Fréttablaðið - 26.05.2010, Blaðsíða 12
12 26. maí 2010 MIÐVIKUDAGUR
UMDEILD AUGLÝSING Ekki eru
allir sáttir við þessa auglýsingu um
tískuvörur á Sikiley. Á auglýsingunni
stendur: „Breyttu um stíl, ekki fylgja
leiðtoga þínum.“ NORDICPHOTOS/AFP
Kl. 09:00-09:10 Setning ráðstefnu
Salvör Nordal, forstöðumaður Siðfræðistofnunar Háskóla Íslands
Kl. 09:10-09:30 Endurreisn gæðakerfisins - Saga frá Íslandsbanka
Unnur Helga Kristjánsdóttir, gæðastjóri Íslandsbanka
Kl. 09:30- 09:50 Verktakar framtíðarinnar
Eyjólfur Bjarnason, gæðastjóri Íslenskra aðalverktaka
Kl. 09:50- 10:10 Gagnsæ og rekjanleg stjórnsýsla byggð á ferlum og innri úttektum
Svala Rún Sigurðardóttir, forstöðumaður ráðgjafasviðs FOCAL
HLÉ
Kl. 10:30- 10:50 Kostur úttekta?
Sigurður M. Harðarson, sérfræðingur hjá Nor Con ehf
Kl. 10:50-11:10 Háskólanám í gæðastjórnun - til að gera umbætur í grunnstoðum samfélagsins
Dr. Helgi Þór Ingason, dósent við verkfræði- og náttúruvísindasvið Háskóla Íslands
Kl. 11:10-11:30 Pallborðsumræður
Umbætur í grunnstoðum samfélagsins
Hvernig getum við nýtt gæðastjórnun?
Ráðstefna á vegum Endurmenntunar HÍ og Stjórnvísi
Aðgangur ókeypis - allir velkomnir
Fundarstjóri: Jón G. Hauksson
27. maí - kl. 9:00 - 11:30 - Endurmenntun HÍ - Dunhaga 7
VIÐSKIPTI „Áhættan er of mikil að
fara út í fjárfestingar í þróunar-
ríkjum. Því seljum við þekkingu og
komum henni á framfæri,“ segir
Guðlaugur G. Sverrisson, stjórn-
arformaður Orkuveitu Reykjavík-
ur (OR). Hann og Hjörleifur Kvar-
an, forstjóri OR, undirrituðu í gær
viljayfirlýsingu um samstarf átta
fyrirtækja um að starfa saman
að jarðvarmaverkefnum erlend-
is. OR leiðir samstarfið en að því
koma þrjár stærstu verkfræði-
stofur landsins: Efla, Mannvit og
Verkís.
Í viljayfirlýsingunni kemur fram
að sérþekking þeirra fyrirtækja
sem að viljayfirlýsingunni standi
sé á mörgum sviðum jarðvarma-
nýtingar, svo sem að finna hugs-
anleg nýtingarsvæði, rannsókn á
þeim, mat á umhverfisáhrifum,
uppbyggingu virkjana og á rekstri
þeirra.
Leitað verður eftir fjármögnun
utanaðkomandi fjárfesta en for-
ráðamenn OR áttu í síðasta mánuði
fund með ráðamönnum japanskra
banka og þróunarsjóða auk stjórn-
valda um aðkomu að fjármögnun
jarðhitaverkefna í þróunarríkjum.
- jab
Átta fyrirtæki taka höndum saman um jarðhitanýtingu í þróunarríkjunum:
Selja þekkingu sérfræðinga
LÖGREGLUMÁL Maður var nef-
brotinn á dansgólfi 800 bars á
Selfossi aðfaranótt mánudags.
Ungur lágvaxinn, ljóshærður
maður sló hann hnefahögg í and-
litið.
Árásarmaðurinn var farinn
af staðnum þegar lögreglan
kom þar að. Árásarmaðurinn er,
ásamt öðrum, sagður hafa verið
til leiðinda á staðnum og reynt að
stofna til óláta. Lögreglan á Sel-
fossi biður þá sem voru vitni að
árásinni að hafa samband í síma
480 1010. - jss
Ólátaseggs leitað eftir árás:
Nefbraut mann
á skemmtistað
Ísland - næstu skref
Þessar og aðrar spurningar verða ræddar í pallborðsumræðum um lausnir á
aðsteðjandi vanda í efnahags- og peningamálum á Íslandi.
Fimmtudaginn 27. maí kl. 12:00 til 13:30 í Öskju stofu 132
Framsögumenn:
Prófessor Charles Wyplosz er höfundur fjölda kennslubóka og fræðigreina um
hagfræði. Hann er virtur ráðgjafi ríkisstjórna m.a. Frakklands, Rússlands og Kýpur.
Hann situr í stýrihópi forseta framkvæmdastjórnar Evrópusambandsins í peninga- og
efnahagsmálum
Dr. Daniel Gros er höfundur fjölda fræðibóka um myntsamstarf Evrópubandalagsins
og er fyrrverandi meðlimur Delors nefndarinnar sem sá um innleiðingu evrópska
myntsamstarfsins. Hann er núverandi framkvæmdastjóri Center for European Policy
Studies og er stjórnarmaður í Seðlabanka Íslands.
