Fréttablaðið - 28.05.2010, Blaðsíða 30
2 föstudagur 28. maí
núna
✽ listin í borginni
augnablikið
Útgáfufélag 365 miðlar ehf. Forsíðumynd Valgarður Gíslason
Útlitshönnun Kristín Agnarsdóttir Auglýsingar Sigríður Dagný Sigurbjörnsdóttir
sigridurdagny@365.is sími 512 5462 Föstudagur Skaftahlíð 24, 105 Reykjavík, sími 512 5000
TÆKNIVÆDD Leikkonan og
súperpæjan Kate Hudson leit út fyrir
að vera í eigin heimi þar sem hún
gekk um götur New York með andlit-
ið ofan í iPad.
ALDÍS PÁLSDÓTTIR LJÓSMYNDARI
Ég ætla að eyða helginni úti á landi með myndavélina mína. Byrja föstudag-
inn á því að mynda uppi á Skaga fyrir bók sem ég er að myndskreyta og fer
svo upp í Tungu með tvær óléttar á laugardaginn. Kannski tek ég á móti einu
lambi þar áður en ég bruna í bæinn aftur í útskriftarveislu. Jafnvel tek ég fjölskyld-
una með mér í þessi útálandi-verkefni svo við getum öll notið sveitasælunnar.
helgin
MÍN
Leikkonur á Lindargötu
Elma Lísa Gunnarsdóttir er hald-
in kaupgleði þegar kemur að fal-
legum flíkum. Því er heppilegt fyrir
aðrar konur hversu oft hún tekur til
í geymslunni hjá sér og selur spjar-
irnar sínar á markaði. Einn slík-
ur verður haldinn á Lindargötu 6
á morgun á milli klukkan 11 og
18. Með Elmu Lísu verður leik-
konan Nanna Kristín Magnúsdótt-
ir sem einnig er smekk-
kona mikil. Tilvalið er
að heimsækja vin-
konurnar á morgun,
þiggja hjá þeim kaffi-
bolla og plata þær til
að dressa sig upp
fyrir Eurovision-
kosningapartí-
ið.
Með F.T. á línunni
Umboðsmaður Heru Eurovision-
drottningar, Valgeir Magnús-
son, fékk óvenjulegt símtal
til Óslóar í gærdag. Símtal-
ið var frá blaðamanni Financi-
al Times sem vildi vita hvernig
áhrif það myndi hafa á sálarlíf
landa hans að halda keppnina hér
að ári. Valgeir sagði blaðamannin-
um að það myndi auka hamingju
Íslendinga til muna að halda hér
keppnina. „Ég sagði honum að við
værum þannig fólk
að ef rútan fest-
ist í drullu færum
við öll saman út að
ýta. Við myndum
finna út úr þessu
saman,“ sagði Val-
geir í samtali við
Fréttablaðið í
gær.
Í sumar verður hægt að slá tvær flug-ur í tískuvöruversluninni Kow og
kaupa falleg föt á sjálfa sig og börn-
in sín í leiðinni, en barnafatalínan
Ígló verður með aðsetur í versl-
un Kow í sumar. „Ígló passar
vel við það sem ég er að gera.
Þær nota pífur, slaufur og liti,
eins og ég hrífst af sjálf,“ segir
Kolbrún Ýr Gunnarsdóttir, sem
rekur verslunina Kow á Lauga-
vegi 51. Sjálf einbeitir Kolbrún sér
alfarið að kvenfatnaði og ætlar sér
ekki að hella sér út í barnafötin. „En
ég hef rosalega oft fengið þá fyrir-
spurn hvort ég ætli ekki að fara að
gera barnaföt líka. Þetta er fín leið
til að bregðast við því líka.“
Í gærkvöld var haldin vegleg veisla
í verslun Kow, þar sem Ígló og sum-
arið voru boðin velkomin í verslun-
ina.
Barnafötin frá Ígló verða til sölu hjá Kow í sumar:
Pífur, slaufur og litir
Að sjálfsögðu er ég hamingjusöm. Fjárhagslegi stuðn-ingurinn hjálpar mér að stunda það heilshugar sem
ég hef verið á kafi í frá því ég var í bleiu – að gera mynd-
list. Hann gerir mér líka kleift að koma í gegn ákveðnu
verkefni sem ég er farin að hafa þráhyggju fyrir. Svo
finnst mér það mikill heiður að vera talin á meðal þeirra
bestu og sett í hóp þessara miklu kvenna sem hafa feng-
ið verðlaunin á undan mér,“ segir myndlistarkonan Sara
Riel, sem fékk á miðvikudaginn afhent verðlaunafé og
viðurkenningu úr Listasjóði Guðmundu S. Kristinsdótt-
ur fyrir framlag sitt á sviði myndlistar.
Sjóðinn stofnaði Erró til minningar um frænku sína,
Guðmundu S. Kristinsdóttur frá Miðengi. Er honum
ætlað að efla og styrkja listsköpun kvenna. Þetta
er í ellefta sinn sem styrkur er veittur úr sjóðnum
en framlagið rennur til listakonu sem þykir skara
fram úr. Á meðal þeirra kvenna sem áður hafa
hlotið viðurkenningu úr sjóðnum eru Ólöf Nordal,
Finna Birna Steinsson, Katrín Sigurðardóttir, Gabríela
Friðriksdóttir og Hekla Dögg Jónsdóttir.
Í sumar má búast við að sjá Söru einhvers staðar
uppi í stiga með pensla og málningarfötu, en hún er
þekkt fyrir draumkennd verk sín á húsveggi í miðbæ
Reykjavíkur sem eru í miklu uppáhaldi margra veg-
farenda, stórra sem smárra. Sara verður öll dularfull
þegar reynt er að forvitnast um verkefnið sem hún er
farin að fyllast svo djúpri þráhyggju yfir. „Þetta er dá-
lítið leyndarmál enn þá. En við skulum segja að verkið
muni spretta upp einhvers staðar í Reykjavík. Þannig
gef ég þessa peninga beint aftur til borgarbúa,“ segir
Sara, en verður svo þögul sem gröfin og segir ekki orð
um það meir. - hhs
Myndlistarkonan Sara Riel hlaut Guðmunduverðlaunin í ár fyrir framlag sitt á sviði myndlistar:
STYRKURINN LÉTTIR
Á ÞRÁHYGGJUNNI
Mikill heiður Sara Riel tekur við Guðmunduverðlaununum úr hendi Hafþórs Yngvasonar, safnstjóra
Listasafns Reykjavíkur.
þetta
HELST