Fréttablaðið - 28.05.2010, Blaðsíða 6
6 28. maí 2010 FÖSTUDAGUR
FRÉTTASKÝRING
Hvar standa samningaviðræður um
Icesave-deiluna?
Bjartsýnustu menn bjuggust jafn-
vel við fundi um Icesave-deil-
una fyrir helgi, en ljóst er að það
gengur ekki eftir. Það var ekki
síst vegna aðkomu Svía að málinu
að þær vonir vöknuðu. Þeir hafa
átt í óformlegum samskiptum
við Breta og Hollendinga og von-
uðust sjálfir til að þáttaskil yrðu
fljótlega í málinu. Sama bjart-
sýni ríkir ekki í íslenska stjórn-
kerfinu.
Samkvæmt áliti ESA, Eftirlits-
stofnunar EFTA, sem Fréttablaðið
greindi frá í gær, ber Íslendingum
að endurgreiða Bretum og Hol-
lendingum lágmarkstryggingu til
innstæðueigenda vegna Icesave-
reikninganna. Sú upphæð nemur
20.887 evrum á hvern reikning að
hámarki.
Heimildarmenn Fréttablaðsins
telja að álitið rýri ekki málstað
Íslendinga. Vissulega hafi rökum
þeirra verið hafnað en þeir standi
enn á því að þeim beri ekki lagaleg
skylda til greiðslu reikninganna.
Hins vegar samræmist þetta til-
boði Íslendinga í deilunni, en pól-
itísk samstaða er um að greiða
lágmarkstrygginguna. Álitið hafi
því ekki endilega neikvæð áhrif á
stöðu Íslendinga í samningnum.
Ekki hafa verið haldnir fundir
meðal samninganefnda ríkjanna
síðan upp úr viðræðunum slitnaði
4. mars, tveimur dögum fyrir þjóð-
aratkvæðagreiðsluna á Íslandi.
Nefndarmenn hafa hins vegar
verið í óformlegu sambandi sín á
milli. Af Íslands hálfu er litið svo
á að allt sé klárt fyrir viðræður að
nýju, engin skilyrði þurfi að setja
fyrir þeim.
Líkt og áður segir er pólitísk
samstaða um að greiða lágmarks-
trygginguna. Eftir standa viðræð-
ur um vexti, en Íslendingar hafa
verið reiðubúnir að greiða það sem
þeir nefna hóflega vexti. Þeir laga-
legu fyrirvarar sem Alþingi gerði
við greiðslu skuldarinnar standa
hins vegar enn í viðsemjendum
þeirra.
Þar stendur hnífurinn í kúnni,
því þeir fyrirvarar eru einmitt
forsenda pólitískrar samstöðu hér
á landi um greiðsluna. Slík sam-
staða er svo aftur forsenda þess að
Bretar og Hollendingar samþykki
nýjan samning.
Heimildarmönnum Fréttablaðs-
ins ber saman um að ekki verði
boðað til fundar í deilunni í bráð.
Málið sé einfaldlega ekki komið
inn á borð nýrrar ríkisstjórnar í
Bretlandi og embættismenn séu
því tregir til aðgerða. Þeir vilji
ekki gera samninga sem mögulega
falli nýjum húsbændum illa í geð.
Það gæti hins vegar breyst á
næstu vikum og ráðherrarnir beint
sjónum sínum að málinu. Ljóst er
hins vegar að af nógu er að taka
á þeim bænum. Það mun því ekki
reyna strax á hvort samningar
náist og hvort Bretar felli sig við
lagalegu fyrirvarana, en þeir eru
sérstaklega viðkvæmir fyrir þeim,
samkvæmt heimildum blaðsins.
kolbeinn@frettabladid.is
Lagalegir fyrirvarar
vefjast fyrir Bretum
Svíar hafa hlutast til um Icesave-deiluna og bjuggust við fundi fljótlega. Þær
vonir hafa dvínað. Álit ESA ekki talið Íslendingum fjötur um fót þar sem vilji til
greiðslu lágmarkstryggingar var ljós. Lagalegir fyrirvarar óleystir sem og vextir.
EKKERT BREYST Staðan í Icesave-málinu hefur ekki breyst síðan viðræðum var slitið tveimur dögum fyrir þjóðaratkvæðagreiðsl-
una á Íslandi í byrjun mars. Svíar hafa komið að mögulegri lausn málsins, þótt óformlega sé. FRÉTTABLAÐIÐ/DANÍEL
Yfirlit yfir dóma EFTA-dómstólsins
í samningsbrotamálum eykur ekki
bjartsýni á jákvæða niðurstöðu
fyrir Ísland, fari málið þangað. Er
þar eingöngu horft til niðurstaðna
dómsins, ekki lagalegra gagna.
Alls hafa 28 samningsbrot
komið til kasta dómstólsins og þar
af eitt mál hvar fimm voru samein-
uð í eitt. Í 26 þeirra féll dómurinn
ESA í vil, en aðeins í tveimur þeirra
var dæmt aðildarríki í hag, Noregi í
báðum tilvikum.
Af þessum 26 málum sem ESA
hefur unnið fyrir dómnum hafa
sex snúið að Íslandi.
26 sigrar tvö töp
Mikið úrval af frábærum tilboðum - líttu við
28
afsláttur
%
25
afsláttur
%
25
afsláttur
%
25
afsláttur
%
28
afsláttur
%
ALÞINGI Reyna á að leggja frumvarp um
breytingar á stjórnarráði fyrir Alþingi eftir
helgi. Frumvarpið var rætt í þingflokkum
stjórnarflokkanna í gær, en Vinstri græn
frestuðu umræðunni fram á mánudag. Vonir
standa til að frumvarpið verði að lögum á
þessu þingi og breytingarnar að veruleika um
áramótin.
Nokkur styr hefur staðið um efni frum-
varpsins og hefur Jón Bjarnason, sjávarút-
vegs- og landbúnaðarráðherra, opinberlega
lýst sig andvígan breytingunum. Það hefur
Ásmundur Einar Daðason, þingmaður Vinstri
grænna í Norðvesturkjördæmi, einnig gert.
Samkvæmt heimildum blaðsins standa líkur
þó til að þingflokkur Vinstri grænna muni
samþykkja frumvarpið. Samfylkingin styður
frumvarpið. Búast má við að Jón Bjarnason
verði einn þeirra ráðherra sem víkja úr
stjórninni við breytingarnar.
Breytingarnar eru í takti við það sem kynnt
var í stjórnarsáttmálanum, fækkun ráðuneyta
úr tólf í níu. Ný og betrumbætt ráðuneyti yrðu
umhverfis- og auðlindaráðuneyti, atvinnu-
vegaráðuneyti og innanríkisráðuneyti.
Í farvatninu eru einnig breytingar á starfs-
háttum innan stjórnarráðsins. Snýr það að
ábyrgð ráðherra. Skerpt verði á stjórnunar-
og eftirlitsskyldum, skyldur ráðherra verða
útfærðar enn frekar og verkstjórn forsætis-
ráðherra verður skýrari, svo eitthvað sé nefnt.
- kóp
Þingflokkar stjórnarflokkanna funda um breytingar í ríkisstjórn:
Frumvarp um stjórnarráð kemur eftir helgi
RÍKISSTJÓRNIN Ráðherrum verður fækkað úr tólf í níu um
næstu áramót, verði frumvarp forsætisráðherra að lögum.
FRÉTTABLAÐIÐ/DANÍEL
Eitt af því sem menn óttast innan íslenska stjórnkerfisins er að efnahags-
þrengingar annars staðar í Evrópu muni hafa áhrif á það tilboð sem Bretar
og Hollendingar kynnu að setja fram. OECD hefur hvatt til þess að vextir
almennt á lánum verði ekki undir 3,5 prósentum. Þá hafa vandræðin í
Grikklandi breytt hugsun margra leiðtoga í Evrópu gagnvart lánum til ann-
arra ríkja. Hollendingar hafa verið mjög íhaldssamir í afstöðu sinni til lána
til Grikklands og það sem menn óttast er að viðsemjendur Íslendinga spyrji
hvers vegna Íslendingar ættu að fá önnur kjör en Grikkland fær. Þar er verið
að ræða um 5,5 til 6 prósenta vexti.
Áhyggjur af Grikklandi
„Fylgdist þú með undankeppni
Söngvakeppni evrópskra sjón-
varpsstöðva á þriðjudagskvöld?
JÁ 68%
NEI 32%
SPURNING DAGSINS Í DAG:
Ert þú hlynnt(ur) sameiningu
háskóla í sparnaðarskyni?
Segðu skoðun þína á visir.is
KJÖRKASSINN