Fréttablaðið - 08.06.2010, Blaðsíða 8
8 8. júní 2010 ÞRIÐJUDAGUR
1. Á hverju verður beitarfiskur
alinn í hlývatnseldi á Flúðum?
2. Hvað gerði Anthony Gaskell,
69 ára hlaupari, sem átt besta
tímann í maraþoni eldri borg-
ara í London á dögunum?
3. Hvað strikuðu margir
kjósendur Sjálfstæðisflokks yfir
nafn Gísla Marteins í nýaf-
stöðnum kosningum?
SVÖRIN ERU Á SÍÐU 30
Hafðu samband
símiVerðbréfaþjónusta Arion banka
er söluaðili sjóða Stefnis.
Kynntu þér sjóðina hjá starfsfólki
verðbréfaþjónustu Arion banka
í síma 444 7000, í næsta útibúi
eða á arionbanki.is/sjodir
Stefnir - Samval.
Meiri möguleikar á
breytilegum markaði.
Fjárfestir í þeim eignaflokkum sem ákjósanlegastir eru hverju sinni
– eignastýring í einum sjóði
Virk stýring í skuldabréfum og hlutabréfum. Áhersla á ríkistryggð
skuldabréf undanfarin misseri
Fjárfestir að mestu í öðrum sjóðum til að auka enn frekar áhættudreifingu
Góður kostur í langtímasparnaði og hentar vel í reglulegan sparnað
13,9% meðalnafnávöxtun síðastliðin 5 ár*
Lágmarkskaup 10.000 kr. en 5.000 kr. í reglulegum sparnaði
Ávöxtunartölur vísa til fortíðar. Fyrri ávöxtun sjóða gefur ekki áreiðanlega vísbendingu um framtíðarárangur þeirra. Vakin er sérstök athygli á að almennt fylgir áhætta fjárfestingu í hlutdeildarskírteinum sjóða, t.d. getur fjárfesting
rýrnað eða tapast að öllu leyti. Stefnir - Samval er fjárfestingarsjóður skv. lögum nr. 30/2003, um verðbréfasjóði og fjárfestingarsjóði. Rekstrarfélag sjóðsins er Stefnir hf. Nánari upplýsingar um sjóðinn, þ.á m. nánari upplýsingar um
áhættu við fjárfestingu í hlutdeildarskírteinum hans, má finna í útboðslýsingu og útdrætti úr útboðslýsingu sjóðsins, sem nálgast má á www.arionbanki.is/sjodir.
*Upplýsingar fengnar af www.sjodir.is
fyrir tímabilið 30.04.2005-30.04.2010.
FRÉTTASKÝRING
Hvernig stendur Sjálfstæðisflokkurinn eftir kosn-
ingar?
Sjálfstæðisflokkurinn hlaut mun minna fylgi í
nýliðnum sveitarstjórnarkosningum en fyrir
fjórum árum. Þar með er þó ekki öll sagan sögð,
því flokkurinn bætti sig töluvert frá kosning-
um til Alþingis í fyrra, en þá galt hann mikið
afhroð.
Þeir Sjálfstæðismenn sem Fréttablaðið ræddi
við eru nokkuð ánægðir með útkomu kosning-
anna. Þeir eru á einu máli um að ósanngjarnt
sé að miða við síðustu sveitarstjórnarkosning-
ar; þá hafi flokkurinn verið í mikilli uppsveiflu
í miðju góðæri. Skellurinn hafi komið eftir hrun-
ið og úrslitin nú sýni að flokkurinn sé að endur-
heimta traust hjá kjósendum.
Einn viðmælenda blaðsins orðaði það svo að
úrslitin sýndu að flokkurinn hefði lifað hrunið
af.
Úrslitin í Reykjavík og Akureyri eru þó von-
brigði. Að einhverju leyti má skýra þau með
utanaðkomandi áhrifum; Lista fólksins nyrðra
og Besta flokknum syðra, en stjórnmálamenn
bera engu að síður ábyrgð á niðurstöðunum.
Ljóst var að Sigrún Björk Jakobsdóttir var óvin-
sæl í aðdraganda kosninganna og hún hefur nú
sagt af sér.
Í Reykjavík var staðan allt önnur. Hanna
Birna Kristjánsdóttir nýtur vinsælda í embætti
sem borgarstjóri. Mun meiri vinsælda en flokk-
urinn sjálfur í borginni. Hún er engu að síður
oddviti listans og ber að því leytinu ábyrgð á
úrslitunum.
