Fréttablaðið - 12.05.2010, Blaðsíða 2
2 12. maí 2010 MIÐVIKUDAGUR
Hilmar, er það leikur einn að
framleiða tölvuleiki?
„Nei, alls ekki. Þetta er dauðans
alvara.“
Hilmar V. Pétursson er forstjóri netleikja-
fyrirtækisins CCP, sem þekktast er fyrir
netleikinn EVE Online. Hjá fyrirtækinu er
nóg að gera. Það er með þrjá tölvuleiki
í vinnslu og auglýsti um helgina síðustu
eftir 150 nýjum starfsmönnum.
LANDBÚNAÐUR Sveitarstjórn
Rangárþings eystra hefur sam-
þykkt að ráða starfsmann til að
hefjast þegar í stað handa við að
tryggja heyforða fyrir bændur
í sveitarfélaginu. Fyrirséð er að
margir bændur muni ekki geta
heyjað vegna eldgossins í Eyja-
fjallajökli.
Sveitarfélagið ætlar að hafa
forgöngu um að stofna sérstakan
heybanka vegna þess og hefur
falið sveitarstjóranum að greina
þörfina og tryggja framgang
málsins. - gar
Brugðist við búsifjum af gosi:
Heybanki fyrir
bændur í vanda
SKÁK Heimsmeistarinn Viswanat-
han Anand bar sigurorð af áskor-
anda sínum, Veselin Topalov, í 12.
og síðustu skák heimsmeistara-
einvígisins sem fram fór í Sofíu í
Búlgaríu. Anand vann þrjár skák-
ir í einvíginu en Topalov tvær.
Anand hafði svart í lokaskák-
inni og bjuggust því flestir annað-
hvort við sigri Topalovs eða jafn-
tefli, en þá hefði einvígið farið í
bráðabana.
Skákin fór rólega af stað. Teflt
var drottningarbragð í fyrsta
sinn í einvíginu og jafnaði Anand
taflið auðveldlega. Hvorugur
þeirra vildi þó sættast á skiptan
hlut og upphófust flækjur í mið-
taflinu þar sem Topalov hirti ban-
eitrað peð og var harkalega refs-
að. - pal
Anand áfram heimsmeistari:
Úrslitin réðust í
lokaskákinni
ANAND Á blaðamannafundi þegar sigur-
inn var í höfn. FRÉTTABLAÐIÐ/AFP
VÍSINDI Handþvottur hreinsar ekki bara í burtu
óhreinindi og sýkla heldur hreinsar einnig sam-
viskubit vegna slæmra ákvarðana, samkvæmt nið-
urstöðum rannsóknar.
Nú hafa sérfræðingarnir einnig komist að því að
handþvotturinn dregur úr þeim áhrifum sem fyrri
ákvarðanir hafa á breytni fólks, óháð því hvort það
hefur samviskubit eða ekki.
Þetta kemur fram í nýjasta eintaki vísindatíma-
ritsins Science. Þar er vitnað í rannsókn sálfræð-
inga við Michigan-háskóla í Bandaríkjunum, sem
sýnir fram á að hið gamalreynda ráð að þvo hendur
sínar af slæmum ákvörðunum slær í raun og veru á
samviskubitið.
Í rannsókninni voru háskólanemar látnir raða
tíu hljómplötum eftir því hverjar þeirra þeir vildu
helst eiga. Eftir það máttu þeir eiga annaðhvort
plötu númer fimm eða sex. Rannsóknir sýna að eftir
að hafa fengið disk að gjöf raða háskólanemarnir
gjarnan þeim diski sem þeir fengu ofar, eigi þeir að
endurtaka tilraunina.
Í þessu tilviki þurfti helmingur þeirra að þvo sér
um hendurnar áður en þeir röðuðu diskunum aftur í
vinsældaröð. Þeir sem þvoðu sér létu það mun síður
hafa áhrif á sig að þeir hafi fengið einn diskanna
að gjöf. Það þótti sýna að handþvotturinn dragi úr
áhrifum fyrri ákvarðana. - bj
Rannsókn sýnir að handþvottur hreinsar samviskubit vegna slæmra ákvarðana:
Hægt að þvo burtu slæm áhrif
HANDÞVOTTUR Þekkt hefur verið að handþvottur slái á sam-
viskubit yfir slæmum ákvörðunum. FRÉTTABLAÐIÐ/GVA
Brunabót með gosstyrki
Styrktarsjóður Eignarhaldsfélagsins
Brunabótafélags Íslands hefur tilkynnt
sveitarfélögum sem eiga aðild að
félaginu að ekki verði óskað eftir
umsóknum í sjóðinn að þessu sinni.
