Fréttablaðið - 18.05.2010, Blaðsíða 4

4 18. maí 2010 ÞRIÐJUDAGUR
Í fréttaskýringu um sveitarstjórnarmál
í Vestmannaeyjum á laugardaginn var
sagt að Framsóknarflokkurinn hafi
boðið fram í samstarfi við V-listann í
síðustu tvennum kosningum. Það er
ekki rétt. Framsókn og óháðir buðu
fram sér 2002, en buðu ekki fram
2006.
LEIÐRÉTTING
ORKUMÁL Kanadíska fyrirtækið Magma
Energy hefur eignast 98,53 prósenta hlut í
HS Orku. Sænskt dótturfélag þess keypti
hlut Geysis Green Energy
í fyrirtækinu. Stjórnvöld
höfðu óskað eindregið
eftir því að beðið væri með
undirskrift þar til eftir
ríkisstjórnarfund í dag,
ekki var orðið við þeirri
ósk.
Með kaupunum leigir
fyrirtækið afnotarétt á
orkuauðlindum á svæðinu.
Hámarksleigutími er 65
ár. Katrín Júlíusdóttir iðnaðarráðherra
hitti forsvarsmenn fyrirtækisins í gær og
ræddi við þá um að stytta þann leigutíma í
40 ár. Hún sagðist vongóð um að það næðist
í gegn, jafnvel í dag. Katrín segir að einnig
sé verið að ræða um að ríkið fái forkaupsrétt
á bréfunum og Magma hafi tekið vel í það.
Hún segir mikilvægt að ná þessum hlutum
í gegn.
Hvað varðar gagnrýni á að afnotaréttur
auðlinda sé kominn í eigu erlendra aðila,
segir Katrín að ríkisstjórn Sjálfstæðis- og
Framsóknarflokks hafi staðið að einkavæð-
ingu HS Orku á sínum tíma. Fyrirtækið sé
að fara úr eigu einkaaðila til annars einka-
aðila. Þjóðernið sé ekki aðalatriðið.
„Ef auðlindirnar eru tryggðar og þjóð-
in fær rentur fyrir sínar auðlindir og nýtur
verðmætanna sem þær skapa, þá er þjóðerni
framleiðandans ekki aðalatriðið fyrir mér.“
Kaupverðið á hlutnum var 16 milljarðar
króna sem greiðast með reiðufé og yfirtöku
skuldabréfa. Hluti greiðslunnar getur verið í
formi hlutabréfa í kanadíska móðurfélaginu.
Alexander K. Guðmundsson, forstjóri Geys-
is Green Energy, segir að hlutur reiðufjár í
kaupverðinu sé að lágmarki 80 prósent, en
geti jafnvel verið kaupverðið að fullu. Hann
segir ekki um það að ræða að seljandi láni
kaupandanum fyrir hluta kaupverðsins, en
sú var raunin þegar Magma keypti hlut í HS
Orku af Orkuveitunni.
Ross J. Beatty, forstjóri Magma, segir að
með þessum kaupum nemi heildarfjárfest-
ing Magma í íslensku atvinnulífi rúmum 32
milljörðum króna. Hann segir fyrirtækið
hugsa kaupin sem fjárfestingu til framtíðar,
mörg ár líði þar til hún skili hagnaði. Þá
sagði hann fyrirtækið vera til viðræðu um
styttri leigutíma og að ríkið fengi forkaups-
rétt.
Í samtali við Stöð 2 sagði hann að almennt
væri orkuverð til stóriðju allt of lágt hér á
landi. Fyrirtækið myndi jafnvel hækka verð.
Ásgeir Margeirsson, forstjóri Magma á
Íslandi, sagði fyrirtækið hyggja á nýtingu
orku á Reykjanesskaga og nefndi ýmsa
starfsemi í því efni, svo sem álver í Helgu-
vík, stækkun álvers í Straumsvík og gagna-
ver. Hann sagði ýmsar boranir fyrirhugað-
ar, fengjust fyrir þeim leyfi. Kaupin væru
hins vegar á engan hátt háð þeim fram-
kvæmdum. kolbeinn@frettabladid.is
Stjórnvöld vilja stytta leigu-
tíma Magma á auðlindum
Geysir Green Energy hefur selt hlut sinn í HS Orku til Magma Energy. Fjárfestingar fyrirtækisins verða á
fjórða tug milljarða króna. Iðnaðarráðherra á í samningaviðræðum um að stytta leigutíma Magma í 40 ár.
