Fréttablaðið - 10.06.2010, Page 36

10. JÚNÍ 2010 FIMMTUDAGUR4 ● lífrænn lífsstíll
Lífrænar afurðir eru í sókn
á mörkuðum hérlendis. Við
spurðum þá félaga í Laugarási,
Ingólf á Engi og Þórð á Akri,
hvað fælist í lífrænni ræktun.
Þegar talað er um lífrænar afurðir
er átt við afurðir sem ræktaðar hafa
verið á lífrænan hátt. Í stuttu og ein-
földuðu máli þá snýst lífræn rækt-
un um frjósemi jarðvegs og hvern-
ig má auka hana með náttúrulegum
hætti. Í þeim tilgangi er skiptirækt-
un afar nauðsynleg og einnig notk-
un náttúrulegra hráefna til að næra
og styrkja plönturnar.
Þórður á Akri segir að nátt-
úrulegur áburður sé veigamesti
þátturinn í lífrænni ræktun. „Í
gróðurhúsaræktun þarf
áburður að skila mjög
miklu til að uppfylla
þarfir plöntunnar. Við
notum aðallega rot-
massa frá Flúðasvepp-
um sem er hagkvæmur
og ber algjörlega af sem
áburður. Hann er bland-
aður með hálmi og hænsnaskít
sem er bætandi og léttur fyrir
jarðveginn.“
Á lífrænu garðyrkjustöðinni
Engi nota þau Ingólfur og Sigrún
ýmsan náttúrulegan áburð á sínar
plöntur eins og þangmjöl, fiski-
mjöl og dauðhreinsaðan hænsna-
skít. „Auðvitað er þetta vandasam-
ara en að nota tilbúinn áburð og
við höfum gert margar tilraunir
með ýmsan lífrænan áburð,“ segir
Ingólfur. „Uppskeran verður minni
en í hefðbundinni ræktun en í stað-
inn fáum við aukin bragðgæði og
hollar plöntur. En við finnum að við
eigum meiri hljómgrunn með okkar
vörur í dag, fólk vill sjá sjálfbærni
og hollustu.“
„Á Akri erum við meir og meir að
fikra okkur yfir í ræktun allt árið.
Það er langur og strangur ferill þar
sem að mörgu er að hyggja. Góð
reynsla er þegar komin á heilsárs-
ræktun í hefðbundinni ræktun en
þar sem aðstæður í lífrænni rækt-
un eru allt aðrar þá þarf að huga vel
að viðbrögðum plantnanna. Einnig
þarf að huga að því að hvíla jarðveg-
inn og svo þarf að þrífa og hreinsa
út úr húsunum á milli holla,“ segir
Þórður.
Í þessari búgrein eru ekki notuð
eiturefni til að halda sníkjudýrum
í skefjum heldur er farið mun nátt-
úrulegri leið. „Í byrjun reyndum
við að losna við óværuna með því að
sprauta á hana sápuvatni en núna er
öðrum sníkjudýrum hleypt á hana.
Við höldum sníkjudýrunum ávallt
í réttu jafnvægi. Þegar ein tegund
fjölgar sér of ört er öðru sníkjudýri
bætt við sem heldur hinu í skefjum.
Það er mikil þróun í sníkjudýrum og
við höfum séð miklar breytingar
gegnum árin. “
Hunangsflugur sveima milli
plantna á Akri og segir Þórður að
þær séu hollenskar og keyptar
sérstaklega til að frjóvga plönt-
urnar. „Þær eru miklu flinkari
í þessu en við og fara betur
með plönturnar.“
Hvað er lífræn ræktun?
Á Akri stefna menn að lífrænni ræktun
allt árið um kring.
Með notkun lífræns áburðar verður upp-
skeran minni en útkoman mun betri.

Á lífrænu garðyrkjustöðinni Engi nota Sigrún og Ingólfur náttúrulegan áburð á sínar
plöntur. FRÉTTABLAÐIÐ/GVA
● LAUGARÁS – MIÐSTÖÐ LÍFRÆNNAR RÆKTUNAR
Um 100 íbúa þéttbýli er í Laugarási. Laugarás hefur smám saman
unnið sér nafn sem miðstöð lífrænnar garðyrkju en þar eru lífrænu
garðyrkjustöðvarnar Engi og Akur auk fjölda annarra garðyrkjustöðva.
Í Laugarási er náttúrulegur jarðhiti og góð þjónusta við ferðamenn.
Þar er vel skipulagt tjaldsvæði og húsdýragarðurinn Slakki. Í Laugarási
er læknasetur uppsveitanna. Fjölmargir áhugaverðir staðir eru í ná-
grenni Laugaráss og má nefna hið forna biskupssetur Skálholt, einn
af merkustu sögustöðum landsins. Þar sátu biskupar frá 1056 til 1803
og þar er skóli, sem nú er nýttur til námskeiðahalds.
„Fólk hefur vaxandi áhuga á menn-
ingu og sögu svæðisins og ferða-
þjónustuaðilar koma til móts við
það með því að tengja sérstöðuna
á hverjum stað, sögu og menn-
ingu, við þjónustuna. Í uppsveitun-
um vinna menn vel saman í ferða-
þjónustu enda löng hefð fyrir sam-
starfi. Við höfum sem betur fer
sloppