Fréttablaðið - 03.06.2010, Blaðsíða 72

52 3. júní 2010 FIMMTUDAGUR
VISA-bikarkeppni karla:
ÍBV - KR 0-1
0-1 Kjartan Henry Finnbogason (54.)
Fram - ÍR 2-1
1-0 Ívar Björnsson (38.), 2-0 Ívar Björnsson (49.),
2-1 Guðjón Gunnarsson (90.+3.)
Fjarðabyggð - Njarðvík 3-2 (2-2)
Eftir framlengingu.
BÍ/Bolungarvík - Völsungur 2-0
Víkingur R. - Sindri 7-0
KB - Víkingur Ó. 0-1
KA - HK 3-2 (2-2)
Eftir framlengingu
LEIKIR KVÖLDSINS
Valur - Afturelding kl. 19:15
Leiknir R. - Stjarnan kl. 19:15
Þróttur R. - Grótta kl. 19:15
Haukar - Fjölnir kl. 19:15
Víðir - Fylkir kl. 19:15
Grindavík - Þór kl. 19:15
Keflavík - KS/Leiftur kl. 19:15
ÍA - Selfoss kl. 19:15
Breiðablik - FH kl. 20:00
Vináttulandsleikir
Zimbabwe - Brasilía 0-3
Grikkland - Paragvæ 0-2
Aserbaídsjan - Hondúras 0-0
Noregur - Úkraína 0-1
Rúmenía - Makedónía 0-1
Hvíta-Rússland - Svíþjóð 0-1
Albanía - Andorra 1-0
Serbía - Pólland 0-0
ÚRSLIT
FÓTBOLTI Fabio Capello skrifaði
í gær undir nýjan samning við
enska knattspyrnusambandið
sem tryggir að hann verður
áfram í starfi fram yfir
EM 2012 sem fer fram
í Póllandi og Úkraínu.
Gamli samningur-
inn hafði sama gildis-
tíma en í þeim nýja voru
fjarlægðar klásúlur sem
gerði báðum aðilum kleift
að rifta samningnum eftir
HM í sumar.
„Ég vildi alltaf vera
í starfi út minn samn-
ingstíma,“ sagði Capello
á heimasíðu enska knatt-
spyrnusambandsins.
„Við munum nú einbeita
okkur að HM í Suður-
Afríku.“
Capello hafði verið
orðaður við stjóra-
stöðuna hjá Inter á
Ítalíu en nú er ljóst að
hann fer ekki þangað eftir
HM í sumar. - esá
Fabio Capello tekur ekki við Inter í sumar:
Stýrir Englandi áfram
FÓTBOLTI Þóra B. Helgadóttir og
félagar í LdB Malmö unnu í gær
öruggan 4-1 sigur á nýliðum Tyr-
esö í sænsku úrvalsdeildinni í
knattspyrnu í gær. Þóra lék allan
leikinn í marki Malmö en Dóra
Stefánsdóttir, liðsfélagi hennar,
er enn frá vegna meiðsla.
Malmö er enn taplaust eftir tíu
leiki og er með fjögurra stiga for-
ystu á toppi deildarinnar.
Kristianstad, lið Elísabet-
ar Gunnarsdóttur, tapaði fyrir
núverandi meisturunum, Lin-
köping, á útivelli, 3-0. Guðbjörg
Gunnarsdóttir stóð í marki
Djurgården sem tapaði í gær en
fjórða Íslendingaliðið, Örebro,
gerði markalaust jafntefli við
Sunnanå. - esá
Sænska úrvalsdeildin:
Öruggur sigur
hjá LdB Malmö
GUÐBJÖRG OG ÞÓRA Báðar í eldlínunni
í Svíþjóð í gær. FRÉTTABLAÐIÐ/ANTON
HANDBOLTI Þrír leikir fóru fram í
þýsku úrvalsdeildinni í handbolta í
gær. Kiel er enn á góðri leið með að
verða Þýskalandsmeistari en liðið
gjörsigraði Balingen í gær, 32-21.
Aron Pálmarsson skoraði eitt mark
í leiknum en Kiel getur með sigri á
Grosswallstadt í lokaumferð deild-
arinnar á laugardaginn tryggt sér
þýska meistaratitilinn.
Alfreð Gíslason er nú á öðru
ári sínu með Kiel en hann varð
meistari með liðinu á síðasta ári.
Um síðustu helgi sigraði svo liðið
í Meistaradeild Evrópu eftir sigur
á Barcelona í úrslitaleik.
Flensburg gulltryggði sér þriðja
sæti deildarinnar með sigri á
Lemgo í gær, 34-31. Alexander Pet-
ersson skoraði fjögur mörk fyrir
Flensburg og Vignir Svavarsson
eitt fyrir Lemgo. Logi Geirsson
var ekki í leikmannahópi síðar-
nefnda liðsins.
Rhein-Neckar Löwen á nú góðan
möguleika á að tryggja sér sæti í
Meistaradeild Evrópu á næstu leik-
tíð eftir að Göppingen tapaði fyrir
Gummersbach á útivelli í gær,
32-22. Göppingen hefði með sigri
í gær komist upp í fjórða sætið á
kostnað Löwen sem dugir nú sigur
á Wetzlar í lokaumferðinni til að
tryggja sér þátttöku í Meistara-
deildinni ásamt Kiel, Hamburg og
Flensburg.