KAUPIN KYNNT Kanadíska fyrirtækið Magma á nú tæp 99 prósent í HS Orku. Ross Beatty forstjóri situr fyrir miðju.
FRÉTTABLAÐIÐ/VALLI
KATRÍN
JÚLÍUSDÓTTIR
Hitaveitu Suðurnesja var skipt upp í tvö fyrirtæki,
HS orku og HS veitu, samkvæmt lögum frá
Alþingi. Magma á nú 98,53% í HS orku, en
afgangurinn er í eigu sveitarfélaganna Garðs,
Grindavíkur, Reykjanesbæjar og Voga.
HS orka framleiðir orku og eigur þess saman-
standa af orkuverunum í Svartsengi og á Reykja-
nesi, auk stofnæðar og geymslutanka. HS orka
selur HS veitu orku, sem dreifir henni til sveitar-
félaganna. Sveitarfélögin eiga auðlindirnar. Auk
þess selur fyrirtækið rafmagn til álvers Norðuráls,
sem Landsnet dreifir. Fyrirtækið hefur framtíðar-
áform um nýtingu orku á Reykjanesskaga.
HS orka og HS veita
STJÓRNMÁL Þingflokkur Vinstrihreyfingar-
innar – græns framboðs ítrekar, í yfirlýsingu
sem hann sendi frá sér í gærkvöldi, þá grund-
vallarstefnu sína að allar auðlindir þjóðar-
innar eigi að vera sameign hennar.
Þingflokkurinn beinir því til ríkisstjórn-
arinnar að skoða alla möguleika til að vinda
ofan af einkavæðingu HS Orku og tryggja
orkuauðlindirnar og orkufyrirtækin varan-
lega í almannaeign. Þá telur þingflokkurinn
fulla þörf á að rannsaka allt ferlið í kringum
söluna á HS orku
Í yfirlýsingunni er sagt að aðdraganda
kaupa Magma Energy á hlut Geysis Green
Energy megi rekja til ákvörðunar ríkisstjórn-
ar Sjálfstæðisflokks og Framsóknar árið
2007 um sölu á 15,2 prósenta hlut ríkisins í
Hitaveitu Suðurnesja. Opinberum aðilum hafi
verið meinað að bjóða í þann hlut.
Þingflokkur Vinstri grænna telur óviðun-
andi að HS orka, þriðja stærsta orkufyrir-
tæki landsins, fari undir yfirráð erlends
einkafyrirtækis, eins og segir í yfirlýsing-
unni. Þá er minnt á að allir flokkar á Alþingi,
aðrir en Sjálfstæðisflokkurinn, studdu stjórn-
arskrárbreytingu fyrir síðustu Alþingis-
kosningar þess efnis að allar auðlindir yrðu
þjóðareign. Þingflokkurinn væntir því víð-
tæks stuðnings við þessa stefnu og nauðsyn-
legar aðgerðir til þess að framfylgja henni og
er sannfærður um víðtækan stuðning þjóðar-
innar í því efni. - kh
Þingflokkur Vg ítrekar að allar auðlindir eigi að vera sameign þjóðarinnar:
Rannsaka þurfi allt söluferlið á HS orku
ÞINGFLOKKUR VG Flokkurinn ítrekar þá stefnu sína að
allar auðlindir þjóðarinnar eigi að vera sameign henn-
ar. FRÉTTABLAÐIÐ/PJETUR
STJÓRNMÁL Þingmenn Hreyfingar-
innar mótmæla harðlega vinnu-
brögðum ríkisstjórnarinnar sem
leitt hafa til sölu á mikilvægustu
auðlind þjóðarinnar úr landi, að
því er segir í yfirlýsingu. Þar
er fulltrúi Samfylkingarinnar í
nefnd um erlenda fjárfestingu
sakaður um að hafa beitt sér
harðast allra fyrir sölu HS Orku
til skúffufyrirtækisins Magma
Energy. Sú niðurstaða hafi með
þegjandi samþykki Vg leitt til
þess að orkuauðlindir Suður-
nesja verði nýttar af erlendu
gervifyrirtæki meira en manns-
aldur fram í tímann og arðurinn
hverfi úr landi í stað þess að nýt-
ast þjóðinni.
