Fréttablaðið - 28.05.2010, Blaðsíða 75
FÖSTUDAGUR 28. maí 2010 43
FÓTBOLTI Ísland og Andorra mæt-
ast í æfingaleik á laugardaginn en
fimm leikmenn í hópnum spila í
íslensku deildinni. Samt sem áður
eru tveir leikir í deildinni á sunnu-
daginn og þrír á mánudaginn.
Breiðablik spilar við ÍBV í Vest-
mannaeyjum á sunnudaginn klukk-
an 16, sólarhring eftir að landsleik-
urinn hefst. Blikinn Arnór Sveinn
Aðalsteinsson er í landsliðshópn-
um. „Við vildum ekki fresta leikn-
um þar sem við erum á góðu skriði
og þetta hefði riðlað öllu hjá okkur.
Þá hefði liðið farið í langt frí fyrir
bikarleikinn gegn FH,“ sagði Ólaf-
ur Kristjánsson, þjálfari Blika.
Fram og KR frestuðu sínum leik
en Skúli Jón Friðgeirsson og Jón
Guðni Fjóluson eru í landsliðshópn-
um. Leikur þeirra fer fram 10. júní
í staðinn en KR spilar þá þrjá leiki
á einni viku, gegn Val 7. júní, þá
við Fram og loks FH 14. júní.
„Ef við hefðum frestað leikn-
um hefði leikskipulagið verið allt-
of þétt hjá okkur,“ sagði Ólafur en
Blikar hefðu þá spilað eins og KR-
ingar, þrjá leiki á einni viku.
Arnór býst ekki við að spila báða
leikina, í það minnsta ekki 90 mín-
útur í þeim báðum. „Ég veit ekkert
hvernig verður með landsleikinn,
kannski fæ ég að spila eitthvað en
þjálfarinn ræður því. Þetta verður
smá álag á mér en ég kvarta ekki,“
sagði Arnór en Blikar fara til Eyja
á sunnudagsmorgun.
Ólafur er óhræddur við að leyfa
Arnóri að spila gegn ÍBV. „Við
leysum það ef hann spilar lands-
leikinn. En ég er líka með stór-
an hóp og ég treysti öllum til að
spila,“ sagði þjálfarinn. - hþh
Arnór Sveinn Aðalsteinsson gæti spilað tvo leiki á einum sólarhring:
Blikar vilja ekki hægja á skriðinu
LANDSLIÐSMAÐUR Arnór á landsliðsæf-
ingu í gær. FRÉTTABLAÐIÐ/VALLI
KÖRFUBOLTI Arnar Freyr Jónsson,
leikstjórnandi Grindavíkurliðsins
undanfarin tvö tímabil, er ekki
búinn að ákveða það hvar hann
muni spila á næsta tímabili.
„Ég er í viðræðum við tvö lið
á Suðurnesjum og þetta ætti að
skýrast á morgun (í dag),“ sagði
Arnar Freyr í samtali við Frétta-
blaðið í gærkvöldi.
Heimildir Fréttablaðsins eru
að annað þessara liða sé Njarðvík
en Arnar Freyr vildi þó ekkert
gefa upp um hvaða lið hann væri
að tala við. Arnar Freyr varð
fjórum sinnum Íslandsmeistari
með Keflavík á árunum 2003
til 2008 áður en hann fór yfir
til Grindavíkur fyrir 2008-2009
tímabilið. Arnar Freyr varð í 3.
sæti í stoðsendingum í Iceland
Express deild karla í vetur með
7,0 að meðaltali þrátt fyrir að
spila bara 24,0 mínútur í leik en
auk þess var hann með 5,4 stig í
leik. - óój
Arnar Freyr Jónsson:
Er í viðræðum
við tvö félög
ARNAR FREYR JÓNSSON Glímdi við erfið
meiðsli í vetur. FRÉTTABLAÐIÐ/VILHELM
FÓTBOLTI Þjálfunarstíll Jose Mour-
ingo hentar fullkomlega fyrir
Real Madrid, samkvæmt forseta
félagsins Florentino Perez. Mour-
inho tekur við Madrídarliðinu í
þessari viku.
Mourinho er almennt talinn
mjög varnarsinnaður þjálfari og
lið hans ekki talin spila skemmti-
legan fótbolta. Það er jú önnur
krafa hjá stuðningsmönnum Real
Madrid, að liðið spili skemmtileg-
an fótbolta.
Krafa númer eitt er sigur. Allt-
af og allsstaðar. Stíll Mourinho
hefur einmitt skilað árangri þar
sem hann hefur þjálfað.
„Stíll Mourinho fellur fullkom-
lega að sögu Madrídar. Að vinna,
gildin og andi fórnarinnar, munu
henta fullkomlega,” segir Perez.
Mourinho mun fá 40 milljón-
ir punda í laun, eftir skatta, yfir
fjögur tímabil hjá Real Madrid.
- hþh
Forseti Real um Mourinho:
Fullkominn
fyrir Real-liðið
FRÁBÆRT TÍMABIL Jose Mourinho fagnar
sigri í Meistaradeildinni í vetur. MYND/AFP