Fréttablaðið - 10.06.2010, Side 12
12 10. júní 2010 FIMMTUDAGUR
FRÉTTASKÝRING
Hvernig stendur Framsóknarflokkur-
inn að loknum sveitarstjórnarkosn-
ingum?
Úrslit sveitarstjórnarkosninganna
sýna, svo ekki verður um villst, að
tvískipting Framsóknarflokksins
lifir enn góðu lífi. Tilraun Hall-
dórs Ásgrímssonar, fyrrverandi
formanns, til að gera úr flokknum
höfuðborgarflokk hefur mistek-
ist og nú á hann engan fulltrúa í
borgarstjórn Reykjavíkur.
Ýmsar skýringar hafa verið
tíndar til á úrslitunum í Reykja-
vík og ljóst er að Besti flokkurinn
setti óvænt strik í reikning allra
flokka. Því verður hins vegar
ekki litið fram hjá að flokkurinn
hlaut ekki nema 2,7 prósenta fylgi
í höfuðborginni. Aðeins rúmlega
1.600 manns kusu flokkinn, en
þess má geta að um 3.000 félagar
eru í hinum ýmsu félögum flokks-
ins í Reykjavík.
Tekist var á um oddvitasætið
í borginni og hafði Einar Skúla-
son þar betur en Óskar Bergs-
son. Engan veginn hefur gróið
um heilt á milli þeirra, eða stuðn-
ingsmanna þeirra, og ljóst er að
mikið verk er fyrir höndum ef
sameina á flokksmenn í Reykja-
vík. Trúnaðarmenn hafa þó hist
að kosningum afstöðnum.
Staðreyndin er sú að fulltrúum
flokksins í sveitarstjórn fjölgaði
um fjórðung og víða unnust mikl-
ir sigrar. Það undirstrikar enn
og aftur hve flokkurinn er lands-
byggðarmiðaður.
Heimildarmönnum blaðsins ber
saman um að það verði verkefni
nýrrar forystu að finna flokknum
stað í pólitísku litrófi nútímans.
Rótunum á landsbyggðinni verði
að flétta saman við höfuðborgar-
svæðið, þar sem meirihluti lands-
manna býr.
Sigmundur Davíð var kjörinn
formaður í janúar 2009 og þótti
kjör hans merki um endurnýjun
í forystunni. Í kosningunum 2009
tóku margir nýir þingmenn sæti
og flokksmenn hafa haldið því á
lofti að þeir hafi brugðist við kalli
þjóðarinnar um uppgjör og endur-
nýjun.
Enn á ný virðist átakalínan
liggja eftir landslaginu. Heimild-
armenn flokksins í Reykjavík tala
um að þeir hafi fengið að heyra það
að sú endurnýjun væri ekki trú-
verðug. Ekki hafi tekist að koma
því að hjá kjósendum að Fram-
sóknarflokkurinn stæði fyrir eitt-
hvað nýtt. Einstrengingslegur mál-
flutningur forystunnar hafi oftar
en ekki orðið þeim fjötur um fót.
Á móti kemur að á landsbyggð-
inni, víða að minnsta kosti, hafa
menn verið ánægðir með stað-
festu forystunnar í málum eins og
Icesave og þykir formaðurinn hafa
verið skeleggur.
Framsóknarmenn þekkja það að
forystumenn þeirra séu ekki ein-
huga og nægir að nefna Halldór
Ásgrímsson og Guðna Ágústsson
í þeim efnum. Mörgum heimildar-
mönnum blaðsins ber saman um að
flokksmenn séu leiðir á slíku karpi
og vilji að forystan leysi sín mál í
kyrrþey.
Aðrir óttast hins vegar að því
fylgi þöggun og að á nýjum tímum
verði menn að geta rætt málin
og gagnrýnt eins og þarf. Guð-
mundur Steingrímsson, þingmað-
ur flokksins, bað forystuna að líta
í eigin barm að kosningum lokn-
um. Formaðurinn tók því með tali
um gjörningalist og að Guðmundur
væri ósvífinn. Þetta þykir mörg-
um benda til að opin umræða eigi
ekki upp á pallborðið hjá núverandi
forystu.