Róbert Gunnarsson skoraði
fjögur mörk fyrir Gummersbach
í leiknum í gær. Gummersbach er
í sjötta sæti deildarinnar með 45
stig en Lemgo, Grosswallstadt og
Füchse Berlin koma næst með 40
stig.
Minden og Düsseldorf eru fall-
in úr úrvalsdeildinni en Dormagen
þarf að mæta annaðhvort B-deild-
arliðunum Emsdetten eða Bergis-
cher HC í umspili um sæti í þýsku
úrvalsdeildinni á næstu leiktíð.
- esá
Þrír leikir í þýska handboltanum í gær:
Miklir yfirburðir Kiel
DANIEL NARCISSE Var markahæstur hjá
Kiel í gær með sex mörk ásamt Filip
Jicha. NORDIC PHOTOS/BONGARTS
FÓTBOLTI Enskir fjölmiðlar full-
yrtu margir í gær að stjórn
Liverpool hefði boðið Rafael Ben-
itez þrjár milljónir punda fyrir
að hætta sem knattspyrnustjóri
hjá liðinu.
Liðið varð í sjöunda sæti ensku
úrvalsdeildarinnar í vor og féll
úr leik í riðlakeppni Meistara-
deildar Evrópu á nýliðnu tímabili
og vill stjórn félagsins að hann
láti af störfum.
Benitez skrifaði hins vegar
undir fimm ára samning fyrir
rúmu ári síðan og á samkvæmt
honum rétt á sextán milljónum
punda í skaðabætur verði hann
rekinn.
Þessar fregnir voru þó óstað-
festar í gærkvöldi. - esá
Enskir fjölmiðlar um Liverpool:
Stjórnin vill að
Benitez hætti
RAFA BENITEZ Hefur verið orðaður við
Inter á Ítalíu. NORDIC PHOTOS/GETTY
FÓTBOLTI Fram er komið í 16-liða
úrslit VISA-bikarkeppni karla eftir
2-1 sigur á 1. deildarliði ÍR á Laug-
ardalsvelli í gær. Ívar Björnsson
skoraði bæði mörk Fram í leiknum
en Guðjón Gunnarsson minnkaði
muninn fyrir Breiðhyltinga undir
lok leiksins.
Aðstæður til knattspyrnuiðkun-
ar voru til fyrirmyndar í Laugar-
dalnum þegar Fram mætti ÍR í
32-liða úrslitum Visa-bikarkeppn-
innar. Fram byrjaði leikinn betur,
tók öll völd á miðjunni og skap-
aði sér helling af færum. ÍR-ingar
náðu ekki skoti að marki allan
fyrri hálfleikinn og virtust hrein-
lega ekki vera tilbúnir í leikinn.
Framarar sóttu látlaust og brutu
ísinn á 38. mínútu þegar Sam
Tillen tók hornspyrnu sem Ívar
Björnsson skallaði í netið. Staðan
var því 1-0 í hálfleik en hún gaf þó
ekki rétta mynd af leiknum enda
Fram með yfirburði og hefði með
réttu átt að klára leikinn í fyrri
hálfleik.
Seinni hálfleikurinn fór einnig
fjörlega af stað og strax á 49. mín-
útu bætti Fram við marki. Almarr
Ormarsson átti þá fallega sendingu
inn á Ívar Björnsson sem kláraði
færið af mikilli yfirvegun.
„Við vorum afar kærulausir
fyrir framan markið,“ sagði Ívar
eftir leikinn. „Við sundurspiluð-
um þá og létum þá hlaupa á eftir
okkur. En þegar við komum inn
í teig urðum við bara kærulaus-
ir þar til við náðum að skora og
brjóta ísinn.“
Eftir annað mark Fram kviknaði loks á ÍR-ingum. Davíð Már Stef-
ánsson átti góðan leik á kantinum
hjá ÍR og fór mikinn í sóknarleik
liðsins. Á 89. mínútu náðu ÍR-ingar
að minnka muninn með marki frá
Guðjóni Gunnarssyni sem skoraði
í autt netið eftir mikinn hamagang
inn á teig Fram. Eftir það fjaraði
leikurinn út og Fram því komið í
16-liða úrslit Visa-bikarsins.
„Það eru vissulega vonbrigði að
detta út úr bikarnum en við getum
þá einbeitt okkur að deildinni frek-
ar, það er auðvitað númer eitt hjá
okkur,“ sagði Árni Freyr Guðna-
son, fyrirliði ÍR-inga, svekktur
eftir leikinn. „Það er meiri áhersla
lögð á leikinn gegn Fjarðarbyggð
á laugardaginn þó svo að það sé
vissulega gaman að taka þátt í
bikarkeppni. Auðvitað vildum við
vera þar sem lengst.“ - es
Fram komið áfram í 16-liða úrslit bikarkeppninnar eftir 2-1 sigur á ÍR:
Ívar skaut Fram áfram í bikarnum
FRAM ÁFRAM Almarr Ormarsson, leik-
maður Fram, í baráttunni í gær.
