Fréttablaðið - 29.05.2010, Blaðsíða 2
2 29. maí 2010 LAUGARDAGUR
Þorsteinn, gekkstu þá ljósum
logum?
„Jú, það logar alveg úr mér!“
Þorsteinn Jakobsson göngugarpur eyddi í
gær um þrettán tímum til að ganga á tíu
tinda. Tilgangurinn var að safna áheitum
fyrir endurhæfingar- og stuðningsmið-
stöðina Ljósið.
SPURNING DAGSINS
FÉLAGSMÁL Sigurlaug Viborg, for-
seti Kvenfélagasambands Íslands,
segir sambandið leggjast gegn
frumvarpi um afnám húsmæðra-
orlofs.
„Þetta er sérstaklega mikils
virði fyrir fullorðnar konur sem
ekki eru með neina digra sjóði á
bak við sig. Félagslegi þátturinn er
ekki síður mikilvægur því sumar
konur hafa ekki aðstöðu til að ferð-
ast nema í svona hóp,“ segir Sig-
urlaug.
Að upphaflegu frumkvæði
bæjarstjórnar Hveragerðis álykt-
aði Samband sveitarfélaga um að
afnema ætti húsmæðraorlof og
liggur nú fyrir á Alþingi frum-
varp þessa efnis. Eins og lögin
eru í dag greiðir hvert sveitarfé-
lag eitt hundrað krónur á hvern
íbúa til orlofsnefnda í sínu héraði.
Þannig á Hveragerði að greiða um
210 þúsund krónur á þessu ári.
Sveitarfélögin í heild greiða ríf-
lega 30 milljónir á ári.
„Þessar greiðslur frá sveitarfé-
lögunum eru ekki það háar að það
skipti öllu máli fyrir þau en skipta
máli fyrir konurnar sem fá örlitla
niðurgreiðslu á orlofsferðir,“ segir
Sigurlaug.
Aldís Hafsteinsdóttir, bæjar-
stjóri í Hveragerði, segir hins
vegar að húsmæðraorlofið sé arfur
fortíðar og frá þeim tíma þegar
fólk hafi yfirleitt ekki farið í ferða-
lög. Furðuleg sé að skikka sveitar-
félög til að borga í orlofið.
„Bæjarstjórnin hér er einhuga í
því að lög um húsmæðraorlof séu
algjör tímaskekkja, út frá jafnrétt-
is- og jafnræðissjónarmiðum. Með
sama hætti mætti segja að það ætti
að vera orlof fyrir námsmenn, þeir
eru líka blönk stétt,“ segir Aldís.
Sigurlaug Viborg segir Kven-
félagasambandið skila Alþingi
umsögn um frumvarpið í júní.
„Mér skilst að þetta frumvarp
byggi á því að nú sé jafnrétti náð
og því sé ástæða til að fella þetta
niður. Ég er algjörlega ósam-
mála því vegna þess að það er
svo fjarri því að jafnrétti sé náð.
Konur eru ennþá með miklu lægri
laun en karlar og hafa þar af leið-
andi miklu minni lífeyrissjóði og
annað upp á að hlaupa í sambandi
við orlof,“ segir Sigurlaug og bætir
við að rekstur á heimilum sé ennþá
að mestu í höndum kvenna.
„Hver hugsar um matinn á hátíð-
um til þess að öll fjölskyldan geti
haft það yndislegt? Það eru nátt-
úrulega yfirleitt húsmæðurn-
ar. Þær eiga það fyllilega skilið
að húsmæðraorlofið sé ekki fellt
niður.“ gar@frettabladid.is
Kvenfélög vilja verja
orlofsfé húsmæðra
Forseti Kvenfélagasambandsins segir húsmæðraorlof mikils virði fyrir konur
sem ekki eigi digra sjóði. Bæjarstjóri Hveragerðis segir orlofið tímaskekkju sem
brjóti gegn jafnrétti. En jafnrétti er einmitt ekki náð, segir kvenfélagaforsetinn.
SIGURLAUG VIBORG Rekstur á heimilum er enn að mestu leyti í höndum kvenna og
þær hafa lægri laun, segir forseti Kvenfélagasambands Íslands sem kveður alls ekki
rétt að jafnrétti sé náð og finnst að húsmæður eigi enn skilið að fá húsmæðraorlof.
