Fréttablaðið - 12.05.2010, Blaðsíða 21

Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
KLIPPT OG SKORIÐ – um skegg og rakstur, er yfirskrift nýrr-
ar sýningar í Horninu á annarri hæð Þjóðminjasafnsins sem verður
opnuð á morgun. Á sýningunni má sjá ýmislegt tengt skeggi karl-
manna og hvernig þetta karlmennskutákn hefur tekið mið af tísku og
tíðaranda.
„Ég flaug út með foreldrum mínum
til Sjanghæ árið 2003 og við dvöld-
um þar í tvær vikur,“ segir Guðrún
Heimisdóttir dagskrárgerðarkona
en systir Guðrúnar, Sigga Heimis
vöruhönnuður, vann á þeim tíma
hjá IKEA og var í tengslum við
starfið í Kína í tvo mánuði. Fjöl-
skyldan ákvað því að nota tæki-
færið og heimsækja Siggu.
„Ferðin var ógleymanleg í alla
staði. Við millilentum í London
en flugum þaðan beint til Sjang-
hæ þar sem systir mín tók á móti
okkur. Þaðan fórum við beina leið
í nudd þar sem ég var látin liggja
undir risastóru laki, í öllum fötun-
um og blindur maður nuddaði mig.
Þetta er eitt allra besta nudd sem
ég hef nokkurn tímann farið í,“
segir Guðrún.
Fjölskyldan flaug til Pek-
ing meðan á ferðalaginu stóð og
dvaldi þar í tvær nætur þar sem
Kína múrinn, Forboðna borgin og
Sumarhöllin voru heimsótt.
„Sjanghæ er æðislegur staður.
Við heimsóttum ýmsa markaði,
svo sem blómamarkað og sátum á
ófáum tehúsunum. Við tókum sér-
staklega eftir því hvað Kínverjar
eru kátir og til dæmis á mörkuð-
unum höfðu þeir hreinlega gaman
af því að maður prúttaði við þá,
sem ég hef aldrei verið góð í, en
þarna var það bara skemmtilegt.
Allir skellihlógu og á endanum
voru allir kátir, enda sölumennirn-
ir eflaust búnir að rýja mann inn
að skinni. Verandi einfaldur túristi
var maður bara hæstánægður með
kaupin.“
Hápunktur ferðarinnar var að
mati Guðrúnar að upplifa kínversk
áramót. „Maður upplifði reyndar
nýja hluti á hverjum degi en kín-
versku áramótin voru einstök.
Kínverjar sprengja ekki flugeld-
ana vegna þess að þeir eru svo
fallegir heldur er tilgangurinn að
hræða burt vonda anda með látun-
um. Það var því sprengt og sprengt
alla nóttina mitt á milli risastórra
blokka inni í miðri borg,“ segir
Guðrún og bætir við að hana hafi
langað til Kína æ síðan hún kom
heim aftur. „Fram að ferðalaginu
hafði ég varla látið mig dreyma um
að fara alla leið til Asíu en ég varð
strax veik í að fara aftur þegar ég
kom heim og mun án efa fara aftur
til Kína í framtíðinni.“
juliam@frettabladid.is
Nudd og tehús í Kína
Guðrún Heimisdóttir upplifði kínversk áramót fyrir nokkrum árum þegar hún dvaldi í Sjanghæ þar sem
systir hennar starfaði. Hún segir Kína ótrúlegt land og síðan hafi hún verið veik í að fara aftur.
Guðrún Heimisdóttir dagskrárgerðarkona fór alklædd í nudd hjá blindum nuddara í Kína. FRÉTTABLAÐIÐ/PJETUR