Fréttablaðið - 03.06.2010, Blaðsíða 64

44 3. júní 2010 FIMMTUDAGUR
LJÓTU HÁLFVITARNIR Ljótu hálfvitarnir hafa æft grimmt að undanförnu fyrir tvenna
útgáfutónleika sína. FRÉTTABLAÐIÐ/VALLI
Grallararnir í Ljótu hálfvit-
unum hafa sent frá sér sína
þriðju plötu. Rétt eins og
fyrri plöturnar heitir hún
ekki neitt og er auk þess
keimlík hinum tveimur í
útliti.
Ljótu hálfvitarnir hafa undan-
farin ár verið með vinsælustu
ballhljómsveitum landsins og
hafa þær vinsældir endurspegl-
ast í plötusölunni. Fyrsta platan
seldist í rúmlega 4.000 eintökum
og sú næsta á eftir, sem hafði að
geyma slagarann Lukkutröllið,
seldist örlítið minna.
„Hún er rokkaðri en síð-
asta plata, ef eitthvað er,“ segir
Ármann Guðmundsson, einn af
hálfvitunum níu, um nýjasta
afkvæmið. „Síðasta plata var
voða fínpússuð en þessi er gróf-
gerðari. Við unnum með öðrum
upptökustjóra, Flex Árnasyni.
Okkur langaði að prófa eitt-
hvað nýtt og athuga hvernig við
myndum hljóma með einhverj-
um öðrum. Við lítum alla vega
þannig á að þessi leikflétta hafi
gengið upp hjá okkur.“
Partílagið Gott kvöld er þegar
farið að heyrast í útvarpinu og
gefur tóninn fyrir sumarið, þar
sem sungið er um samkvæmi sem
fer aðeins úr böndunum. Annars
eru yrkisefni hálfvitanna á svip-
uðum slóðum og áður: Gleði, bjór,
konur, dans og ást. Meira að segja
hafið kemur við sögu, enda þykja
hálfvitarnir flinkir í sjómanna-
lögum.
Þriggja manna brasssveit setur
svip á nokkur lög á plötunni,
gestatrommarar líta við og efni-
leg söngkona að norðan, Halla
Marín Hafþórsdóttir, syngur
með í einu lagi. KK kemur síðan
við sögu í tveimur lögum þar
sem hann syngur, spilar á gítar
og blæs í munnhörpu af sinni
alkunnu snilld.
Lögin á plötunni eru úr ýmsum
áttum. Tvö voru samin í æfinga-
búðum í Borgarfirði en Hafið
blátt var samið á níunda ára-
tugnum af Ármanni og Þorgeiri
Tryggvasyni.
„Við grófum upp gamalt lag
sem við aldursforsetarnir tveir
sömdum á sokkabandsárum
okkar. Þetta er elsta lagið á plöt-
unni,“ segir Ármann.
Plötunni verður fylgt eftir
með tónleikahaldi í sumar. Fyrst
verða útgáfutónleikar í Íslensku
óperunni á laugardaginn og viku
síðar halda Ljótu hálfvitarnir
aðra útgáfutónleika í Ýdölum í
Aðaldal. freyr@frettabladid.is
NÝ LEIKFLÉTTA
HÁLFVITANNA
Hönnunarmerkið E-Label verður fáan-
legt í verslunum TopShop í Kringlunni og
Smáralind frá og með deginum í dag. Af
því tilefni verður efnt til veislu í verslun-
inni TopShop í Kringlunni klukkan 18.00
í kvöld og verður ný sumarlína E-Label
frumsýnd við sama tækifæri.
