Fréttablaðið - 14.05.2010, Blaðsíða 12
12 14. maí 2010 FÖSTUDAGUR
FRÉTTASKÝRING: Garðbæingar þekkja ekki annað en hreinan meirihluta Sjálfstæðisflokksins í bæjarstjórn
Pétur
Gunnarsson
peturg@frettabladid.is
Garðabær slapp betur frá
hruni efnahagslífsins en
flest önnur sveitarfélög
á höfuðborgarsvæðinu.
Fjárhagsstaðan er traust og
reksturinn skilaði góðum
afgangi síðasta ár.
Bæjarstjórn Garðabæjar hafði
markað þá stefnu að taka engin lán
í erlendum gjaldmiðlum. Skulda-
staðan stökkbreyttist því ekki við
hrun krónunnar, líkt og gerðist til
dæmis hjá nágrönnunum á Álfta-
nesi.
Þá tóku einkaaðilar en ekki bæj-
arsjóður mesta skellinn af sam-
drætti á byggingamarkaði í bænum.
Kópavogur, Reykjavík og fleiri
sveitarfélög hafa orðið fyrir mikl-
um kostnaði vegna skila á bygging-
arlóðum en hjá Garðabæ er ekki
um slíkt að ræða; þeir einstakling-
ar sem eru að byggja í Akralandi
og Urriðaholti keyptu sínar lóðir af
einkafyrirtækjum.
Þá var lánið með Garðbæingum
hvað varðar kostnað sveitarfélags-
ins við uppbyggingu nýs miðbæjar.
Framkvæmdir þar voru að rétt að
hefjast þegar hrunið varð.
Útsvarstekjur bæjarins á hvern
íbúa eru með þeim hæstu á land-
inu í Garðabæ þótt útsvarsprósent-
an sé þar ein sú lægsta. Minnihlut-
inn bendir á að Garðbæingar séu
krafðir um hærri þjónustugjöld en
íbúar margra annarra sveitarfé-
laga. Deilur um þetta hafa meðal
annars birst í umræðum um þátt-
töku bæjarins í því að niðurgreiða
mat fyrir börn í grunnskólum og
leikskólum.
Skólamál hafa verið í brennidepli
í Garðabæ undanfarin ár og meiri-
hlutinn hefur lagt áherslu á einka-
rekstur, meðal annars með sam-
starfi við skóla Hjallastefnunnar,
sem hefur rekið grunnskóla fyrir
börn í 1. til 4. fjórða bekk. Skóla-
nefnd bæjarins samþykkti nýlega
að semja við fyrirtækið um aukin
viðskipti og grunnskólavist fyrir
nemendur upp í 7. bekk.
Hreinn meirihluti Sjálfstæð-
isflokksins hefur verið við völd í
Garðabæ svo lengi sem elstu menn
muna. Flokkurinn hefur nú fjóra
bæjarfulltrúa af sjö en Samfylking
og Framsókn fengu þrjá af sameig-
inlegum A-lista.
Framsóknarmenn og samfylk-
ingarmenn hafa hætt samstarfinu
og bjóða nú fram eigin lista. VG
býður ekki fram í Garðabæ.
Nokkur átök hafa verið innan
Sjálfstæðisflokksins í Garðabæ.
Það birtist skýrast í óánægju sem
kom upp í kjölfar prófkjörs þar sem
fjórir karlar urðu í efstu sætum.
Úr því var leyst með því að Erling
Ásgeirsson, sem varð í 1. sæti,
og Áslaug Hulda Jónsdóttir, sem
varð í fimmta sæti, höfðu sæta-
skipti. Erling er sagður í baráttu-
sæti flokksins, þannig að markmið
sjálfstæðismanna er að sækja sér
einn fulltrúa til viðbótar í þessum
kosningum.
Fjórði framboðslistinn sem fram
kom fyrir þessar kosningar hefur
sterk tengsl við Sjálfstæðisflokk-
inn. Oddviti M-listans, Ragný Þóra
Guðjohnsen, er varabæjarfull-
trúi sjálfstæðismanna til átta ára
og formaður í nefndum bæjarins í
umboði núverandi meirihluta. Hún
náði ekki settu marki í prófkjöri
sjálfstæðismanna. M-listinn leggur
áherslu á gagnsæi og stjórnsýslu-
umbætur. Í öðru sæti þar er fyrr-
verandi varabæjarfulltrúi Sjálf-
stæðisflokksins. Víðar á listanum
er fólk, sem hefur gegnt trúnaðar-
störfum fyrir flokkinn. Það er þó
ekki einhlítt, til dæmis er fyrrver-
andi bæjarfulltrúi framsóknar-
manna og óháðra í bænum í fjórða
sæti listans.
Þó er ljóst að M-listinn rær eink-
um á mið Sjálfstæðisflokksins í
atkvæðaleit, enda er vart á önnur
mið að sækja fyrir ný framboð
sem leita áhrifa í bæjarpólitíkinni
í Garðabæ.
Hittumst við Shellstöðina við Suðurfell. Gengið um
Seljahverfi , ræðum hugmyndina á bak við skipulagið og
skoðum tilraunareiti í fylgd Ágústu Krisjánsdóttur og
Péturs H. Ármannssonar. Rölt um einskismannslandið
milli Kópavogs og Breiðholts og þess freistað að ná tali af
Kópavogsbúum með sameiningu sveitarfélaganna í huga.
Fræðslu- og sameiningarganga um
Seljahverfi milli 10 og 12 á laugardag
Allir velkomnir í góðan göngutúr!
Borgarganga
með Hjálmari
Slapp flestum betur frá hruninu
„Ég held að þetta snúist fyrst og fremst um fjárhagslegan
stöðugleika, ef hann er ekki til staðar er lítið hægt að
gera,“ segir Áslaug Hulda Jónsdóttir, sem skipar 1. sætið
á lista Sjálfstæðisflokksins í Garðabæ. Fjárhagsstaða
bæjarins sé traust og sjálfstæðismenn leggi áherslu á að
útsvar verði óbreytt. Það er með því lægsta sem þekkist.
„Við ætlum að halda traustri fjármálastjórn og óbreyttum
álögum.“
Hún segir að Sjálfstæðisflokkurinn leggi áherslu á að
auka ekki skuldir bæjarbúa heldur nýta fjárhagslegan
styrk bæjarsjóðs til að varðveita grunnþjónustu við íbúana. „Ég held að þessi
kosningabarátta sé ekki barátta stórra loforða,“ segir Áslaug Hulda. „Þetta snýst
um að varðveita þann árangur sem við höfum náð og horfa til framtíðar.“
Bærinn hafi verið í forystu í skólamálum og muni halda áfram á sömu braut í
þeim efnum. „Staðan hér í Garðabæ er mjög góð, sérstaklega ef við horf-
um til þess hvernig hún er í sveitarfélögunum í kringum okkur.“ Tónninn sé
jákvæðari í Garðabæ hér en annars staðar sem byggist á því að fjármálin eru
í lagi. Áslaug Hulda segir að mjög góð samvinna hafi verið milli meirihluta og
minnihluta í bæjarstjórninni á þessu kjörtímabili. Góð samstaða hafi þar tekist
um mörg af mikilvægustu málunum. Þar hafi Gunnar Einarsson, bæjarstjóri og
bæjarstjóraefni Sjálfstæðisflokksins, gegnt lykilhlutverki.
Snýst um fjárhagslegan stöðugleika
GARÐABÆR Garðabær bar engan kostnað af lóðaskilum í kjölfar hrunsins. Einkaaðil-
ar en ekki bærinn sjálfur báru ábyrgð á uppbyggingu byggingarsvæða.
Gagnsæi og gott
siðferði
„Við köllum
okkur Lista
fólksins í
bænum af
því að við
viljum starfa
fyrir fólkið í
bænum,“ segir
Ragný Þóra
Guðjohnsen,
oddviti M-listans. „Við endurspegl-
um fjölbreytni samfélagsins, erum
á ýmsum aldri, konur og karlar,
með mikla reynslu úr bæjarmálum,
atvinnulífinu, félagsmálum og þeim
málaflokkum sem sveitarstjórnin
fjallar mest um.“
Ragný Þóra hefur sjálf verið
varabæjarfulltrúi undanfarin tvö
kjörtímabil og starfað í skipulags-,
bygginga- og forvarnarnefndum
bæjarins. Fleiri á listanum hafa
verið áberandi í starfi Sjálfstæðis-
flokksins en þar er einnig fyrrver-
andi bæjarfulltrúi Framsóknar og
óháðra.
