Fréttablaðið - 29.05.2010, Blaðsíða 92

52 29. maí 2010 LAUGARDAGUR
menning@frettabladid.is
ath. á morgun kl. 16
Benedikt Erlingsson fjallar um
leikgerð sína á Íslandsklukkunni
á morgun í Gljúfrasteini. Íslands-
klukka Benedikts var frumsýnd 22.
apríl síðastliðinn. Benedikt mun
gefa tæknilega sýn inn í þá vinnu
sem leikhús og leikstjórar þurfa að
vinna til þess að koma skáldverki á
svið.
> Ekki missa af …
Stillum, ljósmyndasýningu
Báru Kristinsdóttur í sýn-
ingarsal Íslenskrar grafíkur
í Hafnarhúsinu, Miðbakka-
megin. Myndirnar eru teknar
í vetur og lýsa á óvenjulegan
hátt ótryggri ögurstund í lífi
borgar, lands og þjóðar. Síðasti
sýningardagur er á morgun.
Á morgun kemur ný súper-
grúppa fram í fyrsta sinn: Tríó
Sírajón. Í því eru Anna Áslaug
Ragnarsdóttir píanóleikari, Einar
Jóhannesson klarínettuleikari og
Laufey Sigurðardóttir fiðluleikari.
Tónleikarnir verða á tónlistar-
setrinu að Selalæk og flytur
tríóið verk eftir Jan Valhal, Wolf-
gang Amadeus Mozart, Frédéric
Chopin, Robert Schumann og Igor Stravinskí.
Anna Áslaug píanóleikari er í hópi fjölmargra
tónlistarmanna sem hófu tónlistarnám sitt á
Ísafirði en hún hefur starfað sem einleikari og
meðleikari bæði hér á landi og erlendis.
Einar Jóhannesson er leiðandi klarínettuleikari
Sinfóníuhljómsveitar Íslands. Hann hefur komið
fram sem einleikari eða meðleikari á fjölda
tónleika á Íslandi og erlendis og
er stofnfélagi Blásarakvintetts
Reykjavíkur. Þá er Einar félagi
í miðaldasönghópnum Voces
Thules og hefur auk þess stjórn-
að vinsælum útvarpsþáttum um
tónlist.
Laufey Sigurðardóttir fiðlu-
leikari hefur í mörg ár leikið í
Sinfóníuhljómsveit Íslands og
jafnframt verið ötul við flutning stofutónlistar
bæði innanlands og utan. Hún er listrænn
stjórnandi hinna árlegu tónlistarhátíða „Músík í
Mývatnssveit” og „Afmælisdagur Mozarts”.
Allt er þetta listafólk er rómað fyrir frábæra
smekkvísi og áhrifaríka túlkun. Miðapantanir í
símum 487 5512 og 864 5870. Kaffiveitingar
verða á tónleikunum.
Síra Jón sem tríó
TÓNLIST Einar, Anna og Laufey við
æfingar. MYND FRÉTTABLAÐIÐ
Hönnunarsafn Íslands var
opnað formlega í gær í nýju
og stærra húsnæði í Garða-
bænum með nýrri sýningu
sem kallast Úr hafi til hönn-
unar en sýningin spannar
mjög breitt svið hönnunar
með fiskleður, frá bæði inn-
lendum og erlendum hönn-
uðum.
Þar má sjá bæði roðskó frá fyrri
tíð, fiskleðurshönnun íslenskra
hönnuða nútímans sem og
hátískuhönnun frá heimsþekktum
hönnuðum á borð við Karl Lag-
erfeld, Christian Dior og Donnu
Karan. Að auki verður sýnt úrval
gripa úr safneign safnsins, en
Hönnunarsafn Íslands verður 12
ára á árinu.
Hönnunarsafn Íslands hefur
fengið aðstöðu í stórum hluta
gamla Hagkaupshússins við
Garðatorg og hefur nú til umráða
yfir 500 fermetra rými fyrir
safnið auk um 1.000 m² geymslu-
rýmis fyrir safngripi. Sýninga-
svæði safnsins er á efri hæð
hússins, það er stórt og bjart til
sýningahalds, alls tæpir 400 m²
en inngangur, anddyri, kaffiveit-
ingar, barnakrókur og verslunin
Kraum eru staðsett á neðri hæð.
Arkitektastofan Kanon hefur séð
um teikningu og hönnun á nýja
safninu og er framkvæmdum að
ljúka.
„Úr hafi til hönnunar“ sýnir
hvernig roðið sem hráefni er nýtt
nú og fyrr. Íslenskir og erlendir
hönnuðir og listhandverksfólk
nota það í nokkuð ríkum mæli.
Roðið, eða fiskleðrið eins og farið
er að kalla roðið, þegar búið er
að súta það, er feiknarsterkt. Það
er þunnt og þjált og hægt að lita
í ótal afbrigðum og velja á það
ólíkar áferðir. Á sýningunni er
sýndur vinnsluferill hráefnisins
í sútunarverksmiðju Sjávarleð-
urs á Sauðárkróki ásamt því að
sýndir eru valdir munir sem end-
urspegla fjölbreytileika efnisins
og möguleika þess.
Elstu hlutirnir á sýningunni
eru roðskór úr hlýra og stein-
bítsroði sem minna á að roðið var
ekki aðeins borðað fyrr á tíðum
heldur einnig þurrkað og snið-
ið í skó. Steinbítsroð mátti nota
til bókbands og á sýningunni má
einnig sjá húsgögn með þessu
slitsterka áklæði.
Nytjahlutir svo sem skálar
og púðar hafa verið áberandi í
íslensku handverki og skór eftir
íslenska og erlenda skóhönn-
uði endurspegla þá staðreynd að
fiskleður er sterkt og endingar-
gott. Fatnaður eftir íslenska og
erlenda hönnuði er einnig sýnd-
ur og má þar sjá bæði klass-
ísk snið og djarfa meðhöndl-
un á leðrinu. Meðal þeirra sem
eiga hluti á sýningunni: Nikita,
Farmer‘s Market, STEiNUNN,
Arndís Jóhannsdóttir, Anna
Gunnarsdóttir, María K. Magn-
ús, Dýrfinna Torfadóttir, Helga
Mogensen, Sruli Recht, Donna
Karan, Christian Dior, Salvatore
Ferragamo, Kobenhagen Fur,
Eggert Feldskeri, Ecco, Nike.
Hönnunarsafn Íslands var
stofnað í lok árs 1998. Það er
rekið af Garðabæ samkvæmt
samningi bæjarfélagsins við
Menntamálaráðuneytið. Í safninu
er lögð áhersla á að safna, rann-
saka og miðla íslenskri hönnun og
handverki frá aldamótunum 1900
til dagsins í dag. Safnið er hið
eina sinnar tegundar á Íslandi og
á vegum þess hafa verið haldn-
ar sýningar á íslenskri og alþjóð-
legri hönnun. Safneign safnsins
samanstendur nú af um 1.000
munum og eru íslensk húsgögn
meginhluti safneignarinnar.
Safnið á að auki töluvert af hlut-
um úr öðrum greinum hönnun-
ar og handverks, svo sem leir-
og glermuni, fatnað og grafíska
hönnun. Forstöðumaður safnsins
er Harpa Þórsdóttir.
pbb@frettabladid.is
Hönnunarsafnið
opnar sem nýtt
HÖNNUN Um miðjan dag á miðvikudag var allt á fullu við frágang opnunarsýningar
Hönnunarsafns Íslands við Garðatorg en forstöðumaður þess er Harpa Þórsdóttir.
Safnið var svo opnað með viðhöfn í gær. FRÉTTABLAÐIÐ/STEFÁN.
Fást í öllum
bókaverslunum
Lafleur útgáfan • 659 3313☎
Þjóðhetjan Eva Joly
- bjargar Íslandi!
Vinsælasti poppari sögunnar
- slær fl eiri en eitt heimsmet!
HINN SVALI BLÆR
– greinasafn –
Benedikt S. Lafleur
Andleg bylting - Hér og Nú!
Ódauðleg músík Mozarts
- bjargar mannslífum!
Stórlækkað verð!