Fréttablaðið - 07.06.2010, Blaðsíða 31
híbýli og viðhald ● fréttablaðið ●MÁNUDAGUR 7. JÚNÍ 2010 3
Hótel Búðir á Snæ-
fellsnesi eftir Rakel
Önnu Jónasdóttur.
Breiðholtskirkja í Mjódd eftir Sigríði Guðmundsdóttur.
Meðal verkefna sem nemendur á listnámsbraut Iðnskólans í Hafnarfirði
unnu á síðasta vetri var líkanagerð af byggingum að eigin vali í stærð-
inni 1:100. Eitt af skilyrðunum var að efnið væri það sama og í fyrir-
myndunum. Hér sjáum við sýnishorn af því hvernig til tókst.
Í smækkaðri mynd
Eimskipafélagshúsið við Pósthússtræti
eftir Þorstein Ásgeirsson.
Ráðhús Vestmannaeyja eftir Helenu Ósk Magnúsdóttur.
Nemendur Sæmundarskóla, kenn-
arar og sjálfboðaliðar frá SEED‘s
samtökunum sinntu í síðustu viku
ýmiss konar uppbyggingu í hinu
ævintýralega Sæmundarseli við
Reynisvatn. Sæmundarsel er úti-
svæði skólans sem nemendur, kenn-
arar, foreldrar og fleiri hafa byggt
upp síðastliðið ár.
„Foreldrafélagið í skólanum fékk
styrk frá forvarna- og framfara-
sjóði Reykjavíkurborgar til að betr-
umbæta útisvæði Sæmundarskóla,“
segir Guðmundur Hrafn Arngríms-
son um upphaf Sæmundarsels.
Hann er landslagsarkitekt sem kom
að verkefninu fyrst sem foreldri í
Sæmundarskóla en hefur undan-
farið verið verkefnisstjóri útisvæða
skólans.
Byrjað var á uppbyggingu síðast-
liðið vor og mikið hefur gerst á einu
ári. „Búið að koma fyrir ýmsum
leiktækjum og þrautum í trjánum
og heljarmiklum trjákofa,“ segir
Guðmundur. Einnig hefur aðstað-
an til atburðahalds verið betrum-
bætt en í Sæmundarseli eru haldn-
ir tónleikar, jólaböll og skólaslit svo
fátt eitt sé nefnt, og útikennsla fer
einnig fram þar.
Og hvert er næsta skref? „Það
er að byggja upp kennsluaðstöðuna
frekar og draumurinn er að fá raf-
magn og rennandi vatn á staðinn og
í framhaldinu litla inniaðstöðu.“ - sg
Þrautabrautir í skóginum
Sæmundarsel er sannkallaður ævintýraheimur.
MYND/JÓN RAGNAR JÓNSSON
Máluð voru skilti með skilaboðum til gesta.
Kringlan á Mela-
skóla eftir Freydísi
Karlsdóttur.
Norræna húsið í
Vatnsmýrinni eftir
Ástu Olsen.