Fréttablaðið - 18.05.2010, Blaðsíða 8
8 18. maí 2010 ÞRIÐJUDAGUR
HEILBRIGÐISMÁL Farið er að bera
á því að lyfjafyrirtæki hætti við
að skrá ný lyf á markað hér á
landi þar sem
stjórnvöld voru
ekki tilbúin til
að borga sam-
bærilegt verð
og fæst fyrir
lyfin á hinum
Norðurlöndun-
um, segir Jakob
Fa lur Garð -
arsson, fram-
kvæmdastjóri
Frumtaka, samtaka framleiðenda
frumlyfja.
Fram kom í máli framkvæmda-
stjóra hjá lyfjarisanum Roche í
Fréttablaðinu í gær að fyrirtækið
íhugaði alvarlega að hætta að setja
ný lyf á markað á Íslandi, og jafn-
vel að afskrá eldri lyf.
„Heilbrigðisyfirvöld mega ekki
gleyma því að það er þegar búið
að ganga afar langt í að lækka
lyfjakostnað. Að lækka enn meira
er eins og að pissa í skóinn sinn.
Kostnaðurinn getur lækkað lít-
illega tímabundið, en á endanum
þýðir það aukinn kostnað í heil-
brigðiskerfinu þegar sjúklingar
hafa ekki lengur aðgang að bestu
fáanlegum lyfjum,“ segir Jakob.
Hann mótmælir þeirri fullyrð-
ingu Álfheiðar Ingadóttur heil-
brigðisráðherra í Fréttablaðinu í
gær að krafa íslenskra stjórnvalda
sé aðeins að fá að kaupa lyf á sam-
bærilegu verði og á hinum Norð-
urlöndunum.
Jakob segir lyfjaverð hér á
landi, og þá sér í lagi heildsölu-
verð frumlyfja, hafa verið á sama
róli og meðalverð á hinum Norður-
löndunum síðan árið 2006. Það eigi
Álfheiður að vita. Krafan virðist
vera sú að fá lyfin á lægra verði
en nágrannalöndin, sem gangi aug-
ljóslega ekki upp.
Í verðsamanburði Lyfjagreiðslu-
nefndar frá því í febrúar síðast-
liðnum er tekið saman smásölu-
verð fjörutíu lyfja hér og á hinum
Norðurlöndunum. Lyfin eru yfir-
leitt um eða undir meðalverði
hinna Norðurlandanna samkvæmt
samanburðinum.
Meðalverð á lyfjategundunum
40 var 23.310 krónur hér á landi,
en meðalverðið á hinum Norður-
löndunum var 24.941 króna. Verð-
ið var því að meðaltali 6,5 prósent-
um lægra hér á landi.
Jakob segir augljóst að ekki
gangi að bjóða upp á lægra verð
á Íslandi en í öðrum Evrópuríkj-
um. Það komi ekki til af því að
það muni draga úr hagnaði lyfja-
framleiðenda að selja lyfin á lægra
verði á 300 þúsund manna markaði
en í stórum Evrópuríkjum.
Ástæðan sé sú að Ísland sé ekki
eyland í þessum skilningi. Lyfja-
markaðurinn sé alþjóðlegur og
fjármagna þurfi kostnaðarsamar
rannsóknir. Verð í einu landi hafi
sannarlega áhrif í öðrum löndum
og engin rök séu fyrir því að verð
hér eigi að vera lægra.
brjann@frettabladid.is
1 Hverjir þurfa lögum sam-
kvæmt að vera með vinnustaða-
skírteini?
2 Hver segir að alþjóðleg lyfja-
fyrirtæki kunni að sniðganga
Ísland?
3 Hver er ríkisendurskoðandi?
SVÖRIN ERU Á SÍÐU 30
APÓTEK Smásöluverð á fjörutíu algengum lyfjum var að meðaltali um 6,5 prósent-
um lægra hér á landi en á hinum Norðurlöndunum samkvæmt verðsamanburði
Lyfjagreiðslunefndar.
JAKOB FALUR
GARÐARSSON
Lyfjafyrirtæki þegar
hætt að skrá ný lyf
Stjórnvöld pissa í skóinn með því að krefjast frekari lækkunar á lyfjaverði segir
framkvæmdastjóri samtaka framleiðenda frumlyfja. Segir lyfjaverð hér svipað
og á hinum Norðurlöndunum. Stjórnvöld geri óraunhæfar kröfur um lækkanir.
Dagskrá
1. Fundarsetning
2. „Bankahrunið og lærdómur lífeyrissjóða“
Erindi Salvarar Nordal, forstöðumanns Siðfræðistofnunar
Háskóla Íslands.
Kaffihlé
3. Almenn ársfundarstörf
4. Tillögur til breytinga á samþykktum sjóðsins
5. Önnur mál löglega upp borin
Auk kjörinna fulltrúa eiga allir sjóðfélagar og rétthafar
séreignarsparnaðar rétt til setu á fundinum.
Reykjavík 17. maí 2010
Stjórn Sameinaða lífeyrissjóðsins
Ársskýrslu, tillögur til samþykktabreytinga og dagskrá fundarins
má nálgast á skrifstofu sjóðsins og á www.lifeyrir.is
Ársfundur Sameinaða lífeyrissjóðsins verður haldinn
fimmtudaginn 27. maí nk., kl. 16:00, á Hilton
Reykjavik Nordica, Suðurlandsbraut 2, Reykjavík.
