Fréttablaðið - 14.05.2010, Blaðsíða 30
14. MAÍ 2010 FÖSTUDAGUR
Hefur þú það stundum á tilfinn-
ingunni að framleiðendur láti
sér í léttu rúmi liggja hvaða
áhrif framleiðsla þeirra hefur á
heilsu þína, hvað þá umhverfið?
Eins og við höfum komist að að
undanförnu er því miður oftar
en ekki þannig í pottinn búið.
Góðu fréttirnar eru að við
höfum líka vald til að þrýsta á
um breytingar. Ef við nýtum
okkur það ekki, gerist ekkert.
Þá er ósköp einfalt og þægi-
legt fyrir hvern sem er að taka
upp á því að framleiða vöru
og selja okkur. Ef við skoðum
ekki innihald og umbúð-
ir og hugleiðum hvaða
áhrif varan hefur á
okkur og umhverfið þá
er framleiðandinn ekk-
ert að breyta vörunni eða
lagfæra hana svo hún sé
óskaðleg.
Það sem er svo
dásamlegt við
vottanir eins
og umhverf-
ismerki er að
eitthvert pott-
þétt batterí
hefur tekið að
sér að grand-
skoða fyrirbær-
ið og fara fram á
að það uppfylli ströngustu skil-
yrði. Það getum við neytend-
ur ekki gert, við höfum hvorki
þekkingu né tíma til að hafa
áhyggjur af því hvort hvert ein-
asta snitti sem við þurfum á að
halda sé eitrað eða skaði nátt-
úruna.
Þess vegna er ég aðdáandi
umhverfismerkinga, þær eru
öryggisventill og tæki fyrir
mig til að senda skilaboð til
allra framleiðanda og þjónustu-
aðila. Með því að velja frekar
umhverfisvottað erum við að
þrýsta á aðra um að uppfylla
sömu skilyrðin. Svanurinn er
eitt allra virtasta umhverfis-
merkið og að baki því liggur
þéttriðið öryggisnet fyrir
okkur og umhverfið. Hugs-
ið ykkur ef allir færu eftir
þeim kröfum sem
Svanurinn gerir
til framleiðslu
og þjónustu, þá
væri heimur-
inn betri.
Guðrún A.
Tryggvadóttir,
framkvæmda-
stjóri Náttúran.is.
Hverjum vilt þú treysta?
Guðrún er hlynnt
umhverfismerkingum.
Ríkisstjórnin samþykkti í lok
mars 2009 stefnu um vistvæn
innkaup ríkisins. Svandís Svav-
arsdóttir umhverfisráðherra
ræðir um innkaupastefnuna
og tengsl hennar við umhverf-
ismerkið Svaninn.
„Við Íslendingar höfum ekki verið
barnanna bestir á vettvangi um-
hverfismála en það er ásetningur
nýrrar ríkisstjórnar að breyting
verði til batnaðar,“ segir Svandís
Svavarsdóttir umhverfisráðherra.
„Við þurfum að ryðja nýjum við-
horfum braut og fá bæði fólkið í
landinu og atvinnulífið í lið með
okkur en árangur næst aðeins ef
stjórnvöld ganga á undan með góðu
fordæmi og sýna ábyrga hegðun á
sem flestum sviðum, meðal annars
með stefnu um vistvæn innkaup.“
Svandís segir ríkið kaupa vörur,
þjónustu og verk fyrir meira en
100 milljónir á ári sem er um fjórð-
ungur af útgjöldum þess. „Með því
að hafa umhverfissjónarmið til
hliðsjónar við innkaupin má koma
miklu til leiðar í umhverfismál-
um því það leiðir til aukins fram-
boðs á vistvænum vörum og þjón-
ustu,“ útskýrir hún og bætir við að
ávinningur geti líka falist í minni
kostnaði fyrir fyrirtæki og aukn-
um gæðum vöru og þjónustu. „Síð-
ast en ekki síst geta vistvæn inn-
kaup hvatt til nýsköpunar.“
Innt eftir tengslum Svansins
við stefnu ríkisins um vistvæn
innkaup segir Svandís: „Með
skýrum kröfum um umhverfis-
sjónarmið stuðlar ríkið að því að
markaðurinn bjóði fram nýja og
betri valkosti til að mæta kröf-
um um minna álag á umhverf-
ið. Þess vegna er innkaupastefn-
an ein af ástæðunum fyrir fjölg-
un íslenskra Svansleyfa og fjölda
umsókna hjá Umhverfisstofnun,“
segir hún og tekur fram að op-
inber fyrirtæki og stofnanir séu
atkvæðamiklir innkaupaaðilar.
„Því ættu mörg fyrirtæki að sjá
hag sinn í því að geta boðið upp á
vöru og þjónustu sem samræmist
vistvænni innkaupastefnu ríkis-
ins. Einfaldasta leiðin til að upp-
fylla umhverfisskilyrði sem sett
eru fram í opinberum útboðum
samkvæmt vistvænum innkaup-
um er að vera með vöru sína eða
þjónustu Svansvottaða.“ - mmf
Vistvæn innkaup
Svandís telur að fyrirtæki ættu að sjá hag sinn í því að geta boðið upp á vöru og
þjónustu sem samræmist vistvænni innkaupastefnu ríkisins. FRÉTTABLAÐIÐ/VALLI
náttúruleg vellíðan
Natracare hreinlætisvörur eru úr lífrænni bómull
og náttúrulegum efnum sem brotna niður í náttúrunni.
Lausar við klór, ilmefni og plastefni