FRÉTTABLAÐIÐ/VALLI
FÓTBOLTI KR vann í gær sinn fyrsta sigur á
tímabilinu er liðið vann 1-0 sigur á ÍBV í 32-
liða úrslitum VISA-bikarkeppni karla. Þetta var
enn fremur fyrsti bikarsigur KR í Eyjum síðan
1989 en það var Kjartan Henry Finnbogason
sem tryggði KR sigurinn með marki snemma
í síðari hálfleik.
Bæði lið gerðu breytingar á sínu liði frá síð-
asta leik. Eyþór Helgi Birgisson kom aftur inn í
lið ÍBV eftir að hafa tekið út leikbann og Grétar
Sigfinnur Sigurðarson spilaði sinn fyrsta leik
í sumar. Hann missti af upphafi tímabilsins
vegna meiðsla og kom inn fyrir Viktor Bjarka
Arnarsson.
Leikurinn byrjaði af krafti en strax á 15.
mínútu leit fyrsta færi leiksins ljós. Þar var
að verki Eyþór Helgi eftir hornspyrnu James
Hurst en Lars Ivar Moldsked varði glæsilega
í marki ÍBV.
Baldur Sigurðsson átti svo gott færi fyrir KR
er hann skallaði að marki ÍBV en Albert Sæv-
arsson, markvörður Eyjamanna, náði að verja
með tilþrifum í slána.
ÍBV varð svo fyrir áfalli á 36. mínútu þegar
Andri Ólafsson þurfti að fara meiddur af velli
og tók Yngvi Magnús Borgþórsson hans stöðu
í liðinu.
Staðan var því markalaus í hálfleik en eina
mark leiksins kom fljótlega eftir að flautað var
til leiks í þeim síðari. Sendingin kom inn í teig
ÍBV frá vinstri kantinum og barst boltinn til
Kjartans Henrys sem urðu á engin mistök og
afgreiddi knöttinn laglega í netið. Albert kom
engum vörnum við.
Eyjamenn reyndu að jafna metin undir lokin
og sóttu stíft að marki KR en án árangurs.
„Við vorum að mér fannst sterkari aðilinn í
leiknum,“ sagði Logi Ólafsson, þjálfari KR,
sem var vitanlega ánægður með sigur sinna
manna. „Varnarleikurinn var að smella vel
saman. Við vissum að það yrði erfitt að
koma á Hásteinsvöll og var það lykilatriði
að hafa náð að spila vel í vörninni.“
Hann segir að sitt lið sé á réttri leið.
„Það hefur verið góður stígandi í liðinu
og þetta er nú annar leikurinn í röð þar
sem við fengum ekki á okkur mark. Það er
mikil framför,“ sagði Logi.
Heimir Hallgrímsson, þjálfari ÍBV, var
að sama skapi óánægður með að hafa tapað á
heimavelli og fallið úr leik í bikarkeppninni.
„Það var einfaldlega greinilegur munur á
þessum liðum. Við vorum að spila erfiðan leik
fyrir þremur dögum síðan en þeir ekki. Ég er
hundfúll og svekktur vegna þessa taps en leik-
mennirnir eiga hrós skilið að hafa gefið allt
sitt í leikinn. Við höfum að miklu leyti verið að
keyra áfram á sama mannskapnum en margir
okkar leikmanna voru einfaldlega með tóman
tank undir lok leiksins.“
Alls fóru sjö leikir fram í 32-liða
úrslitum VISA-bikarkeppni
karla í gær. ÍBV er eina
úrvalsdeildarliðið sem
er fallið úr leik.
Fjarðabyggð og
KA þurftu fram-
lengingar í sínum
leikjum til að
komast áfram í
næstu leikjum.
KA vann HK
en Fjarðabyggð hafði betur
gegn Njarðvík. Báðum leikj-
um lyktaði með 3-2 sigri eftir að
staðan var jöfn, 2-2, að loknum
venjulegum leiktíma.
Þá vann Víkingur frá Reykjavík
öruggan 7-0 sigur á Sindra og Víking-
ur frá Ólafsvík vann góðan 1-0 sigur á
KB á útivelli. Þá hafði BÍ/Bolungarvík
betur gegn Völsungi á heimavelli,
2-0. - vsh, esá
Langþráður sigur hjá KR í Eyjum
Kjartan Henry Finnbogason tryggði KR fyrsta sigurinn á tímabilinu er liðið bar sigurorð af ÍBV, 1-0, í 32-
liða úrslitum VISA-bikarkeppni karla. Þetta var þar að auki fyrsti bikarsigur KR í Eyjum í 21 ár.
ÞJÁLFARINN Logi Ólafsson var
ánægður með sigurinn á ÍBV í
gær. FRÉTTABLAÐIÐ/DANÍEL
KJARTAN HENRY FINNBOGASON
Skoraði sigurmark KR í Vestmanna-
eyjum í gær.
FRÉTTBLAÐIÐ/ANTON