Fréttablaðið - 28.05.2010, Blaðsíða 46

14 •
ARCADE FIRE Kanadíska hljómsveitin gefur út sína þriðju plötu, The Suburbs, í maí.
Þriðja plata kanadísku hljómsveit-
arinnar Arcade Fire, The Suburbs,
kemur í verslanir 2. ágúst. Markus
Dravs, sem hefur unnið með Cold-
play og Björk, aðstoðaði sveitina
við upptökurnar, rétt eins og fyrir
síðustu plötu hennar Neon Bible.
Upptökur hafa staðið yfir undan-
farin tvö ár í Montréal og New
York og bíða margir tónlistarunn-
endur spenntir eftir útkomunni.
Stutt er síðan Arcade Fire sendi
frá sér tvö ný lög af plötunni sem
nefnast The Suburbs og Month of
May og sýna þau að sveitin er enn
í fínu formi.
THE SUBURBS KEMUR
FRÁ ARCADE FIRE
Diddi Fel og Emmsjé Gauti hafa báðir verið áberandi í rappbransanum undan-
farin ár. Diddi gaf nýverið út sína fyrstu sólóplötu, Hesthúsið, þar sem
Emmsjé Gauti var einmitt á meðal gesta en Diddi hafði fram að því
getið sér gott orð sem liðsmaður Forgotten Lores. Emmsjé Gauti
hefur gefið út lög sem hafa hlotið góðar viðtökur og verið duglegur
við spilamennsku. Fyrsta sólóplatan lætur þó enn þá bíða eftir sér.
Popp hafði samband við þá félaga og gaf þeim tækifæri til að svara
því hvort klisjurnar um rappara séu í raun og veru sannar.
POPPPRÓFIÐ
DIDDI FEL
Á allt íslenskt hipp hopp rætur sínar að rekja í
Árbæinn? „Klárlega. Íslenskt hipp hopp
fæddist fyrir utan Skalla. Menn vita
þetta.“
Eru íslenskir rapparar með lyklakippur
sem líta út eins og byssur og í staðinn fyrir
byssur? „Ég hef margoft séð dæmi um slíkt, þessir
ungu rapparar á Íslandi eru stórhættulegir og gjarnan
með byssur sem líta út eins og lyklakippur.“
Er orðið „skoppari“ enn þá notað? „Engin spurning,
þrusu vinsælt akkúrat núna enda sérlega skemmtilegt
orð og algjör klassík.“
Hvað varð um símboðann? „Ég er enn þá með símboða
og er frekar fúll að það sé enginn búinn að bípa á mig
í svona fimm ár.“
Mun hipp hoppið einhvern tíma endurheimta Dóra DNA
úr gríninu? „Nei, það var ákveðið nú nýlega á árlegum
fundi íslenskra rappara að fá Þorstein Guðmunds í
skiptum. Slétt trade!“
Hafa allir íslenskir rapparar leigt hjá Sesari A á ein-
hverjum tímapunkti? „Sesarinn er auðvitað rapp-afinn
og eins og allir gamlir góðir menn þá hugsa þeir vel
um sína. Röppurum þykir gott að geta gólað í kallinn
ef það bjátar eitthvað á. Afrikanus er haukur í horni.“
EMMSJÉ GAUTI
Á allt íslenskt hipp hopp rætur sínar að rekja
í Árbæinn? „Ekki séns. Aðal fjársjóðurinn
var fundinn í Breiðholtinu. Fullt af góðu rappi
úr Rivertown þó.“
Eru íslenskir rapparar með lyklakippur
sem líta út eins og byssur og í staðinn
fyrir byssur? „Allir íslenskir rapparar eiga
afsagaða haglabyssu, butterfly-hníf og
hafa drepið tvo eða fleiri.“
Er orðið „skoppari“ enn þá notað?
„Fólkið sem notar: „Já sæll, eigum
við að ræða það eitthvað!!“ og gam-
almenni eru enn þá að þessu.“
Hvað varð um símboðann? „Ég er fæddur sama
ár og bjórinn var lögleiddur. Þú gætir allt eins
spurt mig út í bréfdúfur.“
Mun hipp hoppið einhvern tíma endurheimta Dóra
DNA úr gríninu? „Fór Dóri eitthvað? Ég vona að
hann hætti aldrei að grínast, hann fær mig til að
lol’a (nohomo).“
Hafa allir íslenskir rapparar leigt hjá Sesari A á
einhverjum tímapunkti? „Já, sko málið er að
Sesar A er lærifaðir allra rappara á Íslandi.
Þú flytur til hans fyrstu sex mánuðina sem
þú byrjar að rappa og lærir þar allt sem
þarf til þess að vera fyrirmyndarrappari.
Wax on wax off.“
Tónlistarkonan M.I.A. notaði Twitt-
er-síðu sína til að birta símanúmer
blaðamannsins Lynn Hirschberg
í gær. M.I.A. var ósátt við viðtal
sem Hirchberg tók og birtist í New
York Times. Þá sagðist hún ætla
að birta eigin útgáfu af viðtalinu.
Símanúmerið var í vinnusíma
blaðamannsins, en engum sögum
fer af því hvort síminn hafi hringt
látlaust í gær. Viðtalið fjallaði
um tengsl M.I.U. við Srí Lanka og
vandræði hennar við að fá vega-
bréfsáritun í Bandaríkjunum.
BIRTI NÚMER BLAÐASNÁPS
DJÖRF MIA fer sínar eigin leiðir.