Fréttablaðið - 01.06.2010, Blaðsíða 14

14 1. júní 2010 ÞRIÐJUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
MENNING: Páll Baldvin Baldvinsson fulltrúi ritstjóra pbb@frettabladid.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
HALLDÓR
Uppköst og dramatík eru gjarnan þema unglingasamkvæma þar sem áfengi er
haft um hönd. Ósjaldan gerist það að ungl-
ingur sem hefur drukkið meira en hann
ræður við, verður veikur og þarf að kasta
upp. Eins er ekki óalgengt að undir áhrifum
áfengis eigi dramatík í tengslum við ásta-
málin það til að ná hæstu hæðum. Skemmt-
analýsingar af þessu tagi eru vissulega ekki
einskorðaðar við unglinga. Fullorðnir eru
oft ekki barnanna bestir í þessum efnum.
Í unglingasamkvæmum þar sem krakk-
arnir eru að drekka áfengi tekur sá sem
ekki neytir áfengis gjarnan að sér að hjálpa
félögum sínum sem drukkið hafa meira
en góðu hófi gegnir. Hjálpin felst í því að
styðja og hugga grátandi vini, róa þá sem
eru æstir eða reiðir, nú eða halda hári frá
andliti þeirra sem þurfa að kasta upp.
Í umræðu um málefni unglinga og for-
varnir er of sjaldan minnst á þennan hóp.
Um er að ræða einstaklinga sem hafa með-
vitað ákveðið að áfengi skuli ekki vera hluti
af þeirra lífsstíl og gildir þá einu hvort það
sé núna, í framtíðinni eða þegar þeir verða
löggildir áfengiskaupendur.
Það er mikið álag að vera í sporum þeirra
unglinga sem vilja standast hópþrýsting
en óttast á sama tíma að vera hafnað af
hópnum ef ákvörðun þeirra um áfengis-
laust líferni gengur gegn meirihlutanum.
Mæti þeir ekki í partý óttast þeir að félags-
leg staða þeirra kunni að komast í uppnám.
Þeir vilja vera með en upplifa sig, eðli máls-
ins samkvæmt, vera utanveltu. Að taka að
sér hlutverk huggarans, sáttasemjarans og
aðstoðarmanns er því skárri kostur en að
sitja heima og finnast maður einmana og
vinalaus.
Huga þarf betur að þessum hópi því
margir eiga í baráttu við sjálfan sig og
umhverfið. Samfélagið getur stutt betur við
bakið á þeim til dæmis með því að minnast
oftar á þau í almennri umræðu, hvetja þau
til að halda ótrauð sínu striki og einnig að
hvetja aðra unglinga til að taka þau sér til
fyrirmyndar.
Uppköst og dramatík
Unglinga-
drykkja
Kolbrún
Baldursdóttir
sálfræðingur og
sérfræðingur í
klínískri sálfræði
Hjálpin felst í
því að styðja og
hugga grátandi
vini.
Lítil framsókn
Endurnýjun Framsóknarflokksins í
fyrra hefur ekki hleypt því lífi í fylgi
flokksins sem vonast var til.
Guðmundur Steingrímsson,
þingmaður flokksins, segir
að forysta flokksins eigi að
taka úrslitin til sín og hugsa
sinn gang. Sumir telja að
þarna sé Guðmundur farinn
að leggja drögin að enn meiri
endurnýjun innan flokksins og
renni hýru auga til formann-
sembættisins. Eins og
kunnugt er voru bæði
faðir og afi Guðmundar
formenn Framsóknar-
flokksins.
Uppfærð útgáfa
Þetta gæti komið sér vel fyrir Fram-
sóknarflokkinn sem hefur lengi
glímt við þann ímyndarvanda
að þykja of gamaldags. Það
ætti að minnsta kosti að
höfða til yngri kjósenda að
bjóða upp á þriðju kynslóð-
arútgáfu af flokknum
– Framsókn 3G.
Til of mikils ætlast?
