Fréttablaðið - 10.05.2010, Blaðsíða 17
Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
Þegar Katla er beðin um að segja
frá uppáhaldshlutunum sínum á
heimilinu opnar hún lítinn kistil.
sem hún kallar fjársjóðskistu, og
tínir upp úr honum steina og hluti
sem hún hefur tínt úti í náttúrunni.
Hlutirnir minna hana á heimahag-
ana.
„Ég ólst upp í sveit á fallegum
stöðum eins og Þingvöllum, Skál-
holti og Skaftártungum og við
systkinin lékum okkur mikið úti.
Nú þegar ég er flutt til borgar-
innar finnst mér nauðsynlegt að
hafa litla hluti í kringum mig eins
og steina, hraunmola, skeljar og
rekaviðarbúta, sem minna mig á
náttúruna. Þeir eru auðvitað verð-
lausir fyrir öðrum en skipta mig
máli.“
Katla hefur stundað nám í
arkitektúr undanfarin þrjú ár og
var skólinn orðinn eins og henn-
ar annað heimili. Hún geymdi því
litlu hlutina sína á vinnuborðinu
og gáfu þeir henni tengingu við
náttúruna. Hún segist stundum
hafa uppskorið hlátur skólafélag-
anna fyrir vikið en lét það ekkert
á sig fá.
„Mér fannst bara gott að hafa
stein í vasanum eða á borðinu sem
litla áminningu um náttúruna.
Eins var ég komin með þennan
kaffibolla í skólann sem ég hálf-
partinn stal af mömmu,“ segir hún
og fær sér sopa úr rósamynstruð-
um kaffibolla. „Hann var eins og
lítil tenging við heimilið.“
Katla segir foreldra sína hafa
kennt sér í æsku dýpra gildi hlut-
anna, að þó hlutur sé ekki margra
króna virði geti hann verið verð-
mætur á annan hátt.
„Mamma og pabbi eru bæði
prestar og voru mikið með okkur
systkinunum. Systir mín er ljós-
myndari í London og bróðir minn
tónlistarmaður í Noregi, svo á
ég tvo litla bræður sem búa enn
heima. Náttúran er stór partur
af okkur öllum og það sést á ljós-
myndum systur minnar og heyr-
ist í tónlist bróður míns. Hún hefur
bara svo mikil áhrif á þá sem alast
upp í henni. Ég held að þeir sem
eru tilbúnir til að eyðileggja nátt-
úruna hljóti að misskilja hugtakið
verðmæti.“
heida@frettabladid.is
Annað gildi hlutanna
Katla Maríudóttir er náttúrubarn og segir verðmæti hluta ekki teljast í krónum. Hún er í hópi útskriftar-
nema í arkitektúr við Listaháskóla Íslands þetta árið og hleypti Fréttablaðinu inn á gafl hjá sér.
Katla Maríudóttir við fjársjóðskistuna sína sem geymir litla muni úr náttúrunni. FRÉTTABLAÐIÐ/GVA
M eirapró f
U p p lýsin gar o g in n ritun
í s ím a 5670300
Listh
STILLANLEG RÚM
HEILSUDÝNUR
OG
HEILSUKODDAR
Queen rúm með botni
kr. 179.900
SAGA, ÞÓR
OG VALHÖLL
Heilsudýnur
á frábæru verði.
Queen rúm með botni
frá kr. 99.900
Gleðilegt sumar!
www.svefn.is
349.900
Hringdu í síma
ef blaðið berst ekki
TIL AÐ KOMA Í VEG FYRIR að bækur safni ryki
í hillum getur verið heillaráð að hengja fallegan efnis-
bút, til dæmis úr líni, efst í hverja hillu.