Fréttablaðið - 29.04.2010, Page 66

50 29. apríl 2010 FIMMTUDAGUR
KÖRFUBOLTI María Guðmundsdóttir,
hársnyrtimeistari í Stykkishólmi,
er einn af hörðustu stuðnings-
mönnum Snæfells og orðin tals-
vert þekkt í körfuboltaheim-
inum enda hefur mikið verið
sungið um hana í stúkunni í
úrslitakeppninni.
María, betur þekkt sem Mæja,
er móðir Jóns Ólafs Jónssonar,
leikmanns Snæfells, sem er ekki
þekktur undir neinu öðru nafni en
Nonni Mæju. Stuðningsmenn KR
byrjuðu að gera góðlátlegt grín í
rimmu liðanna og sungu um alla
leikmenn Snæfells líkt og þeir
væru synir Mæju.
„Það er búið að eigna mér hálft
liðið og ég því orðin ansi rík á
stuttum tíma. Ég er bara stolt af
því enda stolt af þessum strákum,“
segir Mæja létt í bragði spurð um
þessa stríðni. Í síðasta leik sungu
stuðningsmenn Snæfells: „Hvar er
Mæja“ og endaði söngurinn á því
að Mæja stóð upp við mikinn fögn-
uð viðstaddra. Afar skemmtilegt
hjá Hólmurum sem taka hlutina
ekki of alvarlega.
Mæja ætlar að reyna að koma á
leikinn í kvöld en þarf að vinna til
fjögur í dag og veit því ekki hvort
hún kemst. Hana langar þó mikið
að styðja sína menn gegn liðinu
sem hún hefur litlar mætur á.
„Keflvíkingar komast upp með
allt of mikið. Þeir eiga ekki skilið
að vinna þar sem þeir spila ekki
leikinn á réttum forsendum. Þeir
gera allt til þess að vinna og hafa
líka sagt það. Þetta er ekki í fyrsta
skipti sem þeir haga sér svona.
Þeir beita ýmsum brögðum til að
klekkja á andstæðingnum. Leik-
ur þeirra er ekki alltaf íþrótta-
mannslegur,“ segir Mæja ákveðin
og bætir við:
„Eitt sinn gengu þeir svo langt
að rústa baðherbergið í klefanum
eftir tapleik. Það er ekki íþrótta-
mannsleg framkoma. Þetta er
bara leikur og það geta ekki allir
alltaf unnið,“ sagði Mæja en sonur
hennar, Jón, er búinn að jafna sig
af lungnabólgu og verður vonandi
í fullu fjöri í kvöld. Hvernig leggst
leikurinn í Mæju?
„Ég vona að mínir menn klári
þetta og ég hef fulla trú á því að
þeir klári verkefnið og komi með
bikarinn í Hólminn.“ - hbg
Móðir Jóns Ólafs Jónssonar, Mæja, ekki ánægð með leikstíl Keflavíkurliðsins:
Keflavík á ekki skilið að vinna
Í STUÐI Í STÚKUNNI Mæja tekur virkan þátt í stuðningi við Snæfellsliðið í stúkunni.
FRÉTTABLAÐIÐ/DANÍEL
KÖRFUBOLTI Annað árið í röð fer úrslitaeinvígi
karla alla leið í oddaleik og það verður örugg-
lega fullt út úr dyrum löngu fyrir úrslitaleik
Keflavíkur og Snæfells um Íslandsmeistara-
titilinn sem fer fram í Toyota-höllinni í Kefla-
vík og hefst klukkan 19.15 í kvöld.
Fannar Ólafsson, fyrirliði KR, tók við
Íslandsmeistarabikarnum eftir 84-83 sigur
á Grindavík í oddaleik um titilinn í fyrra og
hann var einnig með Keflavíkurliðinu sem
vann 88-82 sigur á Njarðvík í síðasta oddaleik
þar á undan sem var í Keflavík 1999.
Fannar segir það skemmtilegasta sem hann
geri að taka þátt í svona leik og byrja að hita
upp fyrir framan tvö þúsund manns og húsið
orðið fullt einum og hálfum tíma fyrir leik.
„Ég held að þetta verði slagsmálaleikur
og svakaleg átök. Það hentar Keflavík mjög
vel að spila mjög fast og spila framarlega.
