Fréttablaðið - 03.06.2010, Blaðsíða 18

18 3. júní 2010 FIMMTUDAGUR
hagur heimilanna
3.000
2.000
1.000
0
Bló
m
av
al
Ga
rðh
eim
ar
Gr
óð
rar
st.
M
örk
Gr
óð
rar
st.
St
orð
2.
21
3
kr
2.
57
8
kr
2.
23
6
kr
2.
15
0
kr
Samanlagt verð einnar einingar af fimm
ólíkum tegundum blóma ef miðað er við
hagstæðustu tilboð.
Verð á sumarblómum
„Einu sinni fór ég að skoða herbergi
þegar ég bjó í London, og fór með
súkkulaðiköku með
mér. Mér var lofað
herberginu ef ég
lofaði að baka köku
að minnsta kosti
einu sinni í mánuði,
og það gerði ég.“
Meðleigjendurnir
báðu hana um
uppskriftina, sem var frekar venjuleg.
„Fyrir utan að ég notaði kaffi í stað
smjörlíkis bæði í kökuna og kremið.
Þá hélst kakan saman, hún var ekki
jafn fitandi og hún var bragðmeiri.”
HÚSRÁÐ
NOTAR KAFFI Í KÖKUR
■ Lovísa Arnardóttir verkefnastjóri
hjá Rauða krossinum.
Útgjöldin
> Verð á einu vínarbrauði
Heimild: Hagstofa Íslands
Neytendasamtökin segja á vefsíðu sinni frá nýjasta útspili sms-lánafyrirtækisins
Kredia. Fyrirtækið sendir auglýsingu í lokuðu umslagi til 18 ára ungmenna með
áletruninni Leyndó. Auglýsingin lýsir því hvers neyðarlegt það getur verið að
vera auralaus ef maður hefur boðið einhverjum á stefnumót. Samtökin vara við
starfseminni líkt og þau hafa gert áður. „Markaðssetningin er ágeng og virðist
frekar beinast að veikum hópi neytenda sem auðvelt er að freista. Rannsóknar-
skýrslan er nýkomin út og í siðfræðikafla skýrslunnar er m.a. fjallað um ágenga
markaðssetningu á lánum. Það hversu skuldsett heimilin í raun voru þegar
hrunið varð gerir endurreisnina mun erfiðari en annars. Að lánafyrirtæki skuli
markaðssetja rándýr skammtímalán svona grimmt, svona stutt eftir hrunið er
sláandi,“ segir í pistli samtakanna.
■ Neytendasamtökin vara enn við smálánastarfsemi
Með hækkandi sól og vori
í lofti fara garðeigendur
að hugsa til þess að fegra
garða sína. Það hefur færst
í vöxt síðustu ár að einær-
um sumarblómum sé komið
fyrir í görðum landsmanna
en sumarblóm setja oft mik-
inn svip á umhverfi sitt.
„Það vorar alltaf í sálinni á Íslend-
ingum. Þegar veturinn hefur verið
erfiður þá kemur vor í fólkið
þegar andrúmsloftið fer að hlýna.
Fólk lifnar við og vill fá fegurð og
liti í kringum sig,“ segir Sigríður
Helga Sigurðardóttir sem er eig-
andi Gróðrarstöðvarinnar Mark-
ar.
Garðeigendur hafa tekið vel
við sér í vor þótt það finnist fyrir
kreppunni í þessum geira eins og
öðrum. „Sumarið hefur farið af
stað með látum. Mér finnst senni-
legt að fólk vilji gera fallegt í
kringum sig nú fyrst það ferðast
minna en áður. Góða veðrið spilar
líka inn í,“ segir Steinunn Reyn-
isdóttir, garðyrkjufræðingur hjá
Garðheimum.
Fréttablaðið skoðaði verð fimm
tegunda sumarblóma á fjórum
sölustöðum á höfuðborgarsvæð-
inu. Þeir sölustaðir sem haft var
samband við voru Blómaval, Garð-
heimar, Gróðrarstöðin Mörk og
Gróðrarstöðin Storð. Niðurstöður
verðkönnunarinnar voru þær að
ódýrasti sölustaðurinn af þessum
fjórum var Gróðrarstöðin Storð
þótt ekki mætti miklu muna. Mun-
urinn á dýrasta og ódýrasta sölu-
staðnum var 20 prósent. Verð á
körfu sem inniheldur eina stjúpu,
einn sólboða, eitt tóbakshorn, eitt
flauelsblóm og eina morgunfrú má
sjá í meðfylgjandi töflu.
Fréttablaðið kannaði líka hvaða
sumarblóm væru vinsælust þetta
sumarið. Viðmælendur blaðsins
voru sammála um að stjúpa væri
alltaf vinsælust. Hún væri harð-
ger, þyldi íslenskar aðstæður vel
og væri alltaf í blóma. Meðal ann-
arra vinsælla sumarblóma þetta
sumarið má nefna margarítu,
morgunfrú, snædrífu og brúðar-
auga. magnusl@frettabladid.is
Verðmunur á sumarlegri
blómakörfu 20 prósent
SIGRÍÐUR HELGA SIGURÐARDÓTTIR Eigandi Gróðrarstöðvarinnar Markar umkringd
sumarblómum.