Þótt þeir Sigmundur og Birkir
Jón Jónsson varaformaður séu
ekki alltaf sammála, þykja þeir
samstiga og halda sínum ágrein-
ingi ekki hátt á lofti. Það þýðir þó
ekki að hann sé ekki til staðar.
Höskuldur Þór Þórhallsson bauð
sig fram gegn Sigmundi í fyrra,
en ólíklegt þykir að hann endur-
taki leikinn á næsta flokksþingi,
sem verður að ári. Þá er ólíklegt
að varaformaðurinn hyggi á meiri
metorð í þessari lotu.
Helst er það Guðmundur Stein-
grímsson sem nefndur er til sög-
unnar sem arftaki Sigmundar og
orða sumir það þannig að það sé
bara spurning um hvenær en ekki
hvort hann verði formaður Fram-
sóknarflokksins. Hvort hann legg-
ur í slaginn á fyrsta kjörtímabil-
inu gegn formanni sem nokkuð góð
sátt ríkir um skal ósagt látið.
Það er því útlit fyrir að Sig-
mundar Davíðs bíði það verkefni
að endurreisa Framsóknarflokk-
inn á höfuðborgarsvæðinu, en
halda samhliða í fylgið á lands-
byggðinni. kolbeinn@frettabladid.is
Tvískiptingin lifir góðu lífi
Sveitarstjórnarkosningarnar sýndu að Framsóknarflokknum gengur illa að fóta sig á suðvesturhorninu.
Flokknum gekk hins vegar víða vel á landsbyggðinni. Lygnt er á yfirborði flokksins en undir niðri ólgar.
FORYSTAN Framsóknarflokkurinn hefur farið í gegnum allmikla endurnýjun, en ekki
þykir öllum nóg um. Sigmundur Davíð Gunnlaugsson er vinsæll formaður í ákveðn-
um kreðsum, en aðrir vilja opnari stjórnunarstíl. FRÉTTABLAÐIÐ/STEFÁN
Verslanir opnar: mán-mið 11-19, fim 11-21, fös 11-19, lau 11-18 og sun 13-18, www.smaralind.is
Smáfólkið fær frítt í hoppukastala
Frítt í minigolf fyrir fjölskylduna
Frí andlitsmálning
Fríar blöðrur fyrir öll börn
Frímiði í Veröldina okkar fyrir öll börn
Allir sem kaupa gjafakort fá óvæntan glaðning
Nöfn þeirra sem kaupa gjafakort fara
í RISApott
Allir sem mæta með regnhlíf fá ís í brauði
frá Kjörís í Ísbúð Smáralindar
Njóttu dagsins í Smáralind
- gleði og gaman fyrir alla fjölskylduna.
Opið til kl. 21 - sjáumst!
GLEÐILEGAN
FIMMTUDAG
JÓGAÆFINGAR LÖGREGLUÞJÓNA
Í borginni Jallallabad á Indlandi rakst
ljósmyndari á þessa lögreglumenn við
jógaæfingar snemma morguns.
FRÉTTABLAÐIÐ/AP
BÆKUR Harðasta áhugafólk um
íslenska sögu og menningu gæti
átt erfitt með
sig við lestur
bókar Sigurðar
Gylfa Magn-
ússonar sagn-
fræðings um
þjóðina í félags-
sögulegu sam-
hengi frá fyrri
öldum og fram
yfir bankahrun.
Þetta er mat gagnrýnanda
breska vikuritsins Economist um
bókina Wasterland with Words,
sem kom út um miðjan maí. Hann
telur að einhverjum lesendum
kunni að bjóða við, bæði af lýs-
ingum á hrottafengnum misþyrm-
ingum á fyrri öldum og einkenni-
legum matarvenjum Íslendinga.
- jab
Economist um sagnfræðirit:
Áhugaverð bók
um Íslandssögu
SIGURÐUR GYLFI