMTUDAGUR 29. apríl 2010 49
FÓTBOLTI Valur hefur ákveðið að
lána Harald Björnsson til Þróttar
í sumar en gengið var frá láns-
samningnum í gær. Þetta kom
fram á heimasíðu Vals.
Haraldur er uppalinn hjá Val
en hann hefur einnig verið á mála
hjá Hearts í Skotlandi.
Kjartan Sturluson verður því
aðalmarkvörður Vals í sumar. - esá
Haraldur farinn frá Val:
Lánaður til
Þróttara
VONBRIGÐI Haraldur hefur ekki náð að
festa sig í sessi hjá Val. FRÉTTABLAÐIÐ/DANÍEL
FÓTBOLTI Charlton hefur ákveðið
að selja Jonjo Shelvey til Liver-
pool um leið og tímabilinu lýkur en
þessi efnilegi enski 21 árs lands-
liðsmaður hefur vakið athygli
fyrir frammistöðu sína með félag-
inu síðan hann lék sinn fyrsta leik
aðeins 16 ára og 59 daga gamall.
Liverpool borgar strax 1,7 millj-
ónir punda fyrir leikmanninn en
hann hefur þegar gengið í gegnum
læknisskoðun og samþykkt kaup
og kjör. - óój
Liverpool byrjað að kaupa:
Shelvey í raðir
rauða hersins
LAGERHRE
INSUNTim
bursala
Framlengju
m lagerhre
insun til 30
. apríl
BYKO Brei
dd
Nýjar
vörurt.d. pallaefni60%afsláttur
Allt
að
Pallaefni –
Burðarvið
ur - Vatns
klæðning -
Panill - By
ggingatimb
ur
Massaran
duba palla
efni - Garð
borð – Blóm
aker - Fug
lahús o. fl.
HANDBOLTI Kvennalið Vals í hand-
bolta varð á sunnudaginn Íslands-
meistari í fyrsta sinn í 27 ár. Meðal
áhorfenda í Framheimilinu var
Magnea Friðriksdóttir, fyrirliði
Valsliðsins 1983, og inni á vellin-
um var dóttir hennar, Katrín Andr-
ésdóttir, tilbúin að fórna bakinu
fyrir það að verða Íslandsmeistari
áður en hún varð að leggja skóna á
hilluna aðeins 24 ára gömul.
„Það var hrikalega flott að sjá
stelpuna verða meistari,“ sagði
Magnea sem, fyrir hönd meist-
araliðsins fyrir 27 árum, afhenti
Valsliðinu eftir leikinn 27 rauð-
ar rósir, eina fyrir hvert ár sem
félagið er búið að bíða eftir að fá
bikarinn heim.
„Þetta var mjög stór stund og
alveg geggjað. Það var enn þá
skemmtilegra að taka þetta í fram-
lengingu og þetta var alveg geð-
veikt,“ segir Katrín sem man alveg
eftir myndinni af mömmu sinni
að lyfta Íslandsbikarnum þremur
árum áður en hún fæddist.
„Ég er oft búin að reyna að lýsa
þessu en sem betur fer fékk hún að
upplifa þetta áður en hún þurfti að
hætta. Það er hrikaleg hamingja
hjá mér að sjá hana vinna þetta
því hún þarf bara að upplifa þetta
einu sinni. Þetta er svo ofboðsleg
tilfinning að þetta dugar henni
alveg,“ segir Magnea.
„Hún er með fæðingargalla og
má ekkert vera að spila. Hún getur
ekki keypt nýtt bak. Ég er alltaf
hrædd ef hún dettur eða fær eitt-
hvert högg. Ég er fegin að vita
það að hún sé að hætta,“ segir
Magnea.
Katrín sjálf þurfti að pína sig í
gegnum tímabilið en hún sér ekki
eftir því núna.
„Ég var að spá í það að hætta í
fyrra en svo gat ég ekki hætt því
að við unnum ekki neitt. Ég var
síðan alveg að gefast upp um ára-
mótin en ákvað að þrauka fram
yfir bikar en þá töpuðum við þar.
Mér fannst ég ekki geta hætt þá og
þá var ég að spá í að hætta fyrir
úrslitakeppnina því ég stóð varla
upprétt. Ég er ótrúlega ánægð að
hafa þraukað,“ segir Katrín. Magn-
ea segir þær mæðgur ekki vera
líkar inni á vellinum.
„Við erum rosalega ólíkir leik-
menn. Ég var leikstjórnandi og
mikill fintari. Það var mín sterka
hlið því ég dró varla á markið. Ég
var ekki skytta eins og Katrín.
Hún er svona jaxl í vörn en ég er
málband á hæð og hef ekki þenn-
an styrk sem hún hefur,“ segir
Magnea og hún segir að Katrín
hefði getað orðið hörkugóður leik-
maður ef meiðslin hefðu ekki heft
hana.
„Ég á aðra dóttur og hún er í
Gróttu og varð Íslandmeistari í 2.
deild fyrir tveimur vikum. Ég er
með tvo meistara og vona svo að
tengdasonurinn bætist við þannig
að ég fái þriðja meistarann inn á
heimilið. Ég vona að það verði gull
um allt hús,“ segir Magnea en kær-
asti Katrínar er Fannar Þór Frið-
geirsson, leikmaður karlaliðs Vals,
sem byrjar úrslitin sín á morgun.
„Ég held ég sé meira að gera
fólkið í kringum mig geðveikt held-
ur en mig sjálfa. Fannar var miklu
stressaðri en ég fyrir úrslitakeppn-
ina enda var það fyrsta sem hann
sagði við mig eftir að ég var orðin
meistari: Katrín, núna hættir þú,“
sagði Katrín sem segir það þó vera
erfitt að slíta sig frá þessum hóp.
„Ég er búin að fá ótrúlegan mik-
inn stuðning og líka frá liðsfélög-
unum og þjálfurunum. Ég mæti
ekki á næstum því allar æfingar
og tek ekki þátt í nærri því öllu
sem á að gera. Ég stend í þakkar-
skuld við alla leikmenn og þjálfara
í liðinu sem hafa þolað mig í vetur.
Ég hef aldrei verið í liði þar sem er
búin að vera eins sterk liðsheild og
í vetur. Það ná allar saman, þær
eru allar góðar vinkonur og við
erum bara þarna fyrir hver aðra,“
segir Katrín og bætir við: „Mér
líður þannig núna eins og ég sé
ekki hætt í handbolta. Það er ekki
alveg komið inn enn þá. Ég verð að
lifa mig í gegnum Fannar,“ segir
Katrín að lokum. ooj@frettabladid.is
Mæðgur tengja meistaralið Vals
Mæðgurnar Magnea Friðriksdóttir og Katrín Andrésdóttir hafa báðar orðið meistarar með Val. Magnea
var fyrirliði liðsins sem vann fyrir 27 árum en Katrín varð meistari á dögunum í síðasta leiknum sínum.
MEISTARAMÆÐGURNAR Magnea Friðriksdóttir og Katrín Andrésdóttir með bikarana
sem Katrín vann með Valsliðinu í vetur. FRÉTTABLAÐIÐ/STEFÁN