Fréttablaðið - 26.05.2010, Blaðsíða 19
MIÐVIKUDAGUR 26. maí 2010 3
Volvo XC60 er fallegur bíll, straumlínulagaður og sportlegur. Útlitið sver sig í Volvo-ættina. FRÉTTABLAÐIÐ/STEFÁN
Mælaborðið er vel hannað bæði hvað varðar útlit og notagildi.
Skottið opnast og lokast sjálfkrafa þegar ýtt er á takka. Það er vel stórt og hægt að
hólfa það niður.
Þegar sest er í leðurklædd sæti
nýja Volvo XC60 sportjeppans
og bílhurðinni lokað fyllist öku-
maður hugarró. Bæði er gott til
þess að vita að hugað er að öllum
öryggismálum eins og venjan er
hjá Volvo, en auk þess er öll hönn-
unin til þess fallin að fylla far-
þega trausti. Mælaborðið er stíl-
hreint og aðgengilegt, rými fyrir
bílstjóra og farþega rúmgott.
Nú er sett í gang með því að
ýta á takka. Lágvært vélarhljóðið
kemur á óvart enda um dísilvél að
ræða. Þegar ekið er af stað kemur
einnig í ljós góð einangrun enda
vegahljóð í lágmarki.
Ekki vantar kraftinn. Í bílnum
sem var reynsluekinn, XC60 Mom-
entum D5 Turbo dísil, er 2,4 lítra
vél sem skilar 205 hestöflum og
420 Nm togi. Hann hentar því vel
þeim sem þurfa að draga fellihýsi
eða annan útilegubúnað á eftir sér
í sumarfríinu.
Eyðslan er einnig ásættan-
leg. Uppgefin eyðsla í blönduðum
akstri er 7,5 lítrar á 100 kílómetra
sem er talsvert minna en segja má
um marga jeppa.
Aksturseiginleikar bílsins eru
allir í hæsta gæðaflokki. Markmið
hönnuðanna var enda að sameina
einkenni jeppans annars vegar,
með stærri dekkjum, sterkari
grind og hærri lægstu punkta og
hins vegar aksturseiginleika fólk-
bílsins. Eini gallinn sem hugsan-
lega mætti nefna er að enn hærra
mætti vera undir bílinn svo hann
gæti nýst meira sem jeppi.
Bíllinn er sjálfskiptur með sex
gíra Geartronic sjálfskiptingu og
líður yfir þvottabretti íslensku
malarveganna eins og draumur.
Ekki má fjalla um Volvo án þess
að taka öryggið fyrir. Volvo XC60
er búinn ýmsum staðalbúnaði á
borð við ABS, EBD hemlajöfnun,
sex loftpúðum með loftpúðatjöld-
um í hliðargluggum, SIPS hliðar-
árekstrarvörn, bakhnykksvörn og
spólvörn. Mesta nýjungin er þó
svokallað borgaröryggi eða „city
safety“. Það er í raun sjálfvirk
bremsa því henni er ætlað að koma
í veg fyrir aftanákeyrslur í borgar-
umferðinni og annars staðar þar
sem bílar aka í röð á litlum hraða.
Kerfið fylgist með fjarlægð milli
bílsins og næsta bíls fyrir framan
og hægir sjálfkrafa á bílnum aki
ökumaður of nálægt og stöðvar
hann alveg áður en hann skellur
aftan á bílnum fyrir framan.
solveig@frettabladid.is
Hreinræktuð akstursánægja
Volvo XC60 sportjeppinn er nýjasta viðbótin hjá Volvo. Öryggið er eins og ávallt sett á oddinn en þess
utan eru aksturseiginleikar bílsins draumi líkastir enda nægur kraftur í bílnum og gott andrúmsloft.
Skagafjörður er víðfeðmt hérað
með marga skoðunarverða
staði. Gisting er í boði víða,
meðal annars á Hólum í Hjalta-
dal. Þar eru hús leigð út til
gesta að sumri til í svokallaðri
Brúsabyggð.
Gaman er að ganga um á Hólum
og skoða kirkjuna, turninn og Auð-
unarstofu auk þess að rölta út að
styttunni af Guðmundi góða. Í
sýningarsölum skólans er hægt
að fræðast um fortíð staðarins og
fornleifauppgröftur, sem unnið
hefur verið að síðustu ár, er áhuga-
verður í því samhengi. Svo er hægt
að fá sér sundsprett í lauginni.
Um Hólaskóg hlykkjast ótal
skemmtilegir stígar og skólinn
hefur gefið út göngukort með leið-
um um Tröllaskaga þar sem hægt
er að velja á milli stuttra göngu-
túra og lengri ferða.
Í nágrenni Hóla er margt sem
gefur ferðamönnum tilefni til að
staldra við. Þar má nefna Sam-
gönguminjasafn Skagafjarðar í
Stóragerði. Hinn forni verslunar-
staður Kolkuós er skammt undan,
þar er fornleifauppgröftur í gangi
við fjörukambinn. Drangey, Málm-
ey og Þórðarhöfði setja sterkan
svip á útsýnið og stutt er út á Hofs-
ós með Vesturfarasetrinu og spán-
nýrri sundlaug. Í Lónskoti í Sléttu-
hlíð er veitingasala yfir sumarið,
þar er Sölva Helgasonar minnst
og enn lengra út með ströndinni er
hin haganlega gerða Haganesvík.
Gist í Brúsabyggð
Brúsabyggð nefnist þetta hverfi á Hólum í Hjaltadal sem leigt er út fyrir ferðamenn
að sumri til. MYND/SÓLRÚN
Á Draflastöðum í Fnjóskadal eru í boði ýmis
konar ferðir á fjórhjólum. Allar ferðirnar
fela í sér kennslu og leiðbeiningar
um hvernig aka eigi hjólunum.
www.sveitasetrid.is
VERSLUN / VERKSTÆÐI
Helluhrauni 4 220 Hafnarfjörður
Sími 555 4900
Allar nánari upplýsingar um þjónustu og vörur á www.rotor.is. lang - stærsti húsbílavefurinn
Viðgerðir Kæliskápar Reiðhjólagrindur Ferðasalerni Fortjöld
Húsbílaþjónusta og fylgihlutir í ferðalagið
Allt í húsvagninn...
...í settum fyrir handlagna
Rótor ehf býður upp á viðgerðaþjónustu
á rafbúnaði húsbíla og vagna ásamt
uppsetningu og tengingu á þeim búnaði
sem við seljum á einu besta
þjónustuverkstæði landsins.
Gasmiðstöðvar
1900 - 2800W
Vatnshitarar
13L gas / 220V
Sólarsellusett í úrvali.
VOLVO XC60 MOMENTUM
D5 TURBO DÍSIL
Vél: 2,4 l dísil
Sjálfskiptur geartronic 6 gíra
Hö/Nm: 205/420
Eyðsla, bl. akstur: 7,5 l/100 km
0-100 km/klst: 7,5 sek
Þyngd: 1.874 kg
Farangursrými: 495/1455 l
Plús: Mikil akstursánægja.
Nægur kraftur. Falleg hönnun.
Mínus: Það mætti vera hærra undir
hann.
Verð: 8.740.000 krónur
REYNSLUAKSTUR