Styrkjamálin eru stóra málið hjá Sjálfstæðis-
flokknum um þessar mundir og heimildarmenn
blaðsins eru sammála um að hann sé ekki búinn
að bíta úr nálinni með þau. Á Alþingi situr Guð-
laugur Þór Þórðarson, sem þáði 25 milljónir í
styrki, og í Reykjavík Gísli Marteinn Baldurs-
son, sem þáði 10,5 milljónir. Þó aðrir hafi þegið
minna er þó víða um umtalsverðar fjárhæðir að
ræða.
Guðlaugur Þór er sagður ætla að sitja svo
lengi sem honum er sætt. Ljóst er að formaður-
inn mun trauðla leggja að honum að hætta og því
er málið í raun í höndum Guðlaugs sjálfs. Ljóst er
að mörgum Sjálfstæðismönnum þykir málið erf-
itt og nokkurrar reiði gætti í garð Guðlaugs hjá
mörgum þeim sem Fréttablaðið ræddi við.
Í lok júní verður haldinn aukalandsfundur
hjá flokknum og viðmælendur blaðsins telja að
styrkjamálin verði áberandi þar. Þá liggur fyrir
að skipta verður um varaformann, þar sem Þor-
gerður Katrín Gunnarsdóttir mun segja af sér.
Hún hætti einnig tímabundið á þingi, en heim-
ildir herma að hún muni snúa aftur í haust. Ill-
ugi Gunnarsson hætti einnig tímabundið á þingi,
en hans mál eru óljósari, þar sem beðið er rann-
sóknar á peningamarkaðssjóðum bankanna. Ill-
ugi sat í stjórn Sjóðs 9 hjá Glitni.
Kjósa þarf arftaka Þorgerðar Katrínar á auka-
landsfundinum. Ólöf Nordal hefur ein lýst yfir
framboði, en líklegt er að fleiri geri slíkt hið
sama. Þar er Hanna Birna oftast nefnd. Heim-
ildarmönnum blaðsins ber saman um að kona
verði kosin í starfið og nafn Ragnheiðar Elínar
Árnadóttur hefur einnig borið á góma.
Bjarni Benediktsson tók við sem formaður í
kjölfar hrunsins. Tvennum sögum fer af stöðu
hans innan flokksins. Stuðningsmenn hans telja
að honum hafi gengið ágætlega að endurheimta
traust kjósenda. Hann hafi haldið opna fundi
víða, þar sem hann fór yfir rannsóknarskýrsl-
una og svaraði spurningum. Þá þykir sumum
ótækt að meta forystu hans eftir svo skamman
tíma í embætti.
Gagnrýnendur hans telja hins vegar að honum
hafi ekki gengið nógu vel að gera upp við fortíð-
ina. Sjálfur hafi hann óheppileg tengsl við ýmsar
viðskiptafléttur, sem heimildarmenn blaðsins
telja þó að gert hafi verið of mikið úr, og þá hafi
hann ekki sýnt skelegga forystu þegar kemur að
styrkjamálum.
Annað mál er hvort einhver mun bjóða fram
gegn Bjarna. Rík hefð er fyrir því innan flokks-
ins að styðja sitjandi formann, þó Davíð Oddsson
hafi rofið hana árið 1991. Þá er arftaki Bjarna
ekki í sjónmáli. Kristján Þór Júlíusson bauð sig
fram gegn honum í fyrra og nokkuð var rætt
um að hann endurtæki leikinn. Staða hans þykir
hins vegar ekki eins sterk og þá og nefna menn
að úrslitin í hans heimabæ, Akureyri, hafi veikt
hann.
Þá heyrist nafn Árna Sigfússonar, bæjarstjóra
Reykjanesbæjar, einnig nefnt. Það þykir þó ekki
líklegt, þar sem formaður flokksins verði að eiga
sæti á Alþingi. Það gæti því farið svo að Bjarni
sæti áfram, einfaldlega af því enginn annar fari
í framboð. kolbeinn@frettabladid.is
Flokkur í skugga styrkja
Styrkjamál hafa verið Sjálfstæðisflokknum erfið og munu lita landsfund í sumar. Staða formannsins er
óljós en ólíklegt er að hann fái mótframboð. Nýr varaformaður mun taka við á fundinum.
