Fréttablaðið - 14.05.2010, Blaðsíða 48
20 14. maí 2010 FÖSTUDAGUR
timamot@frettabladid.is
Tilkynningar um merkis atburði, stórafmæli
og útfarir má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma 512 5000.
Elskulegur faðir okkar, tengdafaðir, afi
og langafi,
Jakob Bragi Björnsson
frá Neðri-Þverá, Vesturhópi,
síðast til heimilis að Rauðarárstíg 36,
lést á líknardeild LSH, Landakoti þann 6. maí.
Útförin fer fram frá Grafarvogskirkju
föstudaginn 14. maí kl. 13.00.
Íris Kolbrún Bragadóttir Hannes Eðvarð Ívarsson
Jón Þorbergur Jakobsson Virgie Garcia
Ragnar Bragason
Björn Gísli Bragason
Haukur Davíð Grímsson Brynja Hrönn Bjarnadóttir
Jóhannes Hauksson Hildur Rut Sigurbjartsdóttir
afabörn og langafabörn.
MOSAIK
Hauks Hafsteins
Gíslasonar
rakara, Garðavík 3, Borgarnesi og
Hönnu Þórönnu
Samúelsdóttur
húsmóður, Garðavík 3, Borgarnesi.
Innilegar þakkir færum við öllum
sem auðsýndu okkur samúð og hlýhug
við andlát og útför ástkærrar dóttur
minnar og tengdasonar, foreldra
okkar, tengdaforeldra, afa, ömmu,
langafa og langömmu,
Sérstakar þakkir sendum við öllu því góða starfsfólki
á Sjúkrahúsi Akraness, sem annaðist þau í veikindum
þeirra.
Margrét Hannesdóttir
Bryndís G. Hauksdóttir Hauth Ólafur G. Gunnarsson
Ellý Hauksdóttir Hauth Jón Viðar Gunnarsson
Gísli Friðrik Hauksson Ragnheiður K. Óladóttir
Samúel Smári Hreggviðsson Sigríður Kr. Jóhannsdóttir
Ólafur Magnús Hreggviðsson
Guðgeir Veigar Hreggviðsson Sigrún Gestsdóttir
Margrét Dögg Hreggviðsdóttir Hallgrímur Sigurðsson
barnabörn og barnabarnabörn.
Elskulegur mágur okkar og frændi,
Jón Jóhannesson
frá Leikskálum,
er lést aðfaranótt 6. maí, verður jarðsunginn frá Stóra-
Vatnshornskirkju laugardaginn 15. maí kl. 15. Blóm
og kransar afþakkaðir en þeim sem vilja minnast hins
látna er bent á Dvalarheimilið Barmahlíð á Reykhólum
eða Dvalarheimilið Silfurtún í Búðardal.
Aðstandendur.
Frumkvöðlar á sviði endurnýtanlegr-
ar orku voru heiðraðir af iðnaðar- og
orkumálaráðherra nú í vikunni í tengsl-
um við námskeiðaröðina Orkubóndann.
Eiður Jónsson rafvirki hlaut smíða- og
hönnunarverðlaun fyrir framlag sitt til
virkjunarmála. Eiður rekur vélaverk-
stæði á bænum Árteigi í Þingeyjarsveit
í félagi við bróður sinn en þar spannar
saga heimavirkjana rúma hálfa öld.
„Við höfum smíðað nálægt hundrað
túrbínum og sett upp víða um land til
dæmis á Vestfjörðum og Austfjörðum
og svo eru þrjár virkjanir á Grænlandi
og ein í Færeyjum frá okkur,“ segir
Eiður. Faðir hans, Jón Sigurgeirsson,
hóf að smíða vatnstúrbínur árið 1950 í
Árteigi og vann við það alla sína ævi.
Árið 1980 fór Eiður að starfa við hlið
föður síns og árið 1988 kom bróðir hans
Arngrímur til starfa.
„Faðir minn byrjaði á að virkja fyrir
sjálfan sig. Bændurnir í sveitinni fóru
svo að leita til hans og þannig að hann
fór að setja upp rafstöðvar í bæjarlæki
víða um landið. Við bræðurnir ólumst
upp á verkstæðinu með pabba og ég
smíðaði mikið úr járni með honum. Í
framhaldinu lærði ég rafvirkjun sem
hefur nýst mér mjög vel í vinnunni við
rafstöðvarnar en Arngrímur er vél-
virki.“
Bræðurnir Eiður og Arngrímur
framleiða 3 til 4 túrbínur á ári auk þess
að sinna viðgerðum og viðhaldi á raf-
stöðvum um allt land. Fyrstu rafstöðv-
arnar sem faðir þeirra smíðaði voru
litlar með 12 eða 24 volta jafnstraums-
rafala en með árunum hafa vélarnar
stækkað.
