Fréttablaðið - 26.05.2010, Blaðsíða 6
6 26. maí 2010 MIÐVIKUDAGUR
STJÓRNMÁL Gísli Marteinn Bald-
ursson, borgarfulltrúi Sjálfstæðis-
flokks, segist sjá eftir því að hafa
beðið svo lengi með að gefa upp
hverjir styrktu hann fyrir borgar-
stjórnarkosningar 2006. Fáránlegt
hafi verið að gera það ekki fyrr,
en Gísli skilaði sjálfum tölunum,
án þess að greina frá því hverjir
styrktu hann, til Ríkisendurskoð-
unar í fyrra.
Hann greindi í gær frá nöfnum
fyrirtækjanna sem styrktu hann
um hálfa milljón eða meira.
Hæsti styrkurinn var frá Lands-
banka, 1.050.000 krónur. Baugur
reiddi fram milljón og FL Group
einnig. Fjórða milljónin kom frá
Kaupþingi. Ísfélag Vestmannaeyja,
Saxhóll og Tryggingamiðstöðin
reiddu svo fram hálfa milljón hvert
fyrirtæki.
Gísli segir að með þessu sé allt
talið, öll framlög fyrir kosningarn-
ar. Alls fékk hann rúmar tíu milljón-
ir í framlög en segir að flest fram-
lögin hafi numið 100.000 krónum og
undir.
Þegar Gísli skilaði tölunum upp-
haflega til Ríkisendurskoðunar
sagði í gögnunum að fyrrgreind
fyrirtæki hefðu „óskað nafnleynd-
ar“. Spurður um þessa nafnleynd
segir Gísli:
„Við vorum bara ekki búnir að
fara í það að tala við fólk og þá
stendur það auðvitað. Hins vegar
eru þessi fyrirtæki meira og minna
í eigu ríkisins núna. Við skrifuð-
um þetta bara [óskar nafnleyndar]
í merkingunni að við ætluðum ekki
að gefa upp nöfnin.“
Margir aðrir frambjóðendur
gáfu Ríkisendurskoðun upp styrki
frá þessum fyrirtækjum. Af hverju
gerði Gísli það ekki?
„Það þurfti ekki að gera það og ég
var bara að vona að þetta væri nóg
en svo er það ekki og ég vildi bara
óska að ég hefði gefið þetta allt upp
á sínum tíma,“ segir Gísli og bendir
á að hann hafi ekki verið skyldugur
til að birta neitt.
Nokkrir meðframbjóðendur Gísla
gáfu engar tölur upp fyrr en Frétta-
blaðið sóttist eftir því fyrir prófkjör
Sjálfstæðisflokksins í janúar.
Júlíus Vífill Ingvarsson sagði
blaðinu í gær frá styrk sem hann
þáði af vini sínum sem þá var í verk-
taka- og byggingarstarfsemi, Snorra
Hjaltasyni, upp á liðlega 500.000
krónur. Þá hafa hafa allir sitjandi
borgarfulltrúar nafngreint fram-
lög fyrir síðustu kosningar, upp á
500.000 krónur eða meira.
klemens@frettabladid.is
Almannafyrirtæki
í almannaeigu
Vi
ns
tri
hr
ey
fin
gi
n
- g
ræ
nt
fr
am
bo
ð
vil
l b
ei
ta
sé
r f
yr
ir
ró
ttæ
ku
m
þjóðfélagsumbótum almenningi til hagsbóta, hefja vernd náttúru og umhverfis til vegs á Íslandi og treysta byggð um
allt land.
// sjá m
eira á w
w
w
.vg.is/stefna/
Kynntu þé
r
málið á vg
.is
Sóley Tómasdóttir
VG Reykjavík
Stefnir þú að háskólanámi en vantar tilskilinn undirbúning?
HÁSKÓLAGRUNNUR
FRUMGREINANÁM HR BRÚAR BILIÐ
Sæktu um á www.hr.is
Gísli sér eftir leynd
sem enginn bað um
Gísli Marteinn hefur upplýst um styrki til sín fyrir síðustu kosningar. Allir sitj-
andi borgarfulltrúar hafa nafngreint hæstu styrkjendur. Þeir sem styrktu Gísla
óskuðu ekki eftir nafnleynd, ólíkt því sem segir í gögnum Ríkisendurskoðunar.
GÍSLI MARTEINN BALDURSSON Borgarfulltrúinn fékk styrki frá félögum Jóns Ásgeirs
og Landsbanka og Kaupþingi. Einnig frá fólki sem talið er til stuðningsmanna Davíðs
Oddssonar. Gísli segir þetta til marks um hversu breiðs stuðnings hann hafi notið.
FRÉTTABLAÐIÐ/ANTON
Styrkir Gísla Marteins
Fyrirtæki: Upphæð:
Landsbankinn: 1.050.000
Baugur: 1.000.000
FL Group: 1.000.000
Kaupþing: 1.000.000
Ísfélagið í Vestmannaeyjum: 500.000
Saxhóll: 500.000
Tryggingamiðstöðin: 500.000
Alls uppgefið: 5.500.000
Aðrir lögaðilar: 2.566.000 *
Einstaklingar: 2.251.000*
Alls í styrki: 10.367.000
*Styrkir undir 500.000 krónum eru
óútskýrðir hjá Gísla eins og öðrum fram-
bjóðendum.
Á að fækka háskólum landsins?
