Fréttablaðið - 07.05.2010, Page 56

36 7. maí 2010 FÖSTUDAGUR
sport@frettabladid.is
HANDBOLTI Í fyrsta sinn í átta ár
verður oddaleikur um Íslands-
meistaratitilinn í handbolta karla.
Þetta varð ljóst í gær eftir að Valur
vann Hauka í æsispennandi fram-
lengdum leik á Vodafone-vellinum
í gær, 32-30.
Fannar Þór Friðgeirsson átti
stórleik, þá sérstaklega í framleng-
ingunni þar sem hann nánast gekk
frá Haukaliðinu einn síns liðs.
Hann skoraði fjögur af sjö mörk-
um Valsmanna og fiskaði þar að
auki eitt víti.
Valsmenn höfðu haft undirtökin
í síðari hálfleik en svo virtist
sem leikurinn ætlaði að snúast
með Haukum undir lokin. Vals-
menn fengu að vísu síðustu sókn-
ina í venjulegum leiktíma en voru
einum færri og Haukavörnin
óárennileg.
En á lokasekúndunum fékk
Gunnar Berg Viktorsson að líta
rauða spjaldið fyrir að fara í and-
litið á Fannari Þór Friðgeirssyni.
Þó svo að Valsmenn hafi ekki náð
að skora með lokaskoti sínu byrj-
uðu þeir í yfirtölu í framlenging-
unni. Þar skoruðu þeir fyrstu þrjú
mörkin og þótt Haukar hafi aftur
náð að minnka muninn í eitt mark
var sigurinn í raun tryggður.
„Ég var óhræddur enda þýðir
ekkert að horfa bara á leikinn,“
sagði Fannar eftir leikinn. „Ég var
hvíldur hægra megin í fyrri hálf-
leik og átti svo að koma upp í þeim
síðari. Það þýddi ekkert að skor-
ast undan því og láta bara vaða. Og
þegar vel gengur þá heldur maður
áfram.“
Hinum megin á vellinum hafði
Sigurbergur Sveinsson svipaða
sögu að segja. Hann hafði hægt
um sig í fyrri hálfleik en kom inn í
þann síðari af miklum krafti. Hefðu
Haukar fagnað sigri í gær hefði það
verið honum að þakka.
„Þetta var bara stöngin út hjá
okkur og stöngin inn hjá þeim.
Þannig er þetta oft í framlenging-
um. Þetta féll bara ekki með okkur
undir lokin,“ sagði Sigurbergur
sem neitaði því ekki að hann væri
byrjaður að þreytast eins og aðrir
leikmenn.
„Þetta er fjórði leikurinn á stutt-
um tíma en við erum allir að spila
við sömu aðstæður. Við verðum
allir óþreyttir í oddaleiknum enda
var leikurinn frábær í kvöld. Svona
á þetta vera – það var mikil stemn-
ing á pöllunum og ótrúlega gaman
að sjá alla þessa áhorfendur.“
Aðsóknarmet var sett í Voda-
fone-höllinni í gær þegar 2.054
manns fóru langt með að fylla
húsið. Áhorfendur fengu líka sitt
fyrir aðgangseyrinn og gott betur.
Leikurinn var vel leikinn og sér-
staklega var varnarleikur liðanna
góður. Liðin skiptust á að ná for-
ystunni í fyrri hálfleik en það var
nánast jafnt á öllum tölum í síð-
ari hálfleik. Valsmenn náðu svo
undirtökunum undir lok leiksins
og kláruðu hann af miklum krafti í
framlengingunni. Haukarnir voru
þó aldrei langt undan og útlit fyrir
æsispennandi viðureign á morgun.
eirikur@frettabladid.is
35 DAGAR Í HM
Brasilía er eina þjóðin sem hefur verið með í öllum
19 heimsmeistarakeppnunum frá upphafi og engin
þjóð hefur unnið HM oftar. Brasilíumenn
hafa fimm sinnum orðið heimsmeistar-
ar (1958, 1962, 1970, 1994 og 2002).