FRÉTTABLAÐIÐ/ANTON
VIÐSKIPTI Stjórn Íslandsbanka hefur
ákveðið að knýja í þrot eignar-
haldsfélög í eigu níu núverandi
starfsmanna sinna sem fengu sam-
tals 4,2 milljarða að láni frá Glitni
fyrir hrun til að kaupa bréf í bank-
anum.
Stjórn Íslandsbanka sendi frá
sér tilkynningu um málið í gær. Í
henni segir að einkafélögin hafi öll
verið stofnuð fyrir tilstilli Glitn-
is og hafi verið hluti af hvata- og
tryggðarkerfi bankans. Stjórnin
beinir því nú til starfsmannanna
að félögin verði gefin upp til gjald-
þrotaskipta.
Fyrirkomulagið var kynnt
starfsmönnum árið 2008 sem
eins konar kaupréttur. Hlutabréf-
in sem félögin keyptu mátti ekki
selja næstu þrjú ár. Kaupin voru
tilkynnt til regluvarðar Glitnis og
samkvæmt upplýsingum stjórn-
arinnar var enginn arður greidd-
ur út úr félögunum. Fjárhagsleg-
ur ávinningu starfsmannanna var
því enginn.
„Stjórn Íslandsbanka telur þessa
tegund hvatakerfis gagnrýni-
verða,“ er haft eftir John E. Mack,
varaformanni stjórnar Íslands-
banka, í tilkynningunni. Niður-
staðan hafi þó ekki áhrif á störf
nímenninganna í bankanum. - sh
Íslandsbanki knýr í þrot félög starfsmanna sem fengu há lán til hlutabréfakaupa:
Hlutafélög starfsmanna í þrot
AF AÐALFUNDI ÍSLANDSBANKA Vara-
formaður stjórnar segir hvatakerfið hafa
verið gagnrýnivert. FRÉTTABLAÐIÐ / STEFÁN
PAKISTAN Minnst 80 manns létust og fjöldi særð-
ist í árás á tvær moskur Ahmati múslíma í borg-
inni Lahore í Pakistan í gær. Í gærkvöldi var ekki
vitað hverjir stóðu fyrir ódæðinu eða hversu marg-
ir árásar-mennirnir voru. Þeir beittu bæði hríð-
skotarifflum og handsprengjum áður en þrír þeirra
sprengdu sprengjur sem þeir báru innanklæða.
Samkvæmt fréttum BBC hafa Alþjóðlegu mann-
réttindasamtökin Human Rights Watch upplýsingar
um að árásin sé sprottin undan rifjum pakistanskra
talibana. Ahmati múslímar eru í miklum minnihluta
í landinu og sæta ofsóknum af hálfu bókstafstrú-
aðra múslíma sem saka þá um guðlast. Trúarhópn-
um var bannað að kalla sig múslíma af pakistönsk-
um stjórnvöldum árið 1973 og árið 1984 var bannið
lögfest.
BBC hefur eftir sjónarvottum að nokkrir árás-
armenn hafi gert árás úr turnum bænahúsanna á
sama tíma og aðrir héldu hópum fólks föngnum inn-
andyra. Skotbardagar brutust út þegar lögregla og
hermenn komu að byggingunum skömmu eftir að
árásin hófst.
Árásin í gær er ekki sú fyrsta gegn Ahmati mús-
límum í Pakistan. Um áratugaskeið hefur reglulega
verið ráðist gegn þeim en árásin í gær er sú langal-
varlegasta til þessa. - shá
Hryðjuverkamenn beittu handsprengjum og hríðskotarifflum gegn fólki á bæn:
Tugir myrtir í árás á moskur
LAHORE Í GÆR Almennir borgarar voru skelfingu lostnir eftir
blóðbaðið en árásin og skotbardagar stóðu klukkustundum
saman. NORDICPHOTOS/AFP
ÁSTRALÍA Áströlsk stjórnvöld
undirbúa málsókn gegn Japan
vegna hvalveiða þeirra í Suðurhöf-
um. Rökin fyrir málsókninni eru
að veiðarnar gangi gegn alþjóða-
banni við veiðum í atvinnuskyni
en Japanar halda því fram að um
vísindaveiðar sé að ræða. .