M-listinn leggur áherslu á aukið
gagnsæi og gott siðferði í stjórn-
sýslunni segir Ragný Þóra. Þar
endurspeglist sú krafa sem verið
hefur uppi á landsvísu um breytta
og bætta stjórnsýslu. „Hugsjónir
okkar eru í samræmi við þessa nýju
sýn á samfélagið á Íslandi,“ segir
hún. Einnig er lögð áhersla á góða
velferðarþjónustu og markvisst starf
í málaflokkum bæjarins, sérstak-
lega skólamálum og á uppbyggingu
í útivistar- og umhverfismálum í
sátt við íbúa.
„Hjá okkur snýst þetta um að bæta það sem er gott
í Garðabænum,“ segir Sverrir Björn Björnsson, nýr
oddviti framsóknarmanna. Hann segir að góð fjárhags-
staða Garðabæjar gefi færi á að verja og bæta þjónustu
við íbúa.
„Við leggjum áherslu á fólkið og fjölskyldurnar í bænum
og viljum efla alla nærþjónustu, íbúum til hagsbóta.
Það er hægt að bæta þjónustu á ýmsan hátt án þess að
kostnaður fari upp úr öllu valdi.“ Á tímum samdráttar
þurfi að forgangsraða í þágu velferðar barna og unglinga.
„Við teljum það lykilatriði til að geta rekið gott sveitarfélag, að stjórnsýsla sé
opin og byggð á réttmætum siðferðilegum gildum.“
Sjálfstæðisflokkur hefur alla tíð haft hreinan meirihluta í Garðabæ. „Við reyn-
um okkar besta til að breyta því,“ segir Sverrir Björn. „Það er aldrei gott ef eitt
afl er ríkjandi í sveitarstjórn eða annars staðar.“
Framsóknarmenn bjóða fram undir merkinu Þinn valkostur. Þeir vilja meðal
annars endurvekja næðisstundir í grunnskólum og tryggja að hægt verði
að nota greiðslur frá sveitarfélaginu til að niðurgreiða tónlistarnám, líkt og
íþrótta- og tómstundaiðkun. „Við viljum ekki ganga á opin svæði og byggja
áfram upp net útivistar- og göngustíga,“ segir Sverrir Björn.
Áhersla á fólkið og fjölskyldurnar
Samvinnu í stað samkeppni sveitarfélaga
„Kosningarnar snúast um þjónustu við barnafjölskyldur,
þjónustu við eldri borgara sem hefur fjölgað mikið, og
svo skipulagsmál í víðu samhengi,“ segir Steinþór Ein-
arsson, bæjarfulltrúi og oddviti Samfylkingarinnar.
„Garðabær stendur vel og getur margt gott gert en hér
eru mjög há þjónustugjöld lögð á barnafjölskyldur, mun
hærri en í nágrannasveitarfélögunum.
Vegna hárra meðaltekna Garðbæinga eru útsvarstekj-
ur hærri á hvern íbúa en í öðrum sveitarfélögum þótt
álagningarprósentan sé nokkuð undir hámarki.
Steinþór segir að fjárhagsstaða bæjarins sé ágæt og veiti svigrúm til að bæta
þjónustu við íbúana. Eitt stærsta verkefni næstu ára verði að endurskoða
miðbæjarskipulagið, draga úr því byggingarmagni sem nú er gert ráð fyrir á
því svæði og „ná sátt um að byggja upp fallegan og góðan miðbæ“.
Steinþór segir að allir bæjarfulltrúar hafi staðið saman að gerð síðustu fjár-
hagsáætlunar enda kalli ástandið í þjóðfélaginu á samstöðu. Á næstu árum
þurfi sveitarfélögin á höfuðborgarsvæðinu að leggja áherslu á samvinnu á
fleiri sviðum í stað þeirrar samkeppni sem ríkt hefur þeirra á milli.