Fréttablaðið - 21.05.2010, Blaðsíða 12
21. maí 2010 FÖSTUDAGUR
BANDARÍKIN, AP Olíufélagið BP hefur
viðurkennt að olíulekinn í Mexíkó-
flóa sé meiri en fyrirtækið hefur
hingað til gefið upp. Olía hefur nú
borist upp á votlendið við strend-
ur Louisiana, auk þess sem hún er
byrjuð að berast út í hafstrauma
sem flytja hana út á opið haf austur
með Flórídaskaga.
Mark Proegler, talsmaður fyrir-
tækisins, segir að inn í olíurör sem
sett var inn í opna olíuleiðslu um
helgina streymi nú um fimm þús-
und tunnur af olíu á dag. Þetta er
einungis hluti af lekanum, en til
þessa hefur fyrirtækið haldið því
fram að heildarlekinn nemi fimm
þúsund tunnum á dag.
Bandaríkjastjórn hefur verið
gagnrýnd fyrir að treysta um of á
upplýsingar frá BP. Ken Salazaar
innanríkisráðherra sagði í gær að
stjórnin muni nú láta eigin vísinda-
menn kanna lekamagnið.
Reynt hefur verið að hamla
útbreiðslu olíunnar með flotgirð-
ingum og með því að safna saman
olíu og brenna hana undir eftirliti.
Um helgina á að reyna að stöðva
lekann með því að pumpa þungri
leðju og síðan steinsteypu ofan á
olíuleiðsluna á hafsbotni.
Olía tók að streyma út í hafið
eftir að sprenging varð í olíubor-
palli fyrir mánuði. Ellefu manns
fórust.
Til þessa hefur að mestu tekist
að koma í veg fyrir að olían berist á
land, en nú í vikunni fannst nokkurt
magn suðaustast í Louisiana. Bobby
Jindal ríkisstjóri sagði að þetta væri
aðeins útjaðar lekans, sem gæti
valdið gríðarlegu tjóni í viðkvæmu
lífríki votlendisins við ósa Missis-
sippifljótsins. Þar eru fágætar dýra-
og fuglategundir auk fjölskrúðugs
sjávarlífs sem nú er stofnað í hættu.
gudsteinn@frettabladid.is
GRIKKLAND, AP Um tuttugu þúsund
manns tóku þátt í mótmælaaðgerð-
um í Aþenu í gær, þegar fjórða alls-
herjarverkfall landsins á þessu ári
hófst.
Verkalýðsfélög og almenningur
mótmæla harkalegum sparnaðar-
aðgerðum stjórnvalda, sem að
nokkru eru kröfur evruríkjanna
og Alþjóðagjaldeyrissjóðsins.
Verslunareigendur og embættis-
menn borgarinnar bjuggu sig undir
átök í miðbænum, meðal annars
með því að byrgja rúður verslana.
Sautján hundruð manna lögreglulið
var sent á vettvang. - gb
Bráðskemmtileg ný létt-
lestrarbók um æringjann
Skúla skelfi
Frábær fyrir byrjendur
í lestri
Guðni Kolbeinsson þýddi
Barnabæ
kur 12.–18.05.10
OLÍA BRENND Á MEXÍKÓFLÓA Óttast er að olían berist í auknum mæli inn á við-
kvæm votlendi við strendur Mexíkóflóa. NORDICPHOTOS/AFP
MÓTMÆLA NIÐURSKURÐI Íbúar Aþenu
fjölmenntu í miðbænum. NORDICPHOTOS/AFP
DÓMSMÁL Hæstiréttur þyngdi í
gær dóm yfir fertugum Banda-
ríkjamanni vegna blygðunar-
semisbrots gegn konu á Hótel
Borg í fyrra. Hæstiréttur dæmdi
manninn í tveggja ára fangelsi
en héraðsdómur hafði áður dæmt
manninn í hálfs árs fangelsi.
Maðurinn hafði samræði við
konuna á dimmu hótelherbergi.
Konan hélt að um væri að ræða
annan mann, sem hún hafði
fáeinum mínútum áður haft sam-
ræði við. Konunni voru dæmdar
800 þúsund í miskabætur. - jss
Hæstiréttur stórþyngdi dóm:
Fangelsi í tvö ár
og miskabætur
Allsherjarverkfall í Grikklandi:
Þúsundir mótmæla í Aþenu
Lekinn reynist meiri
Reynt verður að stöðva olíulekann í Mexíkóflóa um helgina. Hann hefur borist
í nokkru magni á land og óttast er um viðkvæmt lífríkið við strendurnar.