Dagur B. Eggertsson segir að sigur
Besta flokksins í borgarstjórnarkosn-
ingum sé fyrst og fremst krafa
um breytingar. Þá kröfu beri að
virða. Hanna Birna Kristjánsdóttir
tekur í svipaðan streng. Í borg-
arstjórnarflokki Samfylkingar og
Sjálfstæðisflokks urðu hins
vegar engar breytingar;
enginn nýr fulltrúi tekur
sæti í borgarstjórn fyrir
þeirra hönd. Hversu
vel eru alls óbreyttir
flokkar í stakk búnir
til að svara ákalli um
breytingar?
bergsteinn@frettabladid.isS
amtök ungra bænda birtu dálítið sláandi auglýsingar í blöð-
unum á föstudaginn. Mynd af brynvörðum fallbyssubíl með
eftirfarandi fyrirsögn: „Við viljum ekki senda afkomend-
ur okkar í Evrópusambandsherinn.“ Lesendur, sem gengu
kannski út frá því að höfundar auglýsingarinnar vissu um
hvað þeir væru að tala, hefðu getað ætlað að í fyrsta lagi væri til
eitthvað sem héti Evrópusambandsherinn, og í öðru lagi að gangi
Ísland í ESB, verði ungt fólk skyldað í hann.
En auglýsendurnir vita augljóslega ekki um hvað þeir eru að tala.
Evrópusambandið hefur engan sameiginlegan her. Sambandið hefur
á sínum snærum hraðsveitir, samansettar úr herjum aðildarríkja
sem vilja leggja þeim lið. Sveitunum er ætlað að stilla til friðar
á ófriðarsvæðum, og hafa sinnt
friðargæzlu í nokkrum löndum.
Sumir stjórnmálamenn í ESB hafa
áhuga á að auka þetta samstarf.
En ESB-her er ákaflega fjarlægt
stefnumið og raunar ólíklegt að
aðildarríkin nái nokkurn tímann
um það samstöðu.
Það truflar ekki Samtök ungra
bænda. Formaður þeirra, Haukur Helgi Hauksson, sagði hér í blað-
inu á laugardag að þetta væri eitt af því, sem þyrfti að ræða þegar
fjallað væri um aðild Íslands að ESB. Þó að nú væri stefnt á ákveðið
fyrirkomulag segði það ekki til um hvað gerðist í framtíðinni!
Þetta er eins og að splæsa í auglýsingu um að Samtök ungra
bænda vilji alls ekki láta flytja íslenzku þjóðina á Jótlandsheiðar
– svona af því að ekki er hægt að útiloka að sú hugmynd komi upp
aftur í framtíðinni.
Í viðtali við RÚV sagði Helgi Haukur: „Við þurfum væntanlega
við aðild að Evrópusambandinu að undirgangast þessa svokölluðu
common security and defense policy væntanlega eins og aðrar
stefnur Evrópusambandsins. Það náttúrulega gerir það að verkum
að við verðum ekki lengur herlaus þjóð eins og við höfum verið.“
Þessi ummæli opinbera svo yfirgripsmikið þekkingarleysi að
erfitt er að vita hvar á að byrja að leiðrétta bullið. Ísland myndi
vissulega undirgangast utanríkis- og öryggismálastefnu ESB við
aðild – og ætti ekki í neinum vandræðum með það. Ísland á nú þegar
umtalsvert samstarf við ESB á grundvelli stefnunnar, án þess að
örlað hafi á hugmyndum um íslenzkan her. ESB-aðild hefur ekk-
ert slíkt í för með sér, eins og hefur alla tíð legið skýrt fyrir, ekki
frekar en vera Íslands í hernaðarbandalaginu NATO í sex áratugi.
Verði Ísland aðildarríki ESB, ræður það því eftir sem áður sjálft
hvort það hefur her.
Við þetta má svo bæta því, sem ungum bændum er hugsanlega
ekki kunnugt, að aðeins sjö af 27 ríkjum ESB hafa herskyldu – það
er sömuleiðis aðildarríkjunum í sjálfsvald sett.
Ungir bændur hljóta að hafa skárri rök fyrir andstöðu sinni við
aðild að ESB en svona bull. Vonandi eru auglýsingarnar þeirra ekki
fyrirboði um það, sem koma skal í umræðum um aðildarumsókn
Íslands. Sú umræða verður að byggjast á staðreyndum og þekkingu,
ekki langsóttum framtíðarskáldskap.
Auglýsingar ungra bænda eru vonandi ekki
fyrirboði þess sem koma skal í ESB-umræðunni:
Yfirgripsmikið
þekkingarleysi
Ólafur Þ.
Stephensen
olafur@frettabladid.is
SKOÐUN
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871