Fréttablaðið - 29.05.2010, Blaðsíða 104

64 29. maí 2010 LAUGARDAGUR
sport@frettabladid.is
13 DAGAR Í HM
HANDBOLTI Ísland og Andorra mæt-
ast í vináttulandsleik á Laugar-
dalsvellinum í dag. Það liggur
ljóst fyrir að Ólafur Jóhannesson
landsliðsþjálfari mun stilla upp
ungu liði en margir af leikreynd-
ari landsliðsmönnum Íslands eru
fjarverandi í dag.
„Ég er að leita að 20-30 manna
hópi til að fara með mér í næstu
undankeppni. Í þessum leik fá
strákarnir nú tækifæri til að sýna
og sanna að þeir eigi heima í þeim
hópi,“ sagði Ólafur í samtali við
Fréttablaðið í gær.
Alls eru níu af nítján leikmönn-
um sem verða í landsliðshópnum í
dag enn gjaldgengir í u-21 lands-
lið Íslands. Sá tíundi, Aron Einar
Gunnarsson, meiddist á æfingu í
fyrradag og verður því ekki með
í dag. Þess fyrir utan eru margir
leikmenn með liðinu nú sem eiga
ekki marga landsleiki að baki.
„Þessir leikmenn hafa spilað í
yngri landsliðum Íslands og staðið
sig vel með sínum félagsliðum. Ég
fæ ekki betur séð að þeir bíði nú
eftir tækifærinu að fá að spila með
A-landsliðinu og ég sé á þeim að
þeir eru mjög spenntir fyrir þessu
tækifæri,“ segir Ólafur.
Hann á von á því að allir leik-
menn fái tækifæri í leiknum á
morgun en þetta er aðeins tveggja
vináttulandsleikja sem eru á dag-
skrá áður en undankeppni EM 2012
hefst í haust. Ólafur segist vera
byrjaður að hugsa um þá keppni.
„Í síðustu undankeppni bjó ég
mér til kjarna leikmanna sem
fylgdu mér í gegnum keppnina. Ég
mun gera það sama nú. Auðvitað
verða þó alltaf einhverjar breyt-
ingar milli leikja eins og gengur
og gerist en ég á von á því að það
verði fleiri ungir strákar í kring-
um landsliðið en verið hefur.“
Landslið Andorra er ekki hátt
skrifað í knattspyrnuheiminum og
hefur Ólafur hagað undirbúningi
liðsins í samræmi við það.
„Oft hefur okkur gengið illa að
stjórna leikjum gegn andstæðingi
sem við eigum að vinna. En ég veit
að leikmenn Andorra eru gróf-
ir og við þurfum að mæta þeim á
því sviði og taka vel á móti þeim í
upphafi leiks. Við þurfum að sýna
þeim klærnar. Við ætlum líka að
setja á þá háa bolta og setja þá
undir pressu. Svo mun okkur gef-
ast tími til að taka boltann niður og
spila honum enda margir af okkar
leikmönnum mjög góðir á bolta,“
segir Ólafur.
Hann hvetur einnig áhorfendur
til að fjölmenna á völlinn á morg-
un. „Ég veit að það er stór dagur
á morgun, kosningar, Eurovision
og svo er Addi vinur minn sex-
tugur,“ segir hann og hlær. „En
þetta er frábært tækifæri til að sjá
þessa ungu stráka spila saman og
ég get lofað því að margir þeirra
verða fastamenn í landsliðinu eftir
ákveðinn tíma og um ókomin ár.“
eirikur@frettabladid.is
SÝNDI GAMLA TAKTA Ólafur Jóhannesson sýndi ungu landsliðsstrákunum að hann kann enn sitthvað fyrir sér í boltanum á
æfingu landsliðsins í gær. FRÉTTABLAÐIÐ/VALLI
Ungir fá nú tækifæri til að sanna sig
Ísland mætir í dag Andorra á Laugardalsvellinum. Ólafur Jóhannesson landsliðsþjálfari mun stilla upp
ungu liði í dag en hann segir leikinn mikilvægan þátt í undirbúningi liðsins fyrir undankeppni EM 2012.
FÓTBOLTI Að öllu óbreyttu verður Ólafur Örn
Bjarnason ráðinn þjálfari Grindavíkur í dag.