ANNAÐ EÐA BÆÐI? Nýr varaformaður tekur við af
Þorgerði Katrínu Gunnarsdóttur á aukalandsfundi
flokksins í lok júní. Óvíst er hvort Bjarni Benediktsson
fær mótframboð í formanninn. FRÉTTABLAÐIÐ/ANTON
BRETLAND, AP Ættingjar leigubíl-
stjórans Derricks Bird, sem skaut
tólf manns á norðvestanverðu Eng-
landi í síðustu viku, segjast ekk-
ert skilja í því hvað varð til þess að
morðæðið rann á manninn.
Meðal hinna látnu er David, bróð-
ir Derricks, og lögmaður fjölskyld-
unnar.
„Við erum algerlega miður okkar
vegna dauða föður okkar, Derricks
Bird,“ segja synir hans, Graeme og
Jamie Bird, í yfirlýsingu sem sókn-
arprestur þeirra sendi fjölmiðlum.
„Gagnvart okkur var hann við-
kunnanlegasti maður sem hægt
var að kynnast. Hann var ástkær
faðir og nýorðinn afi,“ segir í yfir-
lýsingunni. „Við viljum segja að við
vitum ekki hvers vegna pabbi okkar
framdi þessa hræðilegu glæpi. Við
erum báðir fullir sektarkenndar.“
Brian Bird, bróðir Derricks og
Davids, sendi einnig frá sér yfirlýs-
ingu þar sem hann segir fjölskyld-
una vera í sorg.
„Missir beggja bræðra minna er
skelfilegur. Þeir voru báðir mjög
umhyggjusamir fjölskyldumenn,“
segir hann. „Við getum ekki gefið
neinar skýringar á því hvers vegna
Derrick tók upp á því að fremja
þessa glæpi. Við erum í áfalli og
skelfingu lostin.“ - gb
Bróðir og synir leigubílstjórans tjá sig um morðæðið í Bretlandi:
Miður sín og furðu lostnir
TIL MINNINGAR UM HINA LÁTNU
Maður les á kort með blómum sem
lögð hafa verið á vettvang nokkurra
morðanna. NORDICPHOTOS/AFP
LÖGREGLUMÁL Lögreglan í Vest-
mannaeyjum var kölluð út aðfara-
nótt mánudags þegar tilkynnt var
um fjóra nakta karlmenn á hlaup-
um við ráðhús bæjarins, að því er
segir á vef Eyjafrétta.
Lögreglan hafði hendur í hári
viðkomandi manna og gáfu þeir
þá skýringu á athæfi sínu að
þeir hefðu manað hver annan
upp í að hlaupa naktir í drykkju-
leik. Var þeim gerð grein fyrir
því að svona hegðun væri utan
velsæmismarka.
- mþl
Hlupu um naktir:
Strípalingar
teknir í Eyjum
HJÁLPARSTARF Í fárviðri sem gekk
yfir Pakistan um helgina hrundu
útveggir nýjasta skóla ABC
barnahjálpar í landinu. Skólinn er
heimavistarskóli fyrir 700 börn.
„Flytja þurfti öll 700 börnin í
burtu í skyndingu og koma þeim
fyrir á öruggum stöðum,“ segir
í tilkynningu ABC barnahjálpar.
„Börnin voru í miðjum prófum
þegar óveðrið reið yfir. Í því slitn-
uðu tré upp með rótum, bílar fuku
og rafmagnslaust varð.“ Nemend-
urnir meiddust ekki en matráðs-
kona lítillega þegar hún fauk út í
skurð. „ABC barnahjálp lýsir yfir
neyðarástandi og biðlar til lands-
manna að hjálpa til við að endur-
reisa vegginn og byggja varanlegt
skólahúsnæði fyrir börnin.“ - óká
Neyðarkall frá Pakistan:
Sjö hundruð
börn án skóla
HÚNAÞING Skúli Þórðarson hefur
verið endurráðinn í starf sveitar-
stjóra Húnaþings vestra. Sveitar-
stjórn Húnaþings vestra kemur
saman til fyrsta fundar eftir kosn-
ingar 15. þessa mánaðar. Framboð
sjálfstæðismanna og óháðra fékk
hreinan meirihluta í kosningun-
um, fjóra fulltrúa af sjö.
Leó Örn Þorleifsson gegnir
embætti oddvita sveitarfélags-
ins og Sigurbjörg Jóhannesdóttir
verður formaður byggðaráðs, að
því er fram kemur í tilkynningu
sveitarfélagsins. - óká
Fyrsti fundur eftir kosningar:
Sveitarstjórinn
heldur starfinu
VEISTU SVARIÐ?