Fréttablaðið - 28.05.2010, Blaðsíða 11
FÖSTUDAGUR 28. maí 2010 11
DÓMSMÁL Tveir karlmenn og ein
kona hafa verið sýknuð af ólög-
mætri sauðfjárslátrun með því að
hafa slátrað lömbum í gámi. Hér-
aðsdómur Vesturlands kvað upp
dóminn.
Fólkið var ákært fyrir að hafa
í sameiningu slátrað nítján lömb-
um í sendibíl og gámi aftan við hús
í Stykkishólmi. Þrettán lambanna
voru í eigu annars mannsins og sex
í eigu konunnar. Var fólkið ákært
fyrir brot á lögum um eldi og heil-
brigði sláturdýra, slátrun, vinnslu
og heilbrigðisskoðun og gæðamat
afurða.
Í september á síðasta ári gerði
Heilbrigðiseftirlit Vesturlands lög-
reglu viðvart um slátrunina. Þá
var búið að hengja lambskrokk-
ana nítján upp í gámnum, auk þess
sem sami fjöldi hausa var á borði
á sama stað. Einnig voru fjórir
álbakkar með innyflum í gámn-
um.
Fram kom að lömbin hefðu þenn-
an sama morgun verið flutt í lok-
aðri sendibifreið að gáminum.
þeim hefði síðan verið slátrað í
bílnum með rotbyssu og frágangi
lokið um hádegisbil.
Dómurinn leit svo á að þar sem
afurðirnar hefðu einungis verið
ætlaðar til einkaneyslu en hvorki
sölu né dreifingar bæri að sýkna
fólkið. - jss
Tveir karlmenn og kona sýknuð af ólögmætri slátrun sauðfjár:
Slátruðu nítján lömbum í gámi
LÖMBIN Fólkið slátraði lömbunum með
rotbyssu.
DÓMSMÁL Tveir karlmenn hafa
verið ákærðir fyrir líkamsárásir í
Reykjavík. Annar mannanna réðst
á mann fyrir utan Hótel Hilton við
Suðurlandsbraut og kýldi hann í
andlitið. Fórnarlambið hlaut all-
nokkra áverka.
Hinn árásarmaðurinn réðst á
mann fyrir utan veitingastaðinn
Sólon, skallaði hann og sló í andlit-
ið þannig að tvær tennur losnuðu.
Síðara fórnarlambið gerir kröfu
um að árásarmaðurinn greiði sér
rúma milljón í skaðabætur.
- jss
Tveir karlmenn ákærðir:
Réðust á menn
við veitingastaði
Atvinna er
aðalmálið.
Kynntu þér aðgerðaáætlunina okkar á www.xs.is/atvinna
KOMUM VINNUFÚSUM HÖNDUM TIL VERKA!
Kosningarnar á morgun snúast um mjög mikilvæg mál. Ef borgin beitir
ekki öllu afl i til að skapa fl eiri störf þá bitnar það á þjónustunni við börn
og eldri borgara og dregur úr öryggi fólksins í borginni. Samfylkingin er
eini fl okkurinn með vel útfærða áætlun í atvinnumálum í Reykjavík.
UTANRÍKISMÁL Viðbrögð Íslendinga
við eldgosum var meðal þess sem
Ólafur Ragnar Grímsson, forseti
Íslands, ræddi í viðtali við Alex-
ander Chizhenok, fréttamann
rússnesku sjónvarpsstöðvarinnar
TV Center, í St. Pétursborg á
þriðjudag. Á vef forsetaembætt-
isins kemur jafnframt fram að í
viðtalinu hafi forsetinn rætt áhrif
eldgosa á menningu og viðhorf,
sem og möguleika ferðaþjónust-
unnar á komandi árum. „Auk þess
var rætt um samvinnu Íslands og
Rússlands á undanförnum ára-
tugum, nauðsyn aukins samstarfs
á norðurslóðum og um nýtingu
hreinnar orku,“ segir þar. - óká
Forsetinn í viðtali:
Ræddi eldgos
og samstarf
AFGANISTAN Bandarískir hermenn
sprengja í loft upp bifreið sem full var
af sprengiefni nærri herflugvellinum í
Jalalabad í Afganistan í gær.
FRÉTTABLAÐIÐ/AP
SAMSKIPTASÍÐUR Um 28 prósent yngstu
netnotendanna sögðu aldrei hægt að
treysta síðum á borð við Facebook.
FRÉTTABLAÐIÐ/GVA
BANDARÍKIN, AP Yngri netnotend-
ur eru varkárari á Netinu en þeir
sem eldri eru, og ólíklegri til að
treysta netsíðum á borð við Face-
book fyrir persónulegum upplýs-
ingum. Þetta kemur fram í niður-
stöðum rannsóknar sem gerð var
í Bandaríkjunum nýverið.
Notendur Facebook og annarra
samskiptasíðna á aldrinum 18 til
29 ára eru mun líklegri til að tak-
marka aðgengi að persónulegum
upplýsingum en aðrir hópar. Um
71 prósent sagðist meðvitað hafa
takmarkað aðgengi að slíkum
upplýsingum, samanborið við um
55 prósent fólks á aldrinum 50 til
64 ára. - bj
Munur á netnotkun eftir aldri:
Yngstu hóparn-
ir varkárastir
DANMÖRK Tveir menn hafa fund-
ist látnir í Danmörku síðustu
daga, eftir að hafa innbyrt e-töfl-
ur. Lögreglan í Danmörku óttast
að eitraðar e-töflur hafi komist í
umferð á Vestur-Jótlandi.
Á þriðjudag fannst átján ára
gamall maður látinn í íbúð vinar
síns og 37 ára gamall maður
fannst svo látinn á heimili sínu í
gær.
Að sögn lögreglu var sá eldri
þekktur í undirheimunum fyrir
eiturlyfjasölu. Báðir mennirnir
höfðu tekið e-töflu áður en þeir
létust.
- þeb
Tveir menn látnir á Jótlandi:
Lögregla óttast
eitraðar e-töflur