Fréttablaðið - 09.06.2010, Blaðsíða 18
SJÚKRAKASSI er nokkuð sem
gott er að taka með sér í ferðalagið
hvort sem ferðast er innanlands eða
farið út fyrir landsteinana.
„Þetta er 30 manna hópur sem
er „andsetinn af Karitas“, eins
og það var orðað í fyrsta bréf-
inu sem ég fékk frá honum um
áramót. Hann ætlar að koma
til landsins og fara til Sauðár-
króks, Akureyrar, Siglufjarðar,
Borgarfjarðar eystri, í Öræfin
og á Eyrarbakka undir danskri
fararstjórn. Svo ætla ég að hitta
hann í Norræna húsinu og halda
smá fyrirlestur um hvernig bókin
varð til,“ segir Kristín Marja
glaðlega þegar forvitnast er um
fyrirhugaða hópferð Dana hing-
að á söguslóðir Karitasar. Hún
kveðst reyndar hafa verið vöruð
við að kalla Karitas sögupersónu
í sínum fyrirlestri.
„Forsvarsmaður hópsins benti
mér á að það væri ógáfulegt af
mér að tala um hana sem tilbúna
sögupersónu því hún væri lif-
andi í hugum lesendanna og þeir
rifust um hana sem slíka. Þeim
finnst örugglega meira gaman að
ferðast þegar þeir geta velt fyrir
sér hvað gerðist hvar – þó ekkert
af þessu hafi gerst því sagan er
tómur skáldskapur,“ segir Kristín
Marja hlæjandi. Henni vitanlega
hafa Íslendingar ekki kveikt á
þessum möguleika til menning-
arferða. „Ég hef reyndar heyrt
að konum sem ganga á Hvanna-
dalshnúk hafi fjölgað mjög eftir
að Karitas kom út en ég veit ekki
hvort hægt sé að þakka henni
það.“
Kristín Marja segir heilu
bókaklúbbana erlendis forfallna
„Karitasista“. „Ég fæ ótal boð
um að koma og halda fyrirlestra
um bækurnar og er að fara á þrjá
staði í september. Svo er búið að
biðja mig að koma í október og
líka í nóvember. Það er heilmikið
rafmagn í kringum þessa sögu,“
segir hún og kveðst hafa frétt um
nokkra hópa sem hafi komið hing-
að til lands á undanförum árum
eftir lestur bókanna. „Ég hef
fengið myndir sendar af sögu-
slóðum og fólk hefur hringt í mig
erlendis frá til að spyrja mig um
eitt og annað eftir ferðir hing-
að. Einkum eru það Danir sem
hafa lagst í þessar miklu pæling-
ar,“ segir höfundurinn og kveðst
stoltur af því að styrkja ferða-
þjónustuna á Íslandi. „Þetta er
svipað og maður hefur sjálfur
upplifað að ferðast langar leið-
ir erlendis til að skoða hvar ein-
hver rithöfundur bjó. Það er allt-
af gaman að binda saman bækur
og landsskoðun og ánægjulegt
að íslenskar nútímabókmenntir
skuli draga fólk að.“
Spurð hvort hún viti um ein-
hverja sem ferðist líka á slóð-
ir Karitasar erlendis eftir lest-
ur seinni bókarinnar, Óreiðu
á striga svarar Kristín Marja:
„Nei, þetta snýst bara um Ísland
enn sem komið er.“
gun@frettabladid.is
Fetað í fótspor Karitasar
Nokkrir danskir aðdáendur bókanna um Karitas eftir Kristínu Marju Baldursdóttur rithöfund eru vænt-
anlegir til Íslands í þessum mánuði til að ferðast í fótspor Karitasar og hitta skapara hennar.
Borgarfjörður eystri er hluti af sögusvið-
inu. FRÉTTABLAÐIÐ/HEIÐA
„Það er alltaf gaman að binda saman bækur og landsskoðun og ánægjulegt að íslenskar nútímabókmenntir skuli draga fólk að,“
segir Kristín Marja. FRÉTTABLAÐIÐ/GVA
Opið hús
Flott tilboð og kynningar.
Skipholti 29b • S. 551 0770
ÚTSALAN HAFIN!