Fréttablaðið - 01.06.2010, Blaðsíða 15
ÞRIÐJUDAGUR 1. júní 2010 15
Getur Samfylkingin lært?
Viðbrögð Jóhönnu Sigurðardóttur við óförum flokkanna í
kosningunum voru þau einu í tengslum við veruleikann.
Úti að aka voru Steingrímur J. Sigfússon, Bjarni Bene-
diktsson og Sigmundur Davíð Gunnlaugsson. Mér sýnist
af bloggi og fésbók, að kjósendur Samfylkingarinnar
læri meira af úrslitunum en kjósendur annarra flokka.
Kannski leiðir það til samstarfs um meirihluta í Reykjavík.
Samfylkingin getur náð aftur sambandi við þjóðina. Þá
þarf hún að losa sig úr Evrópuferðinni, stuðla að sönnu
stjórnlagaþingi, vernda auðlindirnar og afneita Blair-isma
græðginnar. Hinir flokkarnir neita að viðurkenna ósigur.
jonas.is
Jónas Kristjánsson
Fjórflokkurinn er veruleiki
Þetta er semsagt mjög lífseigt kerfi, lifði til dæmis af
alþingiskosningarnar sem voru stuttu eftir hrunið. Sumir
stjórnmálafræðingar hafa jafnvel talað eins og það sé
inngróið inn í erfðaefni þjóðarinnar. En kosningunum í
gær kom fram stærsta ögrun sem þetta kerfi hefur orðið
fyrir – og það náttúrlega vel hugsanlegt að það kunni að
endurtaka sig í þingkosningum. Að þá geti nýtt fram-
boðsafl kollvarpað kerfinu. Kosningarnar í gær sýna að
það er hægt – þess vegna eru þær svo mikil ógnun við
fjórflokkakerfið.
silfuregils.eyjan.is
Egill Helgason
Eins og ósmalaðir kettir
í kringum heitan graut
Þegar úrslit sveitarstjórnarkosn-inga liggja fyrir er það hefð-
bundið að allir formenn flokka á
Íslandi eru ánægðir með úrslitin.
Þeir finna alltaf einhver sveitarfé-
lög þar sem flokkum þeirra gekk
vel þó þeim hafi gengið mjög illa
á einhverjum mjög mikilvægum
stöðum. Þannig fór nú.
All ir f lokksformennirnir
reyndu að berja í brestina. Sjálf-
stæðisflokkurinn er ánægður að
vonum með að hafa fest eða jafn-
vel endurheimt meirihluta víða,
en talar þá ekki í sama orðinu um
að flokkurinn sé minni í Reykja-
vík í borgarstjórnarkosningum en
nokkru sinni fyrr og að hafa tapað
margra áratuga gömlum meiri-
hlutum á nokkrum stöðum. Fram-
sóknarflokkurinn getur á sama
hátt bent á sveitarfélög þar sem
vel gekk, en sleppir því að benda
á þann veruleika að Framsóknar-
flokkurinn beið afhroð á þéttbýl-
issvæðinu. Samfylkingin bendir
á að hafa unnið góðan kosninga-
sigur á Akranesi en ræðir ekki
í sama orðinu um að hafa tapað
meirihlutanum í Hafnarfirði sem
hefur verið flaggskip Samfylking-
arinnar. Vinstri grænir geta afar
vel við unað víða; festu fylgi sitt
og bættu við og hafa lykilstöðu í
mörgum bæjarfélögum eins og í
Hafnarfirði sem í þessum kosn-
ingum verður eitt sterkasta vígi
Vinstri grænna á höfuðborgar-
svæðinu. Öðru vísi mér áður brá
– VG hafði um 2% í Hafnarfirði
2002! En VG menn nefna hvorki
Reykjavík né Akureyri til marks
um staði þar sem vel gekk; það var
nú eitthvað annað.
