Fréttablaðið - 09.06.2010, Blaðsíða 17

Sölufulltrúar Henný Árnadóttir henny@365.is 512 5427 Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
SÓL OG SAFARÍ er 15 daga ferð sem farin verður til Keníu
13. október næstkomandi. Ferðin hefst í höfuðborginni Naíróbí
þar sem meðal annars verður farið í gíraffagarð og munaðar-
lausir fílskálfar verða heimsóttir. Nánari upplýsingar á afrika.is.
Bonito ehf. Friendtex,
Faxafen 10, 108 Reykjavík, sími: 568 2870 - www.friendtex.is
Útsala
Af vor og sumar-
vörum Friendtex 2010
Opið mánud. – föstud.
frá kl 11 – 18
Laugard. frá kl 11 – 16
Komið og gerið
frábær kaup
Auglýsingasími
Allt sem þú þarft…
„Við vorum allar búnar í námi og
ákváðum að nota tækifærið áður
en við yrðum ráðsettar húsmæð-
ur að fara í þessa ferð,“ segir
Margrét Stefánsdóttir. En hún
fór ásamt vinkonum sínum, Sær-
únu Böðvarsdóttur og Ingibjörgu
Hönnu Björnsdóttur, í þriggja mán-
aða ferð um Ástralíu og Asíu vorið
2009. Viðkomustaðir voru ásamt
Ástralíu, Taíland, Laos, Kambódía
og Kína.
Þær vinkonur völdu kannski ekki
besta tímann til að leggja land undir
fót og fara í heimsreisu. Þær voru
rétt búnar að klára að borga flugið
þegar efnahagshrunið skall á. „Það
þýddi ekkert annað en vera bjart-
sýnn og láta þetta ekki hafa áhrif.
Þannig að við flúðum skammdegið
og búsáhaldabyltinguna til að upp-
lifa ævintýri,“ segir Margrét.
Eitt af því sem Margrét hafði
með sér heim aftur var lítið búdda-
líkneski og er skemmtileg saga á
bak við það. Á leið sinni í gegnum
Chiang Mai í Taílandi keypti hún
sér þennan minjagrip rétt áður en
ferðinni var heitið yfir til Laos.
Hún komst síðan að því að bannað
er með lögum að flytja slíka gripi
úr landi. Til að byrja með ætlaði
hún að senda það heim með pósti en
þegar henni datt í hug að kannski
yrði pakkinn skannaður hætti hún
snarlega við. Þá var tekin ákvörðun
um að vefja það inn í klæði og setja
neðst í bakpokann og taka áhættuna
á því að enginn myndi sýna bakpok-
anum áhuga. Þegar að landamær-
unum kom tók á móti þeim lítil á
sem var farið yfir á spíttbát og því
allt þetta drama til einskis.
„Meðal þess sem var sérstaklega
eftirminnilegt var þegar við vorum
að ferðast á milli borga í Laos. Þá
urðum við að taka svokallaða „Slow
boats“ til að komast ferða okkar
því að vegirnir eru svo hræðilegir
þarna. Það er svo sannarlega rétt-
nefni því að við vorum sex klukku-
tíma annan daginn og sjö klukku-
tíma hinn daginn á einhverjum
pramma og sátum á tréprikum.
Við urðum að gista í þorpi yfir nótt-
ina þar sem rafmagnið var tekið af
klukkan 22.30 á kvöldin. Ekkert
gerðist allan daginn í þessu þorpi
nema bátar stoppuðu þarna með
farþega og héldu svo áfram daginn
eftir. Jú, og við vöknuðum við hana-
gal og mús borðaði varasalvann
minn yfir nóttina. Varasalva sem
ég hafði í sakleysi mínu skilið eftir
á gólfinu,“ segir Margrét.
Einnig átti sér stað eftirminni-
legt atvik þegar vinkonurnar voru
staddar í Kína. Þar vöktu Margrét
og Ingibjörg sérstaklega mikla
athygli meðal Kínverja því þær
voru svo hávaxnar. Þær eru tæpir
180 sentimetrar og telst það mjög
hátt miðað við Kínverja. Var þeim
hrósað í bak og fyrir yfir að vera
svona stórar og með stór nef og
vildu allir láta taka myndir af sér
með þeim.
linda@frettabladid.is
Vinsælt myndefni í Kína
Margrét Stefánsdóttir fór ásamt tveimur vinkonum sínum í heimsreisu vorið 2009. Þar upplifðu þær
hvert ævintýrið á fætur öðru og endaði hún ferðina ásamt annarri vinkonunni sem myndefni Kínverja.
Margrét með búddalíkneskið sem hún smyglaði út úr Taílandi. FRÉTTABLAÐIÐ/GVA