Fréttablaðið - 12.05.2010, Blaðsíða 42
26 12. maí 2010 MIÐVIKUDAGUR
menning@frettabladid.is
Vortónleikar Kórs Bústaðakirkju verða í kvöld
kl. 20. Kórinn hefur undir stjórn Jónasar Þóris
safnað saman stórum hóp listamanna og kalla
þeir Bústaðamenn dagskrána Frægustu athafna-
lögin. Með kórnum kemur fram fimmtán manna
hljómsveit og hópur einsöngvara: Margrét Ein-
arsdóttir, Guðrún Jóhanna Ólafsdóttir, Nathalia
Druzin, Gréta Hergilsdóttir, Margrét Helga og
Jóhann Friðgeir svo nokkrir séu nefndir.
Efnisskráin er sótt vítt og breitt: Vivaldi, Hand-
el og Bach, óperujöfrar á borð við Mozart, Verdi
og Mascagni, sitja á bekk með meisturum hins
alþýðlega söngleiks, Lloyd Webber, Gershwin og
þeirra Rodgers og Hammerstein, auk nokkurra
ítalskra laga eftir tónsmiði á borð við Dalla,
Morricone og Quarantotto.
Hér er því í boði dagskrá sem ætti að gleðja
vini söngsins og þá sem skemmra eru komnir.
Jóhann Friðgeir leiðir Bústaðamenn
TÓNLIST Jóhann Friðgeir ásamt þeim Grétu Hergils,
Jónasi Þóri Þórissyni og Hjörleifi Valssyni.
Kammerkórinn Carmina
leggur nú lokahönd á efn-
isskrá sem hann flytur í
Kristskirkju í Landakoti um
helgina. Kórinn setti Árni
Heimir Ingólfsson á stofn
og hefur Carmina uppskor-
ið mikið hrós hjá vönduð-
um erlendum tónlistartíma-
ritum fyrir flutning sinn á
tónlist fyrri alda en á því
sviði starfar kórinn fyrst og
fremst. Þannig voru menn
á breska tónlistarblaðinu
Gramophone yfir sig hrifn-
ir af geisladisk kórsins,
Melódíu.
Kammerkórinn Carmina var stofn-
aður árið 2004 og er eini tónlistar-
hópur sinnar tegundar á Íslandi
sem sérhæfir sig í flutningi á tón-
list endurreisnartímans. Meðlim-
ir hópsins koma víða að, eru ýmist
búsettir á Íslandi, í Lundúnum eða
Kaupmannahöfn. Allir eru þeir
með söngmenntun að baki og starfa
bæði sjálfstætt sem tónlistarmenn
og með öðrum kórum. Á undanförn-
um árum hefur Carmina einbeitt
sér að því að flytja og hljóðrita tón-
list úr íslenskum nótnahandritum
sem lengi höfðu legið í þagnargildi,
en auk þess hefur hópurinn frum-
flutt á Íslandi fjölda meistaraverka
frá 15. og 16. öld. Á efnisskránni í
Kristskirkju er til að mynda að
finna þrjú tónverk sem ekki hafa
heyrst áður hér á landi.