Samkvæmt heimildum Fréttablaðsins hefur
Grindavík náð samkomulagi við Brann, félag
Ólafs Arnar í Noregi í flestum aðalatriðum og
líklegt er að hægt verði að ganga frá ráðn-
ingu Ólafs Arnar í dag.
„Ég veit hver staðan er í Grindavík og
hvað hefur verið að gerast þar síðustu
daga,“ sagði Ólafur Örn í samtali við
Fréttablaðið í gær. Samningur hans
við Brann rennur út að tímabilinu
loknu og áætlaði hann að koma
aftur til Íslands þá. Nú er útlit
fyrir að heimkoman verði fyrr
en áætlað var.
Ólafur Örn mun einn-
ig spila með Grindavík en
hann mun ekki fá leik-
heimild með liðinu fyrr
en 15. júlí, í fyrsta lagi,
þegar félagaskiptaglugg-
inn opnast. Það gæti þó
tafist eitthvað þar sem
félagaskiptaglugginn í Nor-
egi opnast ekki fyrr en 1. ágúst. Þá er ekki
ólíklegt að Ólafur Örn spili einn leik til viðbót-
ar með Brann, gegn Álasundi um næstu helgi.
Eftir það er gert hlé á norsku úrvalsdeildinni
í mánuð.
Grindavík er nú í neðsta sæti Pepsi-deildar
karla og er enn stigalaust eftir fyrstu fjórar
umferðirnar. Liðið hefur aðeins skorað eitt
mark í þessum fjórum leikjum en fengið á sig
níu.
Stjórn knattspyrnudeildar Grindavík-
ur ákvað því á miðvikudaginn að reka
Lúkas Kostic, þjálfara liðsins, en hann
tók við liðinu af Milan Stefán Jankovic
sem hætti eftir aðeins þrjá leiki á síð-
asta tímabili.
Þetta er í fjórða sinn á síðustu sex
árum sem Grindvíkingar skipta um
þjálfara á miðju tímabili.
Ólafur Örn hefur verið á mála hjá
Brann síðan 2004 en þar áður lék
hann með Grindavík og Malmö í
Svíþjóð. Alls á hann að baki 123
leiki með Grindavík í efstu deild
og hefur hann skorað í þeim átján
mörk. Hann hefur þar að auki leik-
ið 27 leiki með íslenska landsliðinu
á ferlinum. Ólafur Örn varð norsk-
ur meistari með Brann árið 2007 og
hefur verið í lykilhlutverki með lið-
inu undanfarin ár. - esá
Grindvíkingar að ganga frá ráðningu eftirmanns Lúkasar Kostic:
Ólafur Örn tekur líklega við í dag
ÓLAFUR ÖRN
Á leið aftur til Grindavíkur.
NORDIC PHOTOS/AFP
HANDBOLTI Róbert Gunnarsson
varð í fyrrakvöld fyrsti íslenski
handboltamaðurinn til þess að
vera fyrirliði Evrópumeistaraliðs
þegar hann leiddi lið Gummers-
bach til sigurs í Evrópukeppni
bikarhafa.
Gummersbach vann titilinn
þrátt fyrir 33-37 tap í seinni
leiknum á móti spænska liðinu
Granollers en liðið vann fyrri
leikinn 34-25 í Þýskalandi.
Róbert skoraði 5 mörk í seinni
leiknum en hann varð þarna Evr-
ópumeistari annað árið í röð með
félaginu þar sem Gummersbach
vann EHF-bikarinn í fyrra.
Íslenskir handboltamenn hafa
verið einstaklega sigursælir í
Evrópukeppnum undanfarin ár
því Íslendingar hafa alls unnið
átta Evrópumeistaratitla á
undanförnum fimm árum.
Þegar er orðið öruggt að það
bætist við Evrópugull um helgina
þegar Lemgo og Kadetten mætast
í úrslitaleik EHF-bikarsins en
þar spilar Vignir Svavarsson með
Lemgo og Björgvin Páll Gúst-
avsson með Kadetten. Þá geta
Alfreð Gíslason og Aron Pálm-
arsson líka unnið Meistaradeild-
ina með Kiel um helgina en Kiel
mætir Ciudad Real í undanúrslit-
unum í Köln í dag og úrslitaleik-
urinn er síðan á morgun. - óój
Róbert Evrópumeistari:
Átta íslenskir
titlar á 5 árum
RÓBERT GUNNARSSON Fyrirliði Evrópu-
meistara Gummersbach. MYND/GETTY IMAGES
Ítalski markvörðurinn Walter Zenga setti met á HM 1990
á Ítalíu sem enginn hefur slegið síðan. Zenga hélt þá marki
sínu hreinu frá fyrsta leik fram í undanúrslitaleikinn á móti
Argentínu eða alls í 517 mínútur. Argentínumaður-
inn Claudio Caniggia varð fyrstur til að skora hjá
honum þegar hann tryggði Argentínu framleng-
ingu með jöfnunarmarki 23
mínútum fyrir leikslok. Argentína
komst síðan í úrslitaleikinn eftir
sigur í vítakeppni.
