Fréttablaðið - 18.05.2010, Blaðsíða 36

24 18. maí 2010 ÞRIÐJUDAGUR
folk@frettabladid.is
Rachel Uchitel, fyrsta hjákona Tig-
ers Wood af fjölmörgum, ætlar að
fækka fötum fyrir karlatímaritið
Playboy. Óvíst er hvenær myndirn-
ar birtast, en samkvæmt fréttamiðl-
inum TMZ hefur hún þegar gert
samning við Playboy um mynda-
tökuna.
Uchitel neitaði að tjá sig um
málið þegar TMZ innti hana
eftir svörum. Samkvæmt samn-
ingnum þá getur hún hætt við
myndatökuna hvenær sem er áður
en hún fer fram, þannig að aðdáend-
ur hennar geta ekki fagnað strax.
Hjákonur Tigers hafa margar
hagnast vel á því að hafa hitt kylf-
inginn, en fréttastofur og tímarit
borga mörg háar upphæðir fyrir við-
töl. Uchitel hefur vafalaust hagnast
langmest, en sagan segir að hún hafi
fengið eingreiðslu upp á 10 millj-
ónir dollara fyrir að láta ekk-
ert hafa eftir sér um samband
sitt við Tiger. Þá er talið að
hún geti fengið um 500.000
til eina milljón dollara fyrir
að sitja fyrir í Playboy.
FÆKKAR FÖTUM Rachel Uchitel,
hjákona Tigers Wood, ætlar að
sitja fyrir í Playboy á næstunni.
Hún hefur hagnast vel eftir að upp
komst um sambandið.
Fyrsta hjákona Tigers í Playboy
„Menn bara brosa hringinn og hafa gaman,“ segir
Nonni kjuði, eða Jón Þór Sigurðsson, trommari
Diktu. Hljómsveitin hefur fengið gullplötu afhenta
fyrir að hafa selt plötu sína Get It Together í yfir
fimm þúsund eintökum. Alls hafa sjö þúsund eintök
verið framleidd og búast má við því að þau rjúki út
eins og heitar lummur á næstunni.
Dikta hefur átt miklum vinsældum að fagna síðan
platan kom út í nóvember og hafa lögin From Now
On og Thank You slegið rækilega í gegn. Til að
þakka fyrir sig heldur Dikta ókeypis klukkutíma
tónleika á Nasa í kvöld klukkan 18 og vegna fjölda
áskorana verða tónleikarnir opnir öllum aldurshóp-
um. Nonni viðurkennir að sveitin hafi ekki spil-
að nóg fyrir yngri aldurshópana. „Við viljum gefa
aðeins til baka og þarna getum við slegið tvær flug-
ur í einu höggi,“ segir trommarinn, sem skartar for-
láta klippingu í anda Idol-dómarans Simons Cowell.
„Strákunum fannst þetta eitthvað Simon Cowell-
legt. En ég bað um Tom Cruise. Cruise-arinn er
flottur. Hann hefur aðeins dalað í seinni tíð en hann
á helling inni.“
Haukur Heiðar Hauksson, söngvari Diktu, er rétt
eins og Nonni himinlifandi yfir gullplötunni. Hann
segist ekki hafa átt von á þessum árangri þegar
upptökur á Get It Together hófust. „Ég get alveg
sagt það með góðri samvisku að ég átti engan veg-
inn von á því að ég fengi gullplötu upp á vegg. Ég
er búinn að finna góðan stað fyrir hana og núna
er bara að negla einn nagla og skella henni upp á
vegg.“ - fb
Diktu-menn brosa hringinn
MEÐ GULLPLÖTUR Meðlimir Diktu með gullplöturnar sem
þeir fengu úr höndum útgáfufyrirtækisins Kölska fyrir Get It
Together.
Liam Gallagher segir að nýja
hljómsveitin hans muni sjá um
alla tónlistina í nýju Bítlamynd-
inni sem hann er með í undirbún-
ingi. Myndin verður byggð á bók-
inni The Longest Cocktail Party
frá árinu 1972 sem fjallar um
síðustu daga Bítlanna. Gallagher
hefði getað notað upphaflegu
Bítlalögin í myndinni en vill frek-
ar taka þau sjálfur upp á nýjan
leik. „Mér finnst meira spenn-
andi að bjóða upp á
hljóm sem minnir
þig á þetta tíma-
bil í staðinn fyrir
að hafa bara þessi
lög eins og Let It
Be,“ sagði Gallag-
her og bætti við
að þetta yrði
eina kvik-
myndin hans.
Hljómsveitin
spilar Bítlalög
> NÝTT NAFN
Mexíkóska leikkonan Salma
Hayek hefur tekið upp eftirnafn
eiginmanns síns, franska millj-
arðamæringsins François-
Henri Pinault. „Dóttir mín
skildi ekki af hverju ég héti
ekki sama nafni og hún og
faðir hennar. Eftir smá um-
hugsun ákvað ég að taka
upp hans eftirnafn,“ sagði
leikkonan.
Rokkarinn Ronnie James
Dio lést úr krabbameini á
sunnudag, 67 ára gamall.
Sigurður Sverrisson hitti
Dio þegar hann söng með
Black Sabbath á Akranesi í
september 1992.
„Með fullri virðingu fyrir öllum
öðrum þá er Dio í mínum huga
þungarokkssöngvarinn. Hann er
goðsögn,“ segir Sigurður Sverr-
isson um Ronnie James Dio.
Sigurður skipulagði tónleika í
íþróttahúsinu við Vesturgötu á
Akranesi árið 1992 með Black
Sabbath, þáverandi hljómsveit
Dio. „Ég var svo heppinn að hitta
þennan ágæta mann og eiga við
hann stutt spjall. Hann kom mér
fyrir sjónir sem mjög ljúfur, jarð-
bundinn, einlægur og algjörlega
laus við alla stæla,“ segir Sig-
urður. „Mér fannst aðdá-
unarvert við hann og
þá hvað þeir nálguðust
þessa tónleika af mikilli
fagmennsku. Þó svo að
útlitið væri ekki gæfu-
legt með áhorfenda-
fjölda þá breytti
það engu. Þeir
sögðu: „Hvort
sem við spilum
fyrir 60 eða 60
þúsund manns þá
spilum við alltaf
eins“.“
Sigurður
bætir við að
þr át t f y r i r
að hafa verið
ofboðslega
smávaxinn hafi
Dio verið með
rosalega rödd.
„Sem betur fer
skilur hann eftir
sig fullt af tónlist
og maður yljar sér við
það. Ég held að skarð
hans verði ekki auð-
fyllt.“
Þegar Dio tók við
af Ozzy Osbourne
sem söng va r i
Black Sabbath
gerði hann þunga-
rokkskveðjuna
vinsæla með því
að benda með
fingrunum út í
loftið. „Pöpullinn
hélt að hann væri að
hampa kölska en það var akkúr-
at öfugt. Amma hans notaði þetta
þegar hún var að svæfa guttann
til að hrekja illa vætti og anda í
burtu,“ segir Sigurður.
Hann verður fararstjóri í hóp-
ferð ÍT-ferða á High Voltage-
þungarokkshátíðina í London í
júlí. Þar átti hljómsveit Dio, Hea-
ven and Hell, að spila en þurfti að
afboða sig vegna veikinda hans.
Nákvæmlega sömu meðlimir spil-
uð undir merkjum Black Sabbath
á Akranesi. Enn eru til miðar í
ferðina þar sem fram koma gaml-
ir jaxlar á borð við ZZ Top, Uriah
Heep, Foreigner, Quireboys, Mar-
illion og Gary Moore.
freyr@frettabladid.is
Goðsögnin Dio var ljúf
og jarðbundin manneskja
Á ÍSLANDI Ronnie James Dio (til vinstri) á Íslandi árið 1992 ásamt trommaranum
Vinny Appice. MYND/ÆGIR MÁR KÁRASON
SIGURÐUR SVERRISSON Sig-
urður segir að Dio hafi verið
ljúfur og jarðbundinn.
Parketlakk
Ný vara á
góðu verði
Skútuvogi 6 - Sími 568 6755