Árni segir kórinn hafa það hlut-
verk í tónlistarlífi landsins að
syngja tónlist sem annars ratar
sjaldan á tónleikaprógrömm: „Ef
litið er yfir tónlistarsviðið má segja
að tónlistarsagan byrji með Bach í
kringum aldamótin 1700 og nái til
dagsins í dag, sem gerir um þrjú
hundruð ár. Okkar áhersla spannar
ríflega tvær aldir þarna á undan,
og við reynum markvisst að láta
okkar efnisskrár ekki skarast við
það sem aðrir hérlendir kórar og
sönghópar fást við. Við teljum ein-
faldlega mikilvægt að Íslendingar
fái tækifæri til að upplifa þá ómót-
stæðilegu töfra sem tónlist endur-
reisnartímans býr yfir. Þetta er eitt
af gullaldarskeiðum listasögunnar
og það gildir jafnt um tónlistina
eins og aðrar listgreinar.“
Á tónleikunum í Kristskirkju á
laugardag og sunnudag eru nokkr-
ar helstu perlur endurreisnartón-
listarinnar og eiga verkin það flest
sameiginlegt að vera samin Maríu
guðsmóður til dýrðar. Meðal þeirra
má nefna hið víðfræga Ave Maria
eftir Josquin des Prez, sem hefur
verið kallað „Mona Lisa endur-
reisnartónlistarinnar“. Einnig
eru á efnisskránni Maríusöngvar
eftir Morales, Victoria og Dunsta-
ble, auk tveggja söngva úr íslensk-
um handritum frá 16. og 17. öld. Þá
verða flutt tvö magnþrungin verk
við Harmljóð Jeremía, eftir Thom-
as Tallis og Orlando di Lasso, þar
sem leikið er á margvíslega strengi
tilfinninganna.
Það er fjölmargt spennandi á
döfinni hjá Carminu og ljóst að
hróður hópsins hefur borist víða.
Fyrir utan tónleikana á Listahátíð
mun kórinn koma fram á tónlist-
arhátíðinni Við Djúpið á Ísafirði
í júní, og á hátíðinni Wege Durch
das Land í Þýskalandi í júlí. Þar
syngur Carmina í hinu sögufræga
Dalheim-klaustri í Lichtenau, þar
sem Nikulás Bergþórsson ábóti á
Munkaþverá gisti á leið sinni til
Rómar um miðja 12. öld. Einnig er
væntanlegur á markað nýr hljómd-
iskur þar sem Carmina flytur lög
úr íslenska handritinu Hymnodia
sacra, sem ritað var árið 1742.
Stjórnandi á tónleikunum í
Kristskirkju er Árni Heimir en þeir
eru kl. 16 báða dagana og er miða-
sala á midi.is og í miðasölu Listahá-
tíðar á Bernhöftstorfunni. - pbb
CARMINA MEÐ TÓNLEIKA
Í LANDAKOTI UM HELGINA
TÓNLIST Kammerkórinn Carmina er með þéttskipaða dagskrá og gefur brátt út nýjan
disk með íslenskri tónlist úr Hymnodíu-handritinu. MYND CARMINA
HVAÐ? HVENÆR? HVAR?
Miðvikudagur 12. maí 2010
➜ Tónleikar
20.00 Kammerkór Hafnarfjarðar
og kór Öldutúnsskóla halda tónleika í
Hafnarfjarðarkirkju við Strandgötu. Einn-
ig koma fram Ágúst Ólafsson bariton,
Leó Snæfeld Pálsson kórsópran, Sophie
Marie Schoonjans hörpuleikari, Hlín
Erlendsdóttir fiðluleikari og Guðmundur
Sigurðsson orgelleikari.
20.00 Kvennakórinn Vox feminae
heldur tónleika í Íslensku óperunni við
Ingólfsstræti. Sérstakir gestir tónleikanna
verða Sigrún Hjálmtýsdóttir, félagar úr
Karlakórnum Fóstbræðrum og Stúlkna-
kór Reykjavíkur. Nánari upplýsingar á
www. midi.is.
20.30 Opnunartónleikar Listahátíðar
2010 með Amadou & Mariam í Laug-
ardalshöllinni. Retro Stefson sér um
upphitun. Nánari upplýsingar á www.
midi.is.
22.00 Hljómsveitirnar Króna, Báru-
járn og Miri halda tónleika á Sódóma
Reykjavík við Tryggvagötu. Dj Biggi
Maus þeytir skífum eftir tónleikana.
Húsið verður opnað kl. 21.
➜ Opnanir
14.00 Nemendur á fyrsta og öðru ári
myndlistardeildar Listaháskólans opna
sýningu í Kubbnum, sýningarými mynd-
listadeildar við Laugarnesveg. Opið
fimmtudag og föstudag kl. 09-16.