Ég held að Snæfell verði að passa upp á það
að fara ekki að hlaupa með þeim og þá sér-
staklega ef Keflvíkingarnir komast í þannig
gír. Ég held að spennufallið hjá Snæfelling-
um eftir að hafa tapað leiknum á mánudaginn
geti reynst þeim dýrt. Það gæti orðið erfitt að
ná því upp,“ segir Fannar.
„Snæfell er með frábæra einstaklinga og
besta leikmann mótsins í Hlyn. Það að vera
búnir að tapa úrslitaleiknum síðast getur bara
haft svo mikil áhrif,“ segir Fannar en hann
var í sömu aðstöðu og Keflavík með KR. KR-
liðið lenti 1-2 undir á móti Keflavík en vann
tvo síðustu leikina og tryggði sér titilinn.
„Þá komum við út og spiluðum leikinn og
það held ég að Snæfellingarnir verði að gera.
Þeir verða að koma út og spila á milljón því
þá eiga þeir fínan möguleika. Þar kemur
reynslan inn í þetta. Ég held að allir þessir
strákar í Keflavík sem eru aldir upp við þetta
skilji þetta því þeir eru búnir að fara í gegn-
um milljón svona leiki,“ segir Fannar.
„Ingi Þór fór í gegnum sama pakka með
okkur í fyrra og hann veit alveg hvað hann
þarf að gera til að spennustigið verði rétt.
Hann og Benni komu með hrikalega flotta
útfærslu á því í fyrra og ég efa það ekki að
Ingi dragi upp gömlu glæruna frá því í fyrra
sem hann fór yfir með okkur. Hann ætti að
gera það og ég myndi gera það því það hent-
aði okkur rosalega vel,“ segir Fannar en hann
er samt á því að það dugi samt ekki í kvöld.
„Það er mín tilfinning að Keflvíkingar átti
sig betur á því hvaða aðstæður þeir eru að
fara inn í á morgun og kunna þar með betur
að undirbúa sig andlega. Ég ætla að spá Kefl-
víkingum sigri en það má ekki heldur van-
meta þátt Hlyns Bæringssonar og Sigga Þor-
valds. Ef þeir verða í stuði þá verður þetta
svakalegur leikur eins og á að vera.“
Fannar segir sigurtilfinninguna eftir
svona leik vera nánast ólýsanlega. „Það er
erfitt að lýsa því að spila svona leik, vera
alveg örmagna eftir leikinn og vera að fagna
sigri. Líkaminn hlýtur að framleiða eitthvað
óvenjumikið magn af endorfíni því þetta er
einhver víma sem maður kemst í. Tilfinn-
ingin er alveg einstök og það er þess vegna
að maður æfir körfubolta í níu mánuði á ári
og er aldrei heima hjá sér á kvöldin. Það er
til þess að komast í svona leiki. Það eru líka
skilaboð til þeirra sem eru komnir þangað
núna að njóta dagsins. Strákar, njótið þess að
spila svona leik,“ segir Fannar að lokum.
ooj@frettabladid.is
Strákar, njótið þess að spila svona leik
Keflavík og Snæfell mætast í kvöld í hreinum úrslitaleik um Íslandsmeistaratitilinn í Iceland Express-deild karla. Fannar Ólafsson
þekkir vel að spila svona leik en hann hefur verið í tveimur síðustu liðum sem hafa unnið titilinn í oddaleik, 1999 og 2009.
ÓLÝSANLEG VÍMA Fannar Ólafsson fagnar í leikslok eftir að KR vann titilinn eftir oddaleikinn á móti Grinda-
vík í fyrra. FRÉTTABLAÐIÐ/DANÍEL
Fréttablaðið fékk nokkra valinkunna
sérfræðinga til að spá í spilin fyrir
oddaleik Keflavíkur og Snæfells um
Íslandsmeistaratitilinn í körfubolta
sem fram fer í kvöld. Allir eiga þessir
spekingar það sameiginlegt að hafa
sjálfir tekið þátt í slíkum oddaleik, allt
aftur til ársins 1985. - esá
Gunnar Þorvarðarson
„Ég held að
Keflvíkingar sleppi
þessu ekki fyrst þeir
fá tækifæri nú til
að vinna titilinn á
heimavelli. Í þessu
liði eru leikmenn
sem hafa farið í
gegnum þetta allt
saman áður og
unnið marga titla. Það kæmi mér
í raun verulega á óvart ef Snæfell
ynni leikinn. Ég á von á jöfnum
leik í upphafi en að leiðir muni svo
skilja í seinni hálfleik,“ segir Gunnar
Þorvarðarson sem varð meistari
með Njarðvík árið 1985 eftir sigur á
Haukum í oddaleik.