2002 2004 2006 2008 2010
kr
ón
ur
11
4
12
4
14
9
17
8
20
5
Mikil vanhöld eru á því að veitingastaðir tilgreini á matseðlum sínum hversu
mikið magn drykkja viðskiptavinir fá fyrir uppsett verð. Neytendastofa gerði
úttekt á þessu á 107 veitingastöðum á höfuðborgarsvæðinu. Skoðað var hvort
matseðill með verðupplýsingum væri við innganginn og hvort magn væri
tilgreint í upplýsingum um drykkjarvörur, til dæmis hvort gosglas sem kostaði
500 krónur innihéldi 33 sentilítra eða 75 sentilítra. Niðurstaðan var sú að í
rúmlega átta af hverjum tíu tilfellum var verðskrá við innganginn. „Annað var
uppi á teningnum þegar skoðað var hvort magn væri tilgreint í upplýsingum
um drykki. Einungis 40 prósent veitingastaða voru með þetta atriði í fullkomnu
lagi þó svo að fjölmargir veitingastaðir hafi verið með það að hluta til,“ segir í
frétt Neytendastofu.
■ Magnmerkingar drykkja í ólagi á veitingastöðum
„Bestu kaupin eru klárlega leðurstígvél frá
Vagabond sem ég keypti fyrir tveimur árum.
Ég nota þau mjög mikið. Líklega er svona
gott leður í þeim. Þau eru algjörlega pening-
anna virði,“ segir Hallbera Guðný Gísladóttir,
sóknarmaður í meistaraflokki Vals. Hún
neitar því að stígvélin séu í slíkum verðflokki
að raðgreiðslur eða sparnað til nokkurra ára
þurfi til að eignast þau.
Hallbera segir alla þá farsíma sem hún
hafi átt í gegnum tíðina alverstu fjárfest-
inguna. Og hefur hún átt þá nokkra. „Þeir
endast ekki mjög lengi hjá mér. Ég á það
til að missa þá í gólfið og þeir endast stutt,
innan við ár,“ segir hún. „Ef ég næ árinu er
ég mjög sátt.“
Hallbera tekur ekki undir að hún
flokkist til farsímafanta sem kunni
lítið með viðkvæma hluti að fara.
„Þetta eru yfirleitt fínir símar en í
raun algjört drasl sem ekki er gert til
að endast lengi,“ segir hún en flestir
eyðileggjast farsímarnir þegar hún
missir þá í gólfið. Um fjórir mánuðir
eru frá því að síðasti farsími Hallberu
gaf upp öndina og fékk hún þann
sem hún notar um þessar mundir
að láni hjá bróður sínum. „Hann er
eitthvað farinn að klikka hjá mér og
bilar líklega fljótlega. En ég hef
ákveðið að kaupa ekki nýjan
í bráð.“
NEYTENDUR „Við erum langódýr-
astir,“ segir Birgir Hákonarson,
framkvæmdastjóri bifreiðaskoð-
unarfyrirtækisins Tékklands,
sem opnaði sína fyrstu starfsstöð
í nýliðnum mánuði. Tékkland er á
þjónustustöð N1 við Reykjavíkur-
veg í Hafnarfirði.
Birgir segir fyrirtækið bjóða
tólf til fimmtán prósentum lægra
verð en samkeppnisfyrirtækin.
„Svo reynir á neytendur að styðja
við bakið á þeim sem vinna að því
að lækka verðið ef hinir fara að
lækka sig,“ bætir hann við.
Tvö fyrirtæki hafa verið ráð-
andi á bifreiðaskoðunarmarkaði
frá því að hún var einkavædd árið
1989.
„Við opnuðum 20. maí, en undir-
búningur að því hófst upp úr ára-
mótum, enda meira mál að opna
bílaskoðunarstöð en bifreiðaverk-
stæði,“ segir Birgir. Miklar kröf-
ur eru gerðar til starfsemi skoðun-
arstöðva af hálfu hins opinbera og
ákveðnir staðlar sem þarf að upp-
fylla. Birgir segir því að mörgu að
hyggja áður en opnað er.
Tékkland lætur hins vegar ekki
staðar numið í Hafnarfirði, því um
miðjan mánuðinn verður opnuð
ný skoðunarstöð við Holtagarða í
Reykjavík og svo önnur í Borgar-
túni í haust. „Svo er aldrei að vita
nema maður fari að horfa til lands-
byggðarinnar, ekki veitir af því að
ýta undir samkeppnina þar,“ bætir
Birgir við.
Tékkland er í eigu Birgis og
tveggja meðfjárfesta, en engin
eignatengsl eru við N1 þótt stöðin
leigi aðstöðu þar. - óká
Erum langódýrastir segir framkvæmdastjóri Tékklands, nýrrar skoðunarstöðvar:
Ekki einfalt að opna bílaskoðun
BIRGIR HÁKONARSON Ný bifreiðaskoðunarstöð er við Reykjavíkurveg í Hafnarfirði.
FRÉTTABLAÐIÐ/STEFÁN
NEYTANDINN Hallbera Guðný Gísladóttir, fótboltakona í Val:
Tekur farsímana fantatökum
Nánari upplýsingar á www.ganga.is
Hollur barnamatur fyrir 6 mánaða og eldri
www.barnamatur.is
Ósykrað
Fjölbreytt og gott
veganesti fyrir lífið