ÁRSFUNDUR 2010
Borgartún 30, 105 Reykjavík
Sími 510 5000
mottaka@lifeyrir.is
lifeyrir.is
Nóatúni 4 · Sími 520 3000
www.sminor.is
A
T
A
R
N
A
VIÐSKIPTI Jón Ásgeir Jóhannesson
sendi frá sér yfirlýsingu vegna
afsagna sinna úr stjórnum
bresku fyrirtækjanna House of
Fraser og Iceland Foods. Þar
segir að ákvörðun um afsagnirn-
ar hafi verið tekin í kjölfar mál-
sóknar slitastjórnar Glitnis á
hendur Jóni Ásgeiri og fólki sem
honum tengist.
„Þessi ákvörðun er tekin með
eftirsjá, til að forðast það að félög-
in verði fyrir óréttmætum skaða
á meðan hann [Jón Ásgeir] verst
ásökunum Glitnis. Hr. Jóhann-
esson á engin hlutabréf í félög-
unum,“ segir í yfirlýsingunni og
bent er á að hann hyggist verj-
ast af fullum krafti gegn hinum
fölsku ávirðingum og árétta sak-
leysi sitt. Hann hyggist ekki tjá
sig frekar á meðan á málarekstr-
inum stendur.
„Þetta er ekki eingöngu að
hans frumkvæði, heldur ekki
síður vegna þrýstings frá okkur.
Við höfum beitt okkar áhrifum í
því að Jón Ásgeir gangi úr stjórn-
um House of Fraser og Iceland,“
segir Páll Benediktsson, upplýs-
ingafulltrúi skilanefndar Lands-
bankans. Skilanefnd bankans á
hlut BG Holding, sem áður var
í eigu Baugs Group, í House of
Fraser og Iceland Foods og sat
Jón Ásgeir í stjórnum þeirra í
umboði endurskoðunarfyrir-
tækisins PriceWaterhouseCoop-
er (PWC), sem fer með bú BG
Holding fyrir skilanefndina. Páll
segir skilanefndina hafa komið
því á framfæri við forsvarsmenn
PWC að Jón Ásgeir viki úr stjórn-
um félaganna. „Þetta er ekkert í
tengslum við stefnu slitastjórnar
Glitnis á hendur honum,“ að sögn
Páls. - sh/-jab
Jón Ásgeir Jóhannesson segir sig úr stjórn House of Fraser og Iceland Foods:
Mun verjast af fullum krafti
JÓN ÁSGEIR JÓHANNESSON Jón Ásgeir
ætlar að verjast af fullum krafti sam-
kvæmt yfirlýsingu frá honum.
ELDGOS Hrina eldgosa í Vatnajökli sem
hófst árið 1996 er í samræmi við rann-
sóknir sem íslenskir vísindamenn gerðu
og voru birtar fyrst fyrir rúmum áratug.
„Niðurstöður rannsókna á öskulögum í
skriðjöklum Vatnajökuls leiddu í ljós að
eldgosin söfnuðust í lotur þar sem virkn-
itoppar voru á hér um bil 140 ára fresti,“
segir Magnús Tumi Guðmundsson prófess-
or í jarðeðlisfræði við Háskóla Íslands sem
vann að rannsókninni ásamt Helga Björns-
syni jöklafræðingi undir stjórn Guðrúnar
Larsen jarðfræðings.
Rannsóknin komst í heimsfréttir um helgina
þegar haft var eftir Þorvaldi Þórðarsyni, eldfjalla-
fræðingi og prófessor við Edinborgarháskóla, í
Times að allt benti til þess að eldvirkni
væri að færast í aukana á Íslandi. Magnús
Tumi bendir á að vegna þess að Vatnajök-
ulseldstöðvar eru lang virkastar af öllum
á Íslandi þá ráði þær sveiflunum í eldgosa-
fjölda á landinu. Eldgosið í Eyjafjallajökli
tengist þó ekki virkni í Vatnajökli.
Hins vegar gæti komið upp sú staða að
gysi á nokkrum stöðum á Íslandi í einu á
næstunni. Páll Einarsson prófessor í jarð-
eðlisfræði benti á það í Fréttablaðinu á
dögunum að Grímsvötn í Vatnajökli væru
komin í sömu stöðu og árið 2004 þegar síðast gaus í
þeim. Auk þess fari að koma tími á eldgos í Heklu,
ef miðað sé við að hún hefur gosið á tíu ára fresti
um það bil. Hekla gaus síðast árið 2000. - sbt
Eldgosahrina á Íslandi á 140 ára fresti segja rannsóknir:
Mikil eldvirkni á Íslandi um þessar mundir
MAGNÚS TUMI
GUÐMUNDSSON
Allra augu á gosinu
Samanlagt hafa á fjórða tug vísinda-
manna á Íslandi varið undanförnum
vikum í að fylgjast með eldgosinu í Eyja-
fjallajökli segir Magnús Tumi í Háskóla
Íslands og á Veðurstofunni. Fólk hafi ýtt
öðrum verkum til hliðar. „Fólk hefur ekki
talið vinnuna eftir sér enda áhugavert
að fylgjast með eldgosi, þó tilfinning-
arnar í garð svona eldgoss séu auðvitað
blendnar vegna tjónsins sem það veld-
ur.“ Magnús Tumi segir magn öskunnar
í gosinu hafa komið á óvart og enn sé
ómögulegt að spá um lengd þess.
VEISTU SVARIÐ?