➜ Fyrirlestrar
12.10 Hönnuðurinn Sruli Recht verður
með fyrirlestur í Opna Listaháskólanum
við Skipholt 1 (st. 113). Fyrirlesturinn
fer fram á ensku. Nánari upplýsingar á
www.lhi.is.
12.10 Dr Astrid E.J. Ogilvie flyt-
ur erindi um eldsumbrot og áhrif á
umhverfi, loftslag og samfélag á Íslandi
í aldanna rás. Fyrirlesturinn fer fram hjá
Stofnun Vilhjálms Stefánssonar í and-
dyri Borga við Norðurslóð á Akureyri.
Nánari upplýsingar á www.svs.is.
➜ Málstofa
15.00 Málstofa um rannsóknir á launa-
mun kynjanna verður haldin í fundarsal
Seðlabankans að Sölvhóli. Erindi flytja
Margrét Kristín Indriðadóttir og Eyjólfur
Sigurðsson. Nánari upplýsingar á www.
sedlabanki.is.
Upplýsingar um viðburði sendist á
hvar@frettabladid.is.
ath. kl. 14 í Listaháskólanum
í Laugarnesi.
„Ljósmyndin sem sjálfstæður miðill í
myndlist“ kallast sýning í Kubbn um.
Nemendur á fyrsta og öðru ári í
myndlistardeild hafa unnið með ljós-
myndina út frá mismunandi nálg-
un. Opið virka daga frá kl. 9.00 - kl.
16.00.
Leikferðir um landið voru í eina tíð
fastur passi í leikhúslífi þjóðarinn-
ar. Lagt var úr bænum um leið og
vegir voru færir og leikið stundum
í hverju einasta samkomuhúsi sem
tók leikmynd og var með bærileg-
um ljósabúnaði. En nú er það liðin
tíð. Því kemur gleðilega á óvart að
í gær hófst miðasala á leikför um
landið með gamanleikinn Hellis-
búann sem verið hefur á fjöl-
um Óperunnar í vetur. Hafa
þá um 20 þúsund séð sýning-
una sunnan og norðan heiða.
Rúnar Freyr Gíslason leik-
stýrði og Sigurjón Kjart-
ansson sá um að þýða
og staðfæra.
Vegna fjölda áskor-
ana hefur nú verið
ákveðið að fara í túr
um landið. Hellisbú-
inn verður á ferðinni
5.-19. júní og heimsæk-
ir sex bæjarfélög.
Dagskráin er svona:
5. júní: Bíóhöllin, Akranesi
10. júní: Klif, Ólafsvík
11. júní: Félagsheimilið, Búðardal
12. júní: Edinborgarhúsið,
Ísafirði
18. júní: Valaskjálf, Egilsstöðum
19. júní: Valhöll, Eskifirði
Aðeins er um eina sýningu að
ræða í hverju bæ og því takmarkað
magn miða í boði. Miðasalan hófst
í gær á Miði.is.
Jóhannes Haukur Jóhannes-
son er Hellisbúinn: Hann segir
þá verða tvo í för og þetta sé allt
í lágmarkinu. Vel komi til
greina að bæta við stöðum
ef áhugi sé á: því farið þið
ekki til Eyja, spyrjum
við. „Það hefur komið
til tals,“ segir hann, „Þá
er það bíóið eða íþrótta-
höllin.“ Eða brekkan á
þjóðhátíð, segjum við.
- pbb
Lagt í Hellisbúatúr
LEIKLIST Hellis-
búaspaug
Jóhannesar
Hauks fer brátt
um landið.
> Ekki missa af …
Sýningin Klippt og skorið
– um skegg og rakstur opnuð
í Horninu á 2. hæð í Þjóð-
minjasafni Íslands á morgun.
Á sýningunni má sjá ýmislegt
tengt skeggi karlmanna og
hvernig þetta karlmennsku-
tákn hefur tekið mið af tísku
og tíðaranda.
512 5100 | STOD2SPORT.IS | VERSLANIR VODAFONE | VERSLANIR OG ÞJÓNUSTUVER SÍMANS 800 7000