Þýska liðið Lemgo heimsækir Kadetten í Sviss í dag í öðrum
úrslitaleik félaganna um EHF-bikarmeistaratitilinn. Logi Geirsson
og Vignir Svavarsson leika með Lemgo en Björgvin Páll
Gústavsson með Kadetten. Lemgo vann fyrri leikinn
24-18. „Við byrjuðum hræðilega og töpuðum þessu á
fyrstu 17 mínútunum þar sem við skoruðum bara tvö
mörk,“ segir Björgvin sem varði þó 20 skot í leikn-
um. „Við skutum mjög illa á markið. Kannski var það
reynsluleysið sem kom í ljós, kannski stress hjá þeim yngri í
liðinu. En þetta er ekkert sem við getum vælt yfir.“ Hann segir
leikinn í dag verðugt verkefni. „Það er jákvætt að vandamálið hafi
legið í sókninni. Við þurfum bara að spila okkar bolta í leiknum
og ekki vera að horfa neitt á töfluna. Þetta er rosalegt verkefni en
við höfum klárað þau öll hingað til. Við töpuðum með einu fyrir
Flensburg úti en unnum svo með þremur heima, svo töpuðum
við með fimm fyrir Göppingen en unnum með fimm heima,“
segir Björgvin og nefnir að heimavöllurinn sé mjög sterkur.
„Við höfum ekki tapað á heimavelli í vetur, hann er frábær þegar við
erum með fullan kofa. Það segi ég í bókstaflegri merkingu þar sem
húsið er hálfgerður kofi,“ sagði markmaðurinn. Íslendingarnir voru að
fara að fá sér kaffi saman þegar Fréttablaðið ræddi við Björgvin í gær,
eftir síðustu æfingu hans á tímabilinu.
„Líkaminn minn er eiginlega alveg búinn eftir tímabilið.
Þessi vika hefur verið mjög erfið og við höfum verið að
spila þétt undanfarið. En við keyrum okkur út í þessum
leik og svo fáum við smá frí. Ég ætla að vera í viku í fríi áður
en ég hitti landsliðið,“ segir Björgvin sem er bjartsýnn fyrir
leikinn.
„Þetta verður stór dagur. Það er fyrir öllu að vinna leikinn en
pressan er samt ekki á okkur. Það óraði engan fyrir því að við
gætum náð svona langt. Við erum stoltir af árangrinum og við
höfum engu að tapa,“ sagði Björgvin Páll. Úrslitaleikurinn hefst
klukkan 12.10 að íslenskum tíma og verður sýndur beint á
vefsíðunni SportTv.is
ÍSLENDINGUR VERÐUR EVRÓPUMEISTARI Í DAG: BJÖRGVIN PÁLL HJÁ KADETTEN MÆTIR LOGA OG VIGNI Í LEMGO
Keyrum okkur út í síðasta leik tímabilsins
SUND Karlalið SH og kvennalið
Ægis eru í efsta sæti eftir fyrri
dag í Bikarkeppni SSÍ í Vatnaver-
öld í Reykjanesbæ.
Ægiskonur hafa 335 stiga for-
skot á heimastúlkur í ÍRB en í
3. sætinu er lið ÍA. Ragnheiður
Ragnarsdóttir úr KR átti stiga-
hæsta sund fyrri hlutans.
Karlalið SH er með 283 stiga
forskot á Ægi en í 3 sætinu eru
heimamenn í ÍRB. Davíð Hildi-
berg Aðalsteinsson úr ÍRB átti
stigahæsta sund karla. Bikar-
keppnin klárast í dag. - óój
Fyrri dagur bikarkeppni SSÍ:
SH-karlar og
Ægiskonur efst
RAGNHEIÐUR RAGNARSDÓTTIR Átti
besta sund gærdagsins. FRÉTTABLAÐIÐ/STEFÁN