„Síðan árið 2003 er ég búinn að
byggja tvær stórar rafstöðvar heima
í Árteigi og sel inn á landsnetið 1,2
megavött. Auk þess fæst ég við ýmis
verkefni og er núna að setja upp lista-
verk fyrir Vatnajökulsþjóðgarðshúsið
á Skriðuklaustri og vinna í járnsmíði
fyrir Mývatnsstofu. Eins setti ég upp
nýjan vélbúnað fyrir ferðaþjónust-
una í Kerlingarfjöllum sem var mjög
skemmtilegt verkefni.“
Aðspurður hvort rafstöðvarvinn-
an muni ganga niður fleiri kynslóðir í
Árteigi segir Eiður allt geta gerst með
það. Krakkarnir sniglist á verkstæðinu
eins og hann gerði lítill. „Elsti sonur
Arngríms er reyndar byrjaður í járn-
inu í Verkmenntaskólanum á Akureyri
svo það er aldrei að vita.“
Námskeiðið Orkubóndinn er sam-
starfsverkefni Nýsköpunarmiðstöðv-
ar Íslands, Mannvits, Orkustofnunar,
ÍSOR, Iðnaðarráðuneytisins, Verkís,
atvinnuþróunarfélaga og sveitarfélaga
víða um land. Í haust fór fram nám-
skeið í félagsheimilinu Ljósvetninga-
búð í Köldukinn og heimsóttu þátttak-
endur meðal annars vélaverkstæðið í
Árteigi.
„Þeim leist mjög vel á en þetta þykir
merkilegt framtak svona úti í sveit.
Það hefur frekar aukist að bændur
virki heima og við munum halda okkar
starfi áfram. Verðlaunin eru hvatning
til þess.“ heida@frettabladid.is
EIÐUR JÓNSSON RAFVIRKI: HLÝTUR SMÍÐA- OG HÖNNUNARVERÐLAUN
HEIMAVIRKJANIR Í HÁLFA ÖLD
VIRKJAÐ HEIMA Feðgarnir Jón Sigurgeirsson og Eiður Jónsson við rafstöðina í Árteigi en Jón hóf að smíða vatnstúrbínur árið 1950.
MYND/ÚR EINKASAFNI
Lionsklúbburinn Njörður átti fimmtíu ára starfsafmæli
hinn 20. apríl síðastliðinn og ákvað í tilefni þess að styrkja
endurhæfingardeild Landspítala á Grensási með gjöf á
ýmis konar tækjum og búnaði fyrir hátt á þriðja tug millj-
óna. Áður en til þess kom höfðu allar undirdeildir á Grens-
ási farið í nokkurs konar þarfagreiningu, sem lögð var til
grundvallar við val á tækjum og búnaði í gjöfina.
Afhending fór fram á afmælishátíð klúbbsins sem var
haldin í Ráðhúsi Reykjavíkur hinn 21. apríl. Að sögn for-
svarsmanna klúbbsins er þetta stærsta gjöf sem nokkur
þjónustuklúbbur á Íslandi hefur gefið á einu bretti. - ve
Njörður færir Grensásdeild gjafir
AFHENDINGIN Á AFMÆLISHÁTÍÐ KLÚBBSINS Lionsklúbburinn Njörður
fagnar fimmtíu ára afmæli með rausnarlegri gjöf til Grensásdeildar.
ÓLAFUR RAGNAR GRÍMSSON FORSETI
ER 67 ÁRA Í DAG
„Gæfan er ekki fólgin í ytri skil-
yrðum. Hún býr í okkur sjálfum.“
Ólafur Ragnar fæddist á Ísafirði
árið 1943, sonur hjónanna Gríms
Kristgeirssonar og Svanhildar
Ólafsdóttur. Ólafur er fimmti forseti
lýðveldisins en hann var fyrst kos-
inn árið 1996.
MERKISATBURÐIR:
1912 Friðrik 8. Danakonungur
finnst látinn í Hamborg.
Sonur hans Kristján 10.
tekur við krúnunni.
1919 Átta klukkustunda vinnu-
dagur lögfestur í Dan-
mörku.
1948 Stofnun Ísraelsríkis lýst
yfir af David Ben-Gurion.
1955 Varsjárbandalagið er
stofnað í Póllandi.
1959 Pétur Ottesen lætur af
þingmennsku eftir 43 ára
þingsetu.
1965 Fyrsta Fokker Friendship-
flugvél Flugfélags Íslands
kemur til landsins. Vélar af
þeirri tegund eru notað-
ar í flugi innanlands í ára-
tugi.
Loðvík 14. var einungis fjögurra
ára gamall þegar hann varð
konungur Frakklands en hann
var fæddur þann 5. september
árið 1638. Loðvík lést 1. sept-
ember árið 1715 sjötíu og sjö
ára að aldri og hafði því setið á
valdastóli í sjötíu og tvö ár eða
allt þar til hann lést. Enginn
annar konungur eða einvaldur
í Evrópu hafði setið jafn lengi.
Loðvík var kallaður „hinn mikli“
og sagt var að sólin snerist um
hann. Honum þótti sjálfum
mikið til sín koma og á að hafa
sagt „Ríkið, það er ég“ þó það
sé ekki staðfest. Versalir voru
byggðir í valdatíð Loðvíks og
þykja tákn um stórhug hans
og völd. Loðvík giftist Mariu
Theresu árið 1660. Hún fæddi
honum sex börn en aðeins
elsti sonurinn náði fullorðin-
saldri.
María Theresa lést 1683 en
Loðvík átti allt þeirra hjóna-
band, nokkrar hjákonur og
eignaðist með þeim mörg
börn. Loðvík giftist Madame
de Maintenon á laun sama ár
og María lést. Henni var hann
trúr allt þar til hann lést.
ÞETTA GERÐIST: 14. MAÍ 1643
Loðvík 14. tekur við krúnunni