„Samstarf okkar við TopShop í Lond-
on hefur gengið vonum framar og þess
vegna fannst okkur kjörið að hefja einnig
samstarf við TopShop hér á landi,“ segir
Ásta Kristjánsdóttir, önnur eigenda E-
Label. Að sögn Ástu hefur gengi E-Label
í TopShop í London verið afar gott og
hefur merkið alltaf náð þeim sölumark-
miðum sem því eru sett. „Af öllum
þeim hönnuðum sem fengu inni á
sama tíma, er E-Label eina merkið sem
er enn eftir og við erum að sjálfsögðu
mjög stolt yfir því.“ Ásta segist einnig
hafa verið að skoða þann möguleika að
hefja sölu á vörum E-Label í Þýskalandi
innan skamms, en það á eftir að skýrast
betur síðar.
Í veislunni í kvöld verður sérstakur
Volcano kjóll frá E-label frumsýndur, en
hönnuðurinn Harpa Einarsdóttir hannaði
línuna og var hún innblásin af gosinu í
Eyjafjallajökli. Auk þess mun DJ Natalie
leika ljúfa tóna, en þess má geta að hún
er andlit nýrrar haustlínu E-label ásamt
þremur öðrum föngulegum konum.
Veislan hefst klukkan 18.00 og stendur
til klukkan 20.00. - sm
E-Label í TopShop á Íslandi
ÁNÆGÐAR MEÐ ÁRANGURINN Ásta Kristj-
ánsdóttir og Heba Hallgrímsdóttir, eigendur
E-Label, hlakka til samstarfsins við TopShop hér
á landi.
Ómar Ómar, forsvarsmaður net-
varpsstöðvarinnar Rás 3, hefur
undirritað samkomulag við STEF
um leyfi til netvarpssendinga. Þetta
er í fyrsta sinn sem samningur sem
þessi er gerður við netvarpsstöð
hérlendis.
„Ég er gríðarlega ánægður. Þetta
er stórt skref sem verður ekki tekið
til baka. Þetta er komið til að vera,“
segir Ómar Ómar. Hugmyndin á
bak við Rás 3 hefur legið lengi í loft-
inu. Það er að frumkvæði TFA ehf.
(Tími fyrir aðgerðir) sem hún er
loksins komin í framkvæmd. Ekki
er um hefðbundnar FM-útsending-
ar að ræða. Dreifing um Netið hefur
ótakmarkað dreifikerfi og nú þegar
símar og önnur jaðartæki hafa
aðgang að 3G-neti er hægt að hlusta
á Rás 3 nánast hvar og hvenær sem
er í gegnum síðuna Rás3.is.
Eftir undirritun samningsins
verður meiri dagskrárgerð sett í
gang á stöðinni, sem hingað til hefur
verið með einn vikulegan þátt, RVK
Underground, auk þess sem stans-
laus tónlist hefur fengið að hljóma.
Mikil áhersla verður lögð á að virkja
hlustendur stöðvarinnar með notk-
un ýmissa samfélaga á Netinu auk
þess sem allt upptekið efni verður
aðgengilegt til hlustunar eftir á.
Alls konar tónlist verður spiluð á
stöðinni, ekki bara hipp hopp held-
ur líka rokk og popp. „Þetta verður
ekki froðupoppsstöð. Við leggjum
mikla áherslu á að virkja tónlistar-
menninguna. Það er mikið af góðri
tónlist sem hefur ekki verið spiluð á
Íslandi í mörg ár,“ segir Ómar.
- fb
Segir Rás 3 komna til að vera
SAMNINGUR Í HÖFN Ómar Ómar handsalar samninginn við Gunnar Stefánsson,
innheimtustjóra Stefs um leyfi til netvarpssendinga. FRÉTTABLAÐIÐ/VILHELM
> VILL AÐSTOÐA
Leikstjórinn James Cameron sem sló rækilega í gegn
með kvikmyndunum Titanic og Avat-
ar hefur boðið fram aðstoð sína við
að stöðva olíulekann í Mexíkóflóa.
Cameron á hátæknilegan kaf-
bát sem hann notaði meðal
annars við tökur á Titanic og
hefur boðist til að lána bátinn
í aðgerðirnar.
folk@frettabladid.is