Þingmenn Hreyfingarinnar:
Mótmæla sölu
ORKUMÁL Grindavíkurbær keypti
í gær 63 hektara land og jarðhita-
réttindi í Svartsengi af HS Orku
hf. fyrir 447 milljónir króna. Bær-
inn hefur jafnframt gert hagnýt-
ingarsamning um náttúruauðlindir
á svæðinu við fyrirtækið sem í
staðinn greiðir auðlindagjald til
bæjarins.
Í júlí 2009 keypti Reykjanesbær
landspildu í Svartsengi af HS Orku
hf. Eftir þríhliða viðræður HS
Orku, Reykjanesbæjar og Grinda-
víkurbæjar ganga þessir samning-
ar til baka. Samningurinn er gerð-
ur með fyrirvara um samþykki
bæjarstjórnar Grindavíkur.
Grindavíkurbær:
Kaupir umdeilt
land af HS orku
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Hendrik Sigurðsson hendrik@frettabladid.is, Guðmundur Steinsson gudmundurs@365.is, Laila Awad laila@365.is, Örn Geirsson orn.geirsson@365.is, Hjördís Zoëga hjordis@frettabladid.is
ALLT SÍMI 512-5402: Jóna María Hafsteinsdóttir jmh@365.is, Henný Árnadóttir henny@365.is, Þórdís Hermannsdóttir thordish@365.is SÉRBLÖÐ SÍMI 512-5016: Sigríður Sigurbjörnsdóttir sigridurdagny@365.is, Hlynur Þór Steingrímsson hlynurs@365.is, Bjarni Þór Sigurðsson bthor@365.is, Benedikt Freyr Jónsson benediktj@365.is
RAÐAUGLÝSINGAR /FASTEIGNIR SÍMI 512-5403: Hrannar Helgason hrannar@365.is, Viðar Ingi Pétursson vip@365.is ÞJÓNUSTUAUGLÝSINGAR SÍMI 512-5407: Sigrún Helga Guðmundsdóttir sigrunh@365.is, Arna Rut Kristinsdóttir arnarut@365.is
GENGIÐ 17.05.2010
GJALDMIÐLAR KAUP SALA
HEIMILD: Seðlabanki Íslands
209,1796
GENGISVÍSITALA KRÓNUNNAR
131,94 132,56
190,11 191,03
162,5 163,4
21,837 21,965
21,1 21,224
16,888 16,986
1,4256 1,434
193,33 194,49
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
Sparnaði þínum er vel varið hjá Auði
Opinn kynningarfundur
miðvikudaginn 19. maí kl. 17:15
að Borgartúni 29.

Taktu góða ákvörðun
Eignastýring og
séreignarsparnaður
Allir velkomnir
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
22°
22°
13°
15°
17°
13°
15°
15°
21°
18°
21°
16°
32°
18°
19°
18°
15°Á MORGUN
Sums staðar strekkingur
um tíma.
FIMMTUDAGUR
Hæg suðlæg eða
breytileg átt.
9
9
12
137
10 11
13
128
8
7
5
7
8
6
11
8
6
7
4
1
3
4
2
5
5
6
8
4
2
5
ÞURRT AÐ MESTU
Það verður þurrt
að mestu á landinu
fram eftir degi en
undir kvöld fer að
rigna sunnanlands.
Það ganga skil með
tilheyrandi úrkomu
yfi r landið í nótt en
á morgun verður
úrkomusvæðið lík-
lega komið norður
fyrir land og þá
fylgir skúraveður í
kjölfarið.
Ingibjörg
Karlsdóttir
veður-
fréttamaður