Fréttablaðið - 21.05.2010, Blaðsíða 18
18 21. maí 2010 FÖSTUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
MENNING: Páll Baldvin Baldvinsson fulltrúi ritstjóra pbb@frettabladid.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
Atvinnuleysi af þeirri stærðargráðu sem við Íslendingar höfum séð und-
anfarið er ólíðandi. Reykjavíkurborg
á að taka atvinnuleysisvandann innan
sinna borgarmarka föstum tökum og
leysa hann sem fyrst.
Fjölmargt er hægt að gera. Það má
stórauka viðhald bygginga í eigu borg-
arinnar og leggja í þeim efnum sér-
staka áherslu á mannaflsfrek verk-
efni. Við eigum að ráðast í fjölbreytt
atvinnuátaksverkefni fyrir ólíka ald-
urshópa í samvinnu við Atvinnuleysis-
tryggingasjóð. Við þurfum að endur-
vekja Aflvaka, atvinnuþróunarfélag
Reykjavíkur, og markaðssetja borgina
sem aðsetur fyrir atvinnustarfsemi.
Við þurfum að setja á fót frumkvöðla-
setur fyrir ungt fólk þar sem áhersla
verði lögð á þróun hugmynda á sviði
ferðaþjónustu og innlends iðnaðar.
Borgin á líka að bjóða skólafólki upp á
fjölbreytta sumarvinnu.
Allt það sem við leggjum af skyn-
semi til atvinnumála á þessari stundu
mun margborga sig síðar. Við þurf-
um að horfa til framtíðar. Við eigum
til dæmis Orkuveituna. Í henni felast
miklir möguleikar. Á vegum hennar
eigum við að bjóða upp á sveigjanlegri
orkusölusamninga sem laða að fleiri
tegundir af fyrirtækjum en hingað til
hefur verið raunin. Við eigum að setja
fyrirtæki í forgang sem skapa mörg
störf og eru umhverfisvæn. Í ferðaþjón-
ustunni finnst líka urmull tækifæra til
þess að auka atvinnu. Við þurfum að
efla Reykjavík í alþjóðlegri samkeppni
á sviði ferðamála með áherslu á borgina
sem áfangastað, þar sem fjölbreytt
afþreying er í boði.
Lykilatriðið er þetta: Atvinna og
aftur atvinna. Það er verkefni borgar-
málanna.
Atvinna og aftur atvinna
Borgarmál
Einar Skúlason
oddviti Framsóknar-
flokksins í Reykjavík
Við þurfum
að horfa til
framtíðar.
Við eigum til
dæmis Orkuveituna. Í henni
felast miklir möguleikar.
Hestapest í nefnd
Einar K. Guðfinnsson, fulltrúi Sjálf-
stæðisflokksins í sjávarútvegs- og
landbúnaðarnefnd, vill að nefndin
fjalli um hestapestina sem gengur nú
yfir landið. Hann óskar eftir því að full-
trúar ráðuneytis, Matvælastofnunar,
dýralæknir hestasjúkdóma og
hagsmunaaðilar verði
kallaðir fyrir nefndina
í þessu skyni til að
varpa ljósi á hvernig
sjúkdómurinn muni
þróast og hvaða áhrif
pestin muni hafa
á Landsmót
hestamanna.
Til hvers?
Hér gæti Einar stytt sér leið. Í stað
þess að kalla til sín hina og þessa sér-
fræðinga gæti hann kynnt sér umfjöll-
un Kastljóss fyrr í vikunni, þar sem var
einmitt fjallað um þróun sjúkdómsins
og áhrif á fyrirhugað landsmót. Niður-
staðan var í stuttu máli sú að hrossin
muni flest jafna sig en það taki
tíma. Þessi fundahöld sem hann
leggur til eru því að líkindum tíma-
sóun – nema Einar telji sig luma á
skyndilækningu við hestapest? Væri
ekki skynsamlegra að
nefndin fjallaði um
það sem hún getur
haft raunveruleg
áhrif á?
Gassalappir
„Ég ligg í blóði í mínu,“ stóð stórum
stöfum á forsíðu DV á miðvikudag við
hliðina á mynd af Björgvin G. Sigurðs-
syni, fyrrverandi viðskiptaráðherra.
Mátti ráða af framsetningunni að þar
væri vitnað beint í Björgvin, sem segði
ekki farir sínar sléttar. Krassandi.
Þegar sjálf greinin var lesin kom
í ljós að fyrirsögnin var alls ekki
höfð eftir Björgvin, heldur ein-
hverjum ónafngreindum innan
Samfylkingarinnar um Björgvin.
Má ekki gera þá lágmarks-
kröfu til blaðamanna
að þeir kunni að nota
gæsalappir?
bergsteinn@frettabladid.is
F
yrir réttu ári var undirrituð viljayfirlýsing milli Sam-
taka atvinnulífsins, Félags kvenna í atvinnurekstri og
Verslunarráðs Íslands þess efnis að fjölga konum í for-
ystusveit íslensks atvinnulífs. Markmiðið var að hlutur
hvors kyns yrði ekki minni en 40 prósent í stjórnum
fyrirtækja.
Við það tækifæri kom fram sú skoðun flestra sem að samningn-
um stóðu að farsælla væri að aðilar ynnu saman að því að fjölga
konum í stjórnum fyrirtækja en að til lagasetningar um málið
kæmi. Síðan hafa þó verið sett lög sem gera fyrirtækjum skylt
að skipa stjórnir sínar fólki af báðum kynjum þannig að annað
kynið hafi ekki minna en 40 prósenta hlut, tvo fulltrúa í fimm
manna stjórn og einn í þriggja manna stjórn.
Nú þegar ár er liðið frá undir-
ritun viljayfirlýsingarinnar
liggja fyrir mælingar Creditinfo
á þeim árangri sem náðst hefur
sem er minni en enginn. Í ljósi
þessara talna er því ekki annað
hægt en að fagna því að sett
skuli hafa verið lög um málið.
Á því ári sem liðið er frá
undirritun viljayfirlýsingarinnar hefur hlutfall fyrirtækja með
bæði kyn í stjórn lækkað úr 15 prósentum í 14 prósent. Fyrir-
tækjum sem hafa stjórnir sem skipaðar eru báðum kynjum hefur
fækkað um 16. Fyrirtækjum hefur á tímabilinu fjölgað um liðlega
2.000, einkynja karlastjórnum hefur fjölgað um liðlega 1.800 og
einkynja kvennastjórnum um tæplega 400.
Þetta eru heldur dapurlegar tölur, svo ekki sé meira sagt. Eink-
um í ljósi þess að rannsóknir hafa sýnt að fyrirtæki sem skipuð
eru stjórnum af báðum kynjum sýna betri afkomu, lifa lengur og
líkur á vanskilum eru minni. Íslenskt viðskiptalíf hefur valið að
hafna þessum ávinningi.
Einnig má nefna að möguleikar kvenna á að veljast til
stjórnunar starfa eru 27 prósent í fyrirtækjum sem hafa stjórn
sem skipuð er báðum kynjum meðan einungis 5 prósenta líkur
eru á að konur veljist til stjórnunarstarfa í fyrirtækjum sem hafa
stjórnir sem eingöngu eru skipaðar körlum.
Það sætir furðu að að þeir sem fyrir íslenskum fyrirtækjum
fara skuli ekki sjá sér hag í því að fá breiðari hóp að stjórnum
fyrirtækja. Við þær aðstæður sem nú eru uppi mætti ætla að eftir-
sóknarvert væri að leita allra leiða til að bæta rekstur þeirra.
Aukinn hlutur kvenna í stjórnum fyrirtækja er þannig ekki
bara jafnréttismál, sem það er þó að sönnu, Aukinn hlutur kvenna
í fyrirtækjum snýst um að bæta afkomu fyrirtækja og auka skil-
virkni í atvinnulífinu. það gerir ömurlegan árangur þegar ár er
liðið frá undirritun viljayfirlýsingarinnar enn óskiljanlegri en
ella. Eins og staðan er virðist atvinnulífið láta íhaldssemi og
þrönga hugsun koma í veg fyrir að betri árangur náist. Það er
furðuleg nálgun. Hvað óttast menn?
Lögin um jafnan hlut kynja í stjórnum fyrirtækja taka ekki
gildi fyrr en seinni hluta árs 2013. Vonandi verður íslenskum
fyrirtækjum betur ágengt á næstu þremur árum en á árinu sem
leið. Við höfum ekki efni á öðru.
Ár er liðið frá undirritun yfirlýsingar um jafnan
hlut kynja í stjórnum fyrirtækja.
Enginn árangur
SKOÐUN
Steinunn
Stefánsdóttir
steinunn@frettabladid.is