En viðbrögð flokksformannanna
voru afar hefðbundin. Og þó: Ekki
Jóhönnu: Hún sagði: Endalok fjór-
flokksins. Hvað þýðir það? Vill
hún fimmflokk eða vill hún þrí-
flokk? Af því er gömul reynsla
sem við Jóhanna höfum bæði að
ákvarðanir ofan frá um að jarða
fjórflokkinn hafa yfirleitt mistek-
ist. Það er af því að fjórflokkurinn
er ekki til sem stofnun. En stund-
um tekst öðrum að halda því fram
að það sé sami rassinn undir þeim
öllum. Það er sérstaklega auðvelt
í sveitarstjórnum þar sem munur-
inn á flokkunum sést illa.
En það jákvæða við ummæli
Jóhönnu á kosninganótt var það að
hún opnaði fyrir umræðu. Flokk-
arnir þurfa nú að fara í gegnum
umræðu. Viðbrögð Sjálfstæðis-
flokksins sýna að hann ætlar ekki
í gegnum umræðu; Sjálfstæðis-
flokkurinn er fullkominn sem fyrr
að eigin mati. Formaður Fram-
sóknarflokksins er sáttur við nið-
urstöðuna en Guðmundur Stein-
grímsson opnaði fyrir endurmat:
Flokksremban er ekki rétt svar við
vandanum, sagði Guðmundur. En
það var einmitt það sem Jóhanna
átti við, er það ekki? Nú þarf að
skoða málin alvarlega, ekki endur-
meta stefnumálin endilega, held-
ur koma þeim skýrt á framfæri.
Vandi flokkanna í þessum kosning-
um var sá að þeir voru svo hrædd-
ir við Besta flokkinn að þeir þorðu
ekki að tala um málefni, fóru eins
og ósmalaðir kettir í kringum heit-
an graut. Kosningar eiga að snúast
um málefni. Flokkarnir settu mál-
efnin ekki á dagskrá eins skýrt og
þeim ber skylda til.
Stjórnmál
Svavar
Gestsson
fyrrverandi formaður
Alþýðubandalagsins
Vandi flokkanna í þessum kosning-
um var sá að þeir voru svo hræddir
við Besta flokkinn að þeir þorðu
ekki að tala um málefni, fóru eins og
ósmalaðir kettir í kringum heitan graut.
AF NETINU
MEKATRÓNÍK
Mekatróník tæknifræði er háskólanám og boðið er upp á námið í samstarfi við
Háskóla Íslands, sem útskrifar nemendur skólans. Nám til mekatróník tæknifræðings
hjá Keili tekur tæp þrjú ár og hægt er að klára B.Sc. gráðu á tveimur árum. Kennsla
og verklegar æfingar fara fram í fyrsta flokks aðstöðu í nýuppgerðum kennslustofum
Keilis á Ásbrú. Aðstaða til náms og rannsókna er með því sem best gerist hér á landi.
Námið er lánshæft hjá LÍN.
Nánari upplýsingar á keilir.net
ÁSBRÚ - SÍMI: 578 40 00 - WWW.KEILIR.NET
Mekatróník tæknifræði
Skemmtilegt og hagnýtt háskólanám
þar sem þú færð að þróa og smíða
tæknilausnir framtíðarinnar
Umsóknarfrestur
er til 7. júní 2010.
JARÐHITI OG ÍSLENSKI
ORKUIÐNAÐURINN
Starfsemi Magma á Íslandi
Á fundinum fjalla Ásgeir Margeirsson og Andrea Zaradic
um starfsemi Magma á Íslandi, nýtingu jarðhita og
möguleika íslensks orkuiðnaðar í alþjóðlegu samfélagi.
Fundurinn fer fram á ensku og gefst tími til spurninga og
umræðna að loknum fyrirlestrunum.
DAGSKRÁ:
Ásgeir Margeirsson, forstjóri Magma á Íslandi
Andrea Zaradic, framkvæmdastjóri rekstrar og þróunar
Magma Energy Corporation
Almennar umræður
Fundarstjóri er Gunnar Guðni Tómasson,
forseti tækni- og verkfræðideildar HR
ALLIR VELKOMNIR!
Opinn hádegisfundur verður haldinn
miðvikudaginn 2. júní kl. 12:00 – 13:00
í Háskólanum í Reykjavík, Nauthólsvík, Antares.
Auglýsingasími
Allt sem þú þarft…