Fréttablaðið - 05.06.2010, Blaðsíða 112

76 5. júní 2010 LAUGARDAGUR
FÓTBOLTI Landsliðsmarkvörður-
inn Gunnleifur Gunnleifsson átti
mestan þátt í því að FH-ingar urðu
í fyrrakvöld fyrsta liðið í tuttugu
ár til að slá bikarmeistara í víta-
keppni. Íslandsmeistarar FH unnu
3-1 sigur á bikarmeisturum Blika í
vítaspyrnukeppninni eftir að leik-
urinn endaði með 1-1 jafntefli.
Gunnleifur komst þar með í
góðan hóp með þeim Þorsteini
Bjarnasyni, Sandor Matus og Amir
Mehica en þetta eru einu mark-
verðirnir í sögu aðalkeppni bikar-
keppninnar sem hafa varið þrjú
víti í einni vítakeppni. Tveir aðrir
markmenn, Bjarki Guðmundsson
og Ólafur Pétursson, hafa náð því
að verja eitt víti í leiknum og tvö
víti til viðbótar í vítakeppni.
Gunnleifur Gunnleifsson varði
þrjú víti í röð frá Blikum og bjarg-
aði sóknarmönnunum Torgeir
Motland og Atla Viðari Björns-
syni sem höfðu klikkað á tveimur
fyrstu vítum liðsins í vítakeppn-
inni. Alfreð Finnbogason skoraði
af öryggi úr fyrsta víti Blika en
Gunnleifur varði síðan frá þeim
Guðmundi Péturssyni, Jökli Elísa-
betarsyni og Kára Ársælssyni.
„Ég er með tækni í vítum sem
virkar stundum og stundum ekki,“
sagði Gunnleifur Gunnleifsson í
viðtali á Vísi eftir leikinn. Gunn-
leifi tókst greinilega að taka leik-
menn Blika á taugum með því að
koma á móti þeim um leið og þeir
stilltu boltanum upp á punktinn.
Þorsteinn Bjarnason varð fyrsti
markvörðurinn til að verja þrjú
víti í sömu vítakeppni þegar hann
hjálpaði Keflavík við að slá Sel-
foss út úr 16 liða úrslitum 1988.
Selfyssingar skoruðu úr fyrstu
spyrnu sinni, Þorsteinn varði
næstu, sú þriðja fór framhjá og
Þorsteinn varði síðan síðustu tvær
spyrnurnar. Félagar Þorsteins í
Keflavíkurliðið skoruðu aðeins úr
tveimur vítum sjálfir og því réð-
ust úrslitin ekki fyrr en í síðustu
spyrnu þrátt fyrir hetjulega fram-
göngu Þorsteins.
Sextán ár liðu þar til markverði
tókst að verja þrjú víti aftur. KA-
maðurinn Sandor Matus varði
þá allar þrjár vítaspyrnur Eyja-
manna í 8 liða úrslitum 2004. KA-
liðið vann vítakeppnina 3-0.
Síðastur á undan Gunnleifi til
að verja þrjú víti var Haukamað-
urinn Amir Mehica sem gerði
það þegar C-deildarliðið Hauka
sló út úrvalsdeildarlið Fram í 16
liða úrslitum 2007. Fram komst
í 2-0 í vítakeppninni en Mehica
tryggði sínum mönnum sigurinn
með því að verja þrjú síðustu víti
Framara.
Tveir markmenn til viðbótar hafa
náð því að verja tvö víti í vítakeppni
eftir að hafa varið víti í leiknum
sjálfum. Þetta eru Keflvíkingurinn
Ólafur Pétursson sem gerði það í
sigri á ÍBV í 16 liða úrslitum 1990 og
Keflvíkingurinn Bjarki Guðmunds-
son sem afrekaði það í bikarúrslita-
leiknum 1997 og tryggði sínum
mönnum þar með bikarinn.
Gunnleifur var hógvær í leikslok
og talaði um heppni frekar en hetju-
dáð. Félagar hans úr liðið spöruðu
hinsvegar ekki hrósið og átti hann
það skilið enda ekki á hverjum degi
sem markvörður ver þrjú víti í sömu
vítakeppni. - óój
Fjórir hafa náð að verja þrjár vítaspyrnur í vítakeppni í sögu aðalkeppni bikarsins:
Gunnleifur í fámennum hópi
GUNNLEIFUR GUNNLEIFSSON Var vel fagnað af FH-mafínunni eftir frábæra frammi-
stöðu á móti Blikum á fimmtudagskböldið. FRÉTTABLAÐIÐ/VALLI
FÓTBOLTI England og Fílabeins-
ströndin misstu bæði fyrirliða
sína í meiðsli í gær aðeins viku
áður en HM í Suður-Afríku hefst.
Rio Ferdinand, fyrirliði enska
landsliðsins, meiddist á hné á
æfingu og verður örugglega ekki
með á HM en Didier Drogba, fyr-
irliði Fílabeinsstrandarinnar,
meiddist á olnboga í æfingaleik
á móti Japan. Drogba fór strax í
aðgerð og lifir enn í voninni með
að ná fyrsta leik.
„Þetta eru augljóslega mjög
slæmar fréttir. Það eru allir í lið-
inu mjög vonsviknir og finna til
með Rio,“ sagði Fabio Capello,
landsliðsþjálfari Englendinga,
sem tilkynnti fyrst um meiðsli
Rio Ferdinand á blaðamannfundi
strax efir æfinguna. Ferdinand
meiddist eftir að hans mati sak-
lausa tæklingu Emile Heskey.
Ferdinand fór strax upp á
sjúkrahús í myndatöku og kom
þaðan út á hækjum með slæm-
ar fréttir. Hann hafði meiðst á
liðbandi í vinstra hné og verður
frá í fjórar til sex vikur. Capello
kallaði strax á Michael Dawson,
leikmann Tottenham, sem tekur
sæti Ferdinands í hópnum. Steven
Gerrard tekur við fyrirliðaband-
inu og annaðhvort Ledley King
eða Jamie Carragher taka stöðu
hans í byrjunarliðinu í fyrsta
leiknum á móti Bandaríkjunum.
Didier Drogba fór úr olnboga-
lið eftir aðeins fimmtán mínútna
leik í 2-0 sigri Fílabeinsstrand-
arinnar á Japan. Hann lenti illa
eftir skrautlega tæklingu en hafði
þegar komið sínu liði í 1-0.
„Við erum ekki vissir um fram-
haldið en við teljum að það séu
einhverjar líkur á því að hann
geti spilað. Auðvitað hef ég mikla
áhyggjur af þessu því hann er
fyrirliði liðsins og einn af bestu
leikmönnum heims,“ sagði Sven-
Goran Eriksson, þjálfari Fíla-
beinsstrandarinnar.
Drogba sagði fyrst að HM
væri úr sögunni en dró það síðan
til baka og talsmaður Fílabeins-
strandarinnar gaf það síðan út að
hann myndi ná fyrsta leik eftir tíu
daga. - óój
Tveir lykilmenn á HM meiddust í gær viku fyrir mót:
Rio úr leik en veik
von hjá Drogba
VONT Didier Drogba liggur hér meiddur í jörðinni í gær. FRÉTTABLAÐIÐ/AP