JÁ 72,4%
NEI 27,6%
SPURNING DAGSINS Í DAG:
Hefur þú rætt beint við ein-
hvern af frambjóðendunum
fyrir sveitarstjórnarkosningarn-
ar í þínu sveitarfélagi?
Segðu þína skoðun á visir.is
DÓMSMÁL Böðvar Yngvi Jakobsson
og Ari Gísli Bragason hafa verið
ákærðir, annar fyrir þjófnað á
hundruðum fornbóka og hinn fyrir
að taka við bókunum, vitandi að um
þýfi var að ræða.
Böðvari Yngva er gefið að sök
að hafa stolið stolið 296 fágæt-
um bókum og átta Íslandskortum,
samtals að verðmæti 40 milljónir
króna, úr bókasafni Böðvars heitins
Kvaran. Safnið var hýst í húsnæði
móðurömmu hans í Reykjavík. Ara
Gísla Bragasyni er gefið að sök að
hafa tekið við um 100 fornbókum og
öllum kortunum, þótt hann vissi að
um þýfi væri að ræða.
Það var í lok sumars 2007 sem
Hjörleifur B. Kvaran kærði bóka-
þjófnaðinn til lögreglu. Rannsókn-
in reyndist umfangsmikil, flókin og
tímafrek. Margar bókanna og rit-
anna sem stolið var úr safninu eru
afar fágæt og geysiverðmæt verk.
Má þar nefna gripi eins og útgáfu af
Snorra-Eddu og Völuspá frá 17. öld
og Konungasögur Snorra Sturlu-
sonar frá árinu 1633, Ólafs sögu
Tryggvasonar, sem prentuð var í
Skálholti árið 1689, rit eftir Nicolo
og Antonio Zeno sem prentað var í
Feneyjum 1558 og Olaus Magnus,
sem prentuð voru í Róm 1555.
Í málinu gerir Hjörleifur B.
Kvaran þá kröfu, fyrir sína hönd
og skyldmenna, að ákærðu verði
dæmdir til að greiða skaðabætur
að fjárhæð 33.387.500 krónur. - jss
Tveir karlmenn ákærðir fyrir þjófnað á hundruðum fornbóka og hylmingu:
Þjófnaður á fornbókum fyrir dóm
BÓKASAFN Fornbókunum var stolið úr
einstæðu bókasafni Böðvars heitins
Kvaran. MYND ÚR SAFNI
KJARAMÁL Væntingar launafólks eru þær að laun
hækki með nýjum kjarasamningum í haust, segir
Gylfi Arnbjörnsson, forseti ASÍ. Formenn aðildarfé-
laga ASÍ funduðu í gær, og segir Gylfi þungt hljóð í
formönnunum.
Kjarasamningar eru lausir í lok nóvember, og
segir Gylfi pirring og ergelsi mikið innan raða ASÍ.
Hreyfingin hafi tekið mikið á sig í síðustu samning-
um, en almennt telji menn að erfiðlega hafi gengið
hjá stjórnvöldum að koma sínum málum í gegn.
„Ég spái ekki verkföllum, en reynslan sýnir að
stjórnmálamenn hlusta best þegar samningar eru
lausir,“ segir Gylfi. Hann segir mikla áherslu lagða
á samstöðu launafólks, og því sé undirbúningur
fyrir viðræður um nýjan kjarasamning þegar haf-
inn.
Auk þess að krefjast launahækkana verður lögð
áhersla á efnahags- og atvinnumál, segir Gylfi.
Hann segir ekki sjálfgefið að menn vilji leggja
mikið á sig fyrir loforð um úrbætur í efnahags- og
atvinnumálum. Þær fórnir sem launafólk hafi fært í
þeim tilgangi í síðustu samningum hafi litlu skilað.
Í yfirlýsingu frá forsætisráðuneytinu, sem send
var fjölmiðlum í kjölfar fundar formanna ASÍ, er
vísað á bug staðhæfingum um aðgerðaleysi stjórn-
valda í atvinnumálum. - bj
Stefnir í erfiðar viðræður um nýjan kjarasamning í haust segir forseti ASÍ:
Launafólk vill launahækkun
VERKFALL Gylfi Arnbjörnsson, forseti ASÍ, segist ekki spá verk-
föllum í haust, en ljóst sé að mikil óánægja sé með aðgerða-
leysi stjórnvalda meðal aðildarfélaga ASÍ. FRÉTTABLAÐIÐ/ANTON
UPPLÝSINGATÆKNI Farsímafélagið
Alterna hvetur GSM notendur til
að gefa gömlum og ónýtum símum
framhaldslíf og koma með þá í
endurnýtingu. Ágóði af söfnun
félagsins rennur til Styrktarfélags
lamaðra og fatlaðra.
Í tilkynningu segir að Græn
framtíð annist flutning á símunum
til vottaðra endurnýtingarfyrir-
tækja. „Markmiðið með samstarf-
inu er að efla umhverfisvitund og
stuðla að almennri endurnýtingu
og endurvinnslu á farsímum hér á
landi,“ segir þar. - óká
Alterna safnar GSM símum:
Lamaðir og fatl-
aðir fá stuðning
Ég vildi bara óska að
ég hefði gefið þetta
allt upp á sínum tíma.
GÍSLI MARTEINN BALDURSSON
BORGARFULLTRÚI
KJÖRKASSINN