Úthlutunarfénu verði þess í stað varið
til sérstakra brýnna verkefna í sveitar-
félögum vegna afleiðinga eldgossins í
Eyjafjallajökli.
ELDGOS Í EYJAFJALLAJÖKLI
ALÞINGI Árni Páll Árnason, félags-
og tryggingamálaráðherra, leggur
í dag frumvarp um greiðsluaðlög-
un bílalána fyrir þingflokka stjórn-
arflokkanna. Undanfarnar vikur
hafa staðið yfir viðræður á milli
stjórnvalda og bílalánafyrirtækja
um afskriftir erlendra bílalána og
breytingar á þeim yfir í íslenskar
krónur. Þær skiluðu ekki tilætluð-
um árangri.
„Það er rétt. Nú fer frumvarpið
í sinn lögformlega feril fyrst við
náðum ekki að fara samkomulags-
leiðina. Við höfðum bundið vonir
við að samkomulag myndi nást því
þá hefði málið í heild sinni unnist
hraðar. En við höldum bara okkar
striki og fyrirtækin hugsa þá vænt-
anlega sinn gang,“ segir Árni Páll.
Gengistryggð lán hafa hækkað
allt að 80 prósent meira en verð-
tryggð lán til bílakaupa. Með fyr-
irhuguðum aðgerðum stjórnvalda
verður þessi umframhækkun tekin
til baka að stærstum hluta.
Spurður hvort fyrirtækin séu fall-
in á tíma og samkomulag sé úr sög-
unni segir Árni Páll að þau hafi í
raun tíma þangað til frumvarpið er
orðið að lögum. „En við tefjum ekki
við þetta lengur. Fyrirtækin taka
ákvarðanir út frá sínum hagsmun-
um. Við erum að hugsa um almanna-
hagsmuni.“ - shá
Frumvarp um greiðsluaðlögun bílalána lagt fyrir þingflokkana í dag:
Tilraun til samkomulags brást
ÁRNI PÁLL ÁRNASON Frumvarp um
greiðsluaðlögun bílalána verður lagt fyrir
þingflokkana í dag. FRÉTTABLAÐIÐ/ANTON
SJÁVARÚTVEGUR Nýlega er lokið
árlegri rannsókn Hafrannsókna-
stofnunarinnar á hrygningar-
slóð þorsks, svokölluðu netaralli.
Sex bátar tóku þátt í netarallinu.
Afli var góður en tiltölulega
mikið er nú af stórum þorski í
stofninum, segir á vef Hafró.
Aflinn í netarallinu hefur verið
góður í fjögur ár eða allt frá
árinu 2007.
Úrvinnsla gagna er á frum-
stigi, en fyrstu niðurstöður
munu liggja fyrir í lok maí.
- shá
Netaralli Hafró lokið:
Góður þorskafli
fjórða árið í röð
MENNING Listahátíð í Reykjavík
hefst í dag með tónleikum mal-
ísku tónlistarmannanna Amadou
og Mariam í Laugardalshöll.
Listahátíðin hefur verið haldin
síðan árið 1970. Þar til árið 2004
var hún haldin annað hvert ár en
árlega eftir það. Fjöldi viðburða
verður að þessu sinni. Má þar
nefna að á morgun verður norski
píanóleikarinn Leif Ove Andsnes
með tónleika í Laugardalshöll. Á
föstudaginn verða djasstónleik-
ar með Marilyn Mazur og Sidsel
Endresen í Íslensku óperunni og
þá um kvöldið verður leiksýning-
in Rómeó og Júlía á Stóra sviði
Borgarleikhússins.
Yfirstjórn Listahátíðar er í
höndum fulltrúaráðs, sem er
skipað helstu lista- og menn-
ingarstofnunum landsins ásamt
ýmsum samtökum listamanna.
Menntamálaráðherra og borg-
arstjórinn í Reykjavík gegna
formennsku í fulltrúaráðinu til
skiptis, tvö ár í senn. - th
Fjöldi listviðburða í maí:
Listahátíð hefst í
Reykjavík í dag
AMADOU & MARIAM Malísku tónlistar-
mennirnir stíga fyrstir á svið á Listahátíð
í Reykjavík. Þau verða með tónleika í
Laugardalshöllinni. MYND/HÖRÐUR SVEINSSON
ÞORSTEINN
JÓNSSON
JÓN
SIGURÐSSON
LÁRUS
WELDING
INGIBJÖRG
PÁLMADÓTTIR
JÓN ÁSGEIR
JÓHANNESSON
Stefnt fyrir dóm í New York
Fyrrverandi
eigendum,
stjórnarmönn-
um og forstjóra
Glitnis hefur verið
stefnt til greiðslu
tveggja milljarða
dollara.
PÁLMI
HARALDSSON
HANNES
SMÁRASON
DÓMSMÁL Skilanefnd Glitnis hefur
höfðað mál fyrir dómstól í New
York í Bandaríkjunum gegn sjö
fyrrverandi eigendum og háttsett-
um stjórnendum gamla bankans.
Þeir eru Jón Ásgeir Jóhannesson
og eiginkona hans Ingibjörg Pálma-
dóttir, Hannes Smárason, Pálmi
Haraldsson í Fons, Þorsteinn Jóns-
son, Lárus Welding og Jón Sigurðs-
son. Upphæð kærunnar er tveir
milljarðar Bandaríkjadala, eða 257
milljarðar íslenskra króna.
Þetta kemur fram í frétt Reuters
í gærkvöldi. Þar segir að sjömenn-
ingunum sé gefið að sök að hafa
gert samsæri um að ná völdum í
bankanum og hafi þeir á stuttum
tíma sogið fé út úr bankanum til að
koma öðrum fyrirtækjum sínum til
bjargar og til að fylla eigin vasa.
Árni Tómasson, formaður skila-
nefndar Glitnis, staðfesti í viðtali
við Fréttablaðið í gærkvöldi að
fréttin væri á rökum reist. Hann
sagði að málið væri endahnútur
langrar rannsóknar en hann gæti
ekki tjáð sig um málavöxtu frek-
ar. Fréttatilkynning yrði send frá
skilanefndinni í morgunsárið.
Á fréttaveitunni Bloom berg er
vitnað í stefnuna um að „fall bank-
ans verði ekki síst rakið til við-
skipta [Jóns Ásgeirs] Jóhannesson-
ar“. Fréttaveitan segir að eigendur
bankans hafi tekið féð út úr bank-
anum á „allra versta tíma fyrir
bankann“ og átt stóran þátt í falli
hans ári síðar.
Í stefnunni er málsaðilum gefið
að sök að hafa fjármagnað samsær-
ið gegn Glitni með sölu skuldabréfa
sem Glitnir gaf út í september 2007
fyrir um einn milljarð Banda-
ríkjadollara, eða um 130 milljarða
íslenskra króna á núverandi gengi.
Stjórnendum stefnt til
greiðslu 257 milljarða
Skilanefnd Glitnis hefur höfðað mál gegn stærstu eigendum og stjórnendum
gamla bankans. Hinir stefndu eru taldir hafa haft 257 milljarða króna af bank-
anum. Endurskoðendum bankans er jafnframt stefnt sem meðsekum í málinu.
Skuldabréfin voru seld til fjárfesta
í Bandaríkjunum og ekki síst í New
York.
Hópurinn sem um ræðir náði
völdum í bankanum í apríl 2007.
Í skýrslu rannsóknarnefndar
Alþingis segir að árið 2007 hafi
Glitnir aukið skuldabréfaútgáfu
sína að mun og þar hafi munað
langmest um útgáfu á Banda-
ríkjamarkaði. Á mánuðunum eftir
stjórnar- og forstjóraskipti tvöföld-
uðust útlán frá Glitni til Baugs og
tengdra fyrirtækja, að því er segir
í skýrslunni.
Þá er PriceWaterHouseCoopers,
fyrrverandi endurskoðunarfyrir-
tæki bankans, nefnt í málskjölum.
Skilanefndin heldur því fram að
endurskoðendur fyrirtækisins séu
meðsekir í meintu samsæri til að
ná fé út úr Glitni.
Skilanefnd Glitnis stefndi Jóni
Ásgeiri, Pálma, Lárusi og þremur
öðrum fyrrverandi stjórnendum
Glitnis fyrir rúmum mánuði fyrir
að hafa meðal annars misnotað eig-
endavald og náð lánsfé út úr bank-
anum með ólögmætum aðferðum.
Sex milljarðar króna runnu til Fons,
félags Pálma, og var þess krafist að
sexmenningarnir greiddu þá upp-
hæð til baka.
svavar@frettabladid.is
SPURNING DAGSINS