Brasilíumenn hafa komist áfram upp úr
riðlakeppninni í undanförnum tíu HM-
keppnum eða allar götur síðan 1966.
Fáðu faglega ráðgjöf
um val á hlaupaskóm
og kynntu þér NIKE+
MEÐ ÖLLUM NIKE HLAUPASKÓM
KÍKTU Í
Í DAGBÍLDSHÖFÐA
KAUPAUKI
INTERSPORT
Í pallasmíðina
Sími 412 2500 - sala@murbudin.is - www.murbudin.is
– Afslátt eða gott verð?
Kletthálsi Rvk
Akureyri
Suðurnesjum
Húsavík
HANDBOLTI Eftir sigur Valsmanna
á Haukum í fjórða úrslitaleik lið-
anna í gær er ljóst að liðin spila
hreinan úrslitaleik um Íslands-
meistaratitilinn á Ásvöllum
klukkan 14.00 á laugardaginn.
Þetta verður fyrsti oddaleikurinn
um Íslandsmeistaratitil karla í
handbolta í átta ár eða síðan Valur
og KA mættust á Hlíðarenda 10.
maí 2002.
Þetta verður jafnframt aðeins
fjórði úrslitaleikurinn um Íslands-
meistaratitilinn síðan úrslita-
keppnin var sett á laggirnar 1992.
Valsmenn og Haukar hafa bæði
unnið titilinn í oddaleik; Valur
vann fimmta leikinn á móti KA í
lokaúrslitunum 1995 og Haukar
unnu fimmta leikinn á móti KA í
lokaúrslitunum 2001 en sá leikur
fór fram í KA-húsinu fyrir norð-
an. KA-menn unnu 24-21 sigur á
Val í síðasta oddaleiknum fyrir
átta árum sem þýðir að tveir síð-
ustu úrslitaleikirnir um titilinn
hafa unnist á útivelli (KA 2002 á
Hlíðarenda og Haukar 2001 í KA-
húsinu).
Þetta verður aftur á móti fyrsti
úrslitaleikurinn um titilinn sem
fer fram á Ásvöllum en Haukar
hafa unnið þar tólf leiki í röð í
lokaúrslitum eða alla heimaleiki
sem liðið hefur spilað í úrslitaein-
víginu frá því að Ásvellir tóku við
af Strandgötunni sem heimavöllur
Hauka. - óój
Leikur Hauka og Vals verður fjórði oddaleikurinn um titilinn frá upphafi:
Fyrsti úrslitaleikurinn í 8 ár
Valur - Haukar 32-30 (12-13, 25-25, 29-27)
Mörk Vals (skot): Fannar Þór Friðgeirsson 12/3
(17/3), Sigurður Eggertsson 6 (11), Arnór Þór
Gunnarsson 6/3 (13/4), Elvar Friðriksson 4 (8),
Sigfús Páll Sigfússon 2 (2), Orri Freyr Gíslason
1 (1), Baldvin Þorsteinsson 1 (4), Jón Björgvin
Pétursson (1), Ingvar Árnason (1).
Varin skot: Hlynur Morthens 15 (44/1, 34%),
Ingvar Kr. Guðmundsson 0 (1/1).
Hraðaupphlaup: 5 (Fannar Þór 3, Elvar 1, Baldvin
1).
Fiskuð víti: 7 (Ingvar 2, Fannar Þór 2, Sigfús Páll
1, Sigfús 1, Baldvin 1). Utan vallar: 8 mínútur.
Mörk Hauka (skot): Sigurbergur Sveinsson 11/2
(20/2), Björgvin Hólmgeirsson 5 (11), Pétur
Pálsson 5 (5), Freyr Brynjarsson 4 (4), Elías Már
Halldórsson 2 (6), Gísli Jón Þórisson 2 (2), Einar
Örn Jónsson 1 (3), Þórður Guðmundsson (1).
Varin skot: Birkir Ívar Guðmundsson 23/1 (54/6,
43%), Aron Rafn Eðvarðsson 0 (1/1).
Hraðaupphlaup: 5 (Pétur 2, Freyr 1, Sigurbergur
1, Gísli Jón 1).
Fiskuð víti: 2 (Pétur 2). Utan vallar: 6 mínútur.
Dómarar: Anton Gylfi Pálsson og Hlynur Leifsson.
Voru frábærir.
Tölfræðin úr leiknum í gær
Óskar Bjarni Óskarsson er ánægður með hvernig hans menn í Val
svöruðu tapleiknum gegn Haukum í leik liðanna í Vodafone-höll-
inni í gær. Valur vann þá 32-30 sigur í framlengdum leik.
„Það var bara ekkert í gangi hjá okkur í síðasta leik,“ segir
Óskar Bjarni en Haukar voru með 2-1 forystu í einvíginu og
hefðu getað tryggt sér Íslandsmeistaratitilinn í gær.
„Að sjálfsögðu óttaðist ég að við myndum ekki ná
að svara því enda töpuðum við 3-1 fyrir þeim í fyrra.
En í ár erum við ferskari og með menn sem eru
heilir og klárir í slaginn,“ segir hann.
„Við þurftum að stíga upp í kvöld. Annars
hefðu Haukarnir bara labbað yfir okkur og
unnið með tíu marka mun. Síðast spilaði
enginn okkar vel og þetta snýst um að stíga
upp og hafa gaman af því að spila svona leiki.“ Hann
var annars ánægður með þá stemningu sem var í Vodafone-
höllinni í gær enda bauð leikurinn upp á mikla spennu.
„Svona á þetta að vera í úrslitakeppninni. Þetta minnti mig á eins og
þetta var 1995 og 1996. Áhorfendur voru frábærir og stemn-
ingin ótrúleg. Við, bæði leikmenn og þjálfarar, erum einmitt í
handbolta til að upplifa svona stemningu og því eiga svona
leikir að fara í framlengingu,“ segir Óskar Bjarni.
Fannar Þór Friðgeirsson átti frábæran leik í liði Valsmanna og
fór langt með að klára leikinn einn síns liðs í framlenging-
unni.
„Fannar er stríðsmaður og var alveg brjálaður eftir
síðasta leik. Þá ætlaði hann að taka allt of mikið á
sig í stað þess að vera aðeins rólegri og spila vel. Við
náðum að nota hann á réttum augnablikum í kvöld
og náðum að hvíla hann betur en í hinum leikjun-
um. Elvar [Friðriksson] kom líka inn og leysti sitt vel
af hendi. Það eru líka allir leikmenn sem þurfa að
stíga upp og ná að spila það vel að leikurinn verði
ógleymanlegur fyrir þá.“
ÓSKAR BJARNI ÓSKARSSON, ÞJÁLFARI VALS: FANNAR ÞÓR FRIÐGEIRSSON ER STRÍÐSMAÐUR
Svona á þetta að vera í úrslitakeppninni
Valsmenn hefndu ófaranna
Valsmenn komu í gær í veg fyrir að Haukar næðu að tryggja sér Íslandsmeist-
aratitilinn á Hlíðarenda annað árið í röð. Reyndar þurfti framlengingu til en
þá sýndu heimamenn hvað er spunnið í þá. Úrslitaleikurinn er á laugardag.
FANNAR ÞÓR FRIÐGEIRSSON Frábær í
gær. FRÉTTABLAÐIÐ/DANÍEL
DÓLGARNIR AÐ STANDA SIG Á PÖLLUNUM Valsmenn fögnuðu sigrinum í gær með
frábærri stuðningsmannasveit sinni sem hefur verið í miklu stuði í úrslitakeppninni.
FRÉTTABLAÐIÐ/DANÍEL
ODDALEIKUR UM TITILINN Í HÖFN Elvar Friðriksson, Orri Freyr Gíslason og Fannar Þór
Friðgeirsson (23) fagnar sigrinum í leiksloka. FRÉTTABLAÐIÐ/DANÍEL