Pálmar Sigurðsson
„Það er mjög
erfitt að spá fyrir
um úrslit leiksins.
Snæfellingar hafa
verið betri á útivelli
en heima og það
gæti fylgt þeim til
Keflavíkur. En þetta
mun líka ráðast af
dagsforminu. Það má heldur ekki
gleyma því að bæði lið eru með afar
góðar skyttur en þau þurfa einnig að
finna jafnvægið og spila líka vel inn
í teig. Ef Keflvíkingar ná að finna það
jafnvægi tippa ég á að þeir ættu að
geta klárað þetta. Þetta verður þó
jafn og spennandi leikur, reikna ég
með,“ sagði Pálmar Sigurðsson sem
varð Íslandsmeistari með Haukum
árið 1988, eftir frægan oddaleik gegn
Njarðvík á útivelli þar sem hann setti
niður ellefu þrista í tvíframlengdum
leik.
Sigurður Ingi-
mundarson
„Tilfinningin segir
mér að Keflavík
verði meistari en
ég hef ekkert fyrir
mér í því. Það er
erfiðara að þurfa
að sækja sér titilinn
ef þú hefur ekki
gert það áður. Reynslan og hefðin
skipta oft gríðarlega miklu máli. En
þetta verður spennandi leikur og ég
efa ekki að áhorfendur myndu fá allt
fyrir peninginn þótt það myndi kosta
tíu þúsund krónur inn. En það er í
raun ómögulegt að spá um þetta því
þetta mun alfarið ráðast af því hvort
leikmenn geri það sem til þeirra er
ætlast,“ sagði Sigurður Ingimundar-
son, þjálfari Njarðvíkur, og margfaldur
Íslandsmeistari með Keflavík. Hann
varð meistari bæði 1989 og 1992
sem leikmaður eftir sigur í oddaleik í
lokaúrslitunum.
Teitur Örlygsson
Teitur Örlygsson
varð meistari Njarð-
vík árin 1991 og
1994 eftir oddaleik.
Í bæði skiptin lenti
Njarðvík 2-1 undir
í rimmum sínum.
„Mér varð einmitt
hugsað til þess
þegar Keflavík vann í Hólminum og
sú tilfinning sem ég hef er að Keflavík
vinni titilinn nú. Þetta hefur verið
mikið orkuskot fyrir þá að vinna á
þessum erfiða útivelli og því hef ég
meiri trú á þeim. En ég á von á því að
það verði allt í járnum í þessum leik
og að hann verði gríðarlega spenn-
andi,“ sagði Teitur.
Jón Kr. Gíslason
„Keflavík verður
meistari – það er
alveg ljóst. Ég held
að þarna muni hefð-
in og reynslan hafa
úrslitaáhrif. Þessir
strákar hafa vanist
við það alla tíð að
Keflavík vinni titla.
En þetta verður spennandi leikur og
jafn framan af. Svo þegar nokkrar mín-
útur eru eftir munu Keflvíkingar síga
fram úr og skila tíu stiga sigri. Það er
þó fyrst og fremst frábært að fá odda-
leik og ég á von á stórskemmtilegum
leik,“ sagði Jón Kr. Gíslason sem varð
meistari með Keflavík árið 1992. Þá,
rétt eins og nú, lentu Keflvíkingar 2-1
undir í úrslitarimmunni gegn Val.
SPEKINGAR SPÁ Í SPILIN: Flestir spá Keflavík sigri í oddaleiknum á móti Snæfelli í kvöld
Sími 412 2500 - sala@murbudin.is - www.murbudin.is
– Afslátt eða gott verð?
Kletthálsi Rvk
Akureyri
Suðurnesjum
Húsavík
Stigar og tröppur
til allra verka