Dr. Sigríður Benediktsdóttir er kennari við hagfræðideild Yale Háskóla á sviði
fjármála og fjármálamarkaða. Hún er fyrrverandi hagfræðingur hjá bankastjórn
Seðlabanka Bandaríkjanna og átti sæti í rannsóknarnefnd Alþingis.
Ragnar Árnason setur umræðurnar. Ársæll Valfells stýrir fundi.
VIÐSKIPTAFRÆÐIDEILD
Fyrirlesturinn fer fram á ensku.
Allir velkomnir.
FÉLAGSVÍSINDASVIÐ
Sigríður
Daniel
Charles
Getur Ísland rekið bankakerfi? Er til króna án hafta?
Hvernig náum við efnahagslegu jafnvægi?
SVEITARSTJÓRNARKOSNINGAR
FJARÐABYGGÐ
SAMKVÆMT KÖNNUN FRÉTTABLAÐSINS OG STÖÐVAR 2 25. MAÍ
50
40
30
20
10
0
322 43 4
Ko
sn
in
ga
r
25%
21,5%
32,6%
36,4%
33,8%
42,1%
KÖNNUN Meirihluti Fjarðalistans
og Framsóknarflokks í Fjarða-
byggð heldur í sveitarstjórn-
arkosningunum á laugardag,
ef marka má niðurstöður skoð-
anakönnunar Fréttablaðsins og
Stöðvar 2 sem gerð var í gær-
kvöldi.
Fjarðalistinn er eins og í síð-
ustu kosningum stærsti flokk-
urinn í Fjarðabyggð. Flokkurinn
nýtur stuðnings 42,1 prósents
kjósenda samkvæmt könnuninni,
en fékk 33,8 prósent atkvæða
í sveitarstjórnarkosningunum
2006. Stuðningur við listann
hefur samkvæmt því aukist um
8,3 prósentustig.
Hafa verður í huga að atkvæðin
deilast nú á þrjá flokka, en í kosn-
ingunum 2006 var fjórði flokk-
urinn, Biðlistinn, í kjöri. Hann
býður ekki fram að þessu sinni,
en fékk 5,9 prósent atkvæða árið
2006, en engan mann kjörinn.
Komi svipað hlutfall upp úr
kjörkössunum á laugardag fær
Fjarðalistinn fjóra bæjarfull-
trúa, sama fjölda og hann er með
í dag. Níu eiga sæti í bæjarstjórn
Fjarðabyggðar, og fær enginn
flokkur hreinan meirihluta sam-
kvæmt könnuninni.
Alls sögðust 36,4 prósent þeirra
sem afstöðu tóku í könnuninni
myndu greiða Sjálfstæðisflokkn-
um atkvæði sitt yrði gengið til
kosninga nú. Flokkurinn var með
stuðning 32,6 prósenta í síðustu
kosningum, og bætir því við sig
3,8 prósentum samkvæmt könn-
uninni. Flokkurinn fengi sam-
kvæmt þessu sama fjölda bæjar-
fulltrúa og í dag, þrjá talsins.
Framsóknarflokkurinn tapar
lítilsháttar fylgi frá síðustu kosn-
ingum. Flokkurinn mælist nú með
stuðning 21,5 prósenta kjósenda,
en fékk 25 prósenta fylgi í sveit-
arstjórnarkosningunum 2006.
Þrátt fyrir að tapa 3,5 pró-
sentustigum fær flokkurinn tvo
bæjarfulltrúa í kosningum verði
þetta niðurstaðan í kosningun-
um á laugardag, sama fjölda og
flokkurinn er með í dag.
Miðað við þessar niðurstöður
gætu Fjarðalistinn og Framsókn-
arflokkurinn haldið áfram meiri-
hlutasamstarfi sínu í Fjarða-
byggð, en í raun gætu hvaða tveir
flokkar sem er myndað meiri-
hluta.
Talsverður munur er á afstöðu
kynjanna. Tæplega 47 prósent
kvenna sögðust ætla að kjósa
Fjarðalistann, en tæplega 37 pró-
sent karla. Karlar virðast líklegri
til að kjósa Framsóknarflokkinn
og Sjálfstæðisflokkinn, en mun-
urinn er ekki jafn mikill.
Hringt var í 600 manns þriðju-
dagskvöldið 25. maí. Þátttakend-
ur voru valdir með slembiúrtaki
úr þjóðskrá. Svarendur skiptust
jafnt eftir kyni, og hlutfallslega
eftir aldri.
Spurt var: Hvaða lista myndir
þú kjósa ef gengið yrði til sveit-
arstjórnakosninga í dag? Ef ekki
fékkst svar var spurt: Hvaða
flokk er líklegast að þú myndir
kjósa? Ef ekki fékkst svar var að
lokum spurt: Er líklegra að þú
myndir kjósa Sjálfstæðisflokk-
inn eða einhvern annan flokk?
Alls tóku 55,0 prósent afstöðu.
brjann@frettabladid.is
Óbreytt staða
í Fjarðabyggð
Fjarðalistinn og Sjálfstæðisflokkur bæta við sig fylgi
í Fjarðabyggð samkvæmt skoðanakönnun Frétta-
blaðsins og Stöðvar 2. Samkvæmt könnuninni verða
engar breytingar á fjölda bæjarfulltrúa í bænum.
FRÁ UNDIRRITUN OR og sjö önnur
fyrirtæki ætla að selja þekkingu sína á
jarðvarma erlendis. FRÉTTABLAÐIÐ/ANTON