Þessi ákvörðun Ástrala er fram
komin vegna hugmynda innan
Alþjóða hvalveiðiráðsins um að
leyfa atvinnuveiðar með ströngum
skilyrðum, þvert á þá stefnu sem
hefur verið tekin á undanförnum
árum. Ástralir hyggjast leggja
fram kæru sína fyrir Alþjóðadóm-
stólnum í Haag í næstu viku. - shá
Hvalveiðar í Suðurhöfum:
Ástralir í mál
við Japana
HVALVEIÐAR Í SUÐURHÖFUM Japanar
hafa verið stórtækir í vísindaveiðum
sínum og eru gagnrýndir fyrir vikið.
NORDICPHOTOS/AFP
SAMFÉLAGSMÁL Rúmlega 300
konur sátu ráðstefnuna Tengsla-
net V - Völd til kvenna í háskólan-
um á Bifröst í gær.
Tvær formlega ályktan-
ir voru samþykktar á ráðstefn-
unni. Í þeirri fyrri var skorað á
stjórnvöld að útrýma fátækt á
Íslandi. Í þeirri síðari var hvatt
til að tekin yrði upp kennsla í
mannréttindum í grunnskólum
landsins og áhersla lögð á mikil-
vægi jafnréttis kynjanna.
Þá kom fram tillaga úr sal um
að ráðstefnan hvetti til þess að
boðinn yrði fram kvennalisti í
næstu Alþingiskosningum. Sú
tillaga var einnig samþykkt af
þorra kvenna í salnum.
Þetta er í fimmta sinn sem Dr.
Herdís Þorgeirsdóttir prófessor
á Bifröst gengst fyrir Tengsla-
netsráðstefnu sem í ár var haldin
undir yfirskriftinni Sinnaskipti,
samskipti & hugrekki. - ss
Konur á Tengslaneti V:
Vilja kvenna-
framboð næst
KOSNINGAR Kosningavaka Ríkis-
sjónvarpsins hefst klukkan tíu í
kvöld og er búist við því að fyrstu
tölur verði lesnar þá þegar. Gert
er ráð fyrir að þær komi úr Hafn-
arfirði, þá úr Kópavogi og svo
Reykjavík.
Evróvisjón söngvakeppninni
á að ljúka rétt um tíu en dragist
hún um einhverjar mínútur þurfa
aðdáendur ekki að hafa áhyggjur
af því að klippt verði á spennandi
atkvæðagreiðslu. Að sögn Sigríð-
ar Hagalín Björnsdóttur ritstjóra
kosningasjónvarps RÚV verður
fylgst með til enda ef Hera Björk
verður í toppbaráttunni.
Oddvitar framboðanna í
Reykjavík verða í viðtali í sjón-
varpssal um hálftólf og formenn
flokkanna um miðnæturbil. Aðrir
oddvitar verða teknir tali heima í
héraði. - sbt
Kosningavaka eftir Evróvisjón:
Fyrstu tölur úr
Hafnarfirði
DÓMSMÁL Refsing yfir manni sem
sló annan mann með glerglasi í
höfuðið með þeim afleiðingum
að skurður kom á slagæð, hefur
verið milduð í Hæstarétti.
Héraðsdómur dæmdi manninn
í sex mánaða fangelsi, þar af þrjá
á skilorði. Hæstiréttur skilorðs-
batt alla refsinguna, bæði með
vísan til þess að dregist hafði
um eitt ár að gefa úr ákæru, en
einkum í ljósi ungs aldurs brota-
mannsins. Hann var nítján ára
þegar brotið var framið. -jss
Refsingin var milduð:
Skar á slagæð
KOSNINGAR Veðmálasíðan Bets-
son telur líklegast að Jón Gnarr,
oddviti Besta flokksins, verði
næsti borgarstjóri í Reykjavík.
Jóni Gnarr er gefinn stuðullinn
2,35 en ekki fyrir svo löngu hafði
hann stuðulinn 10. Oddvitar
Sjálfstæðisflokks og Samfylkingar
eru taldir hafa jafna möguleika á
að hreppa hnossið með stuðulinn 4.
Betsson telur mun líklegra að
ópólitískur borgarstjóri verði
ráðinn af næsta meirihluta en að
Sóley Tómasdóttir gegni embætt-
inu. Sóley hefur stuðulinn 15. - shá
Stuðullin farinn úr 10 í 2.35:
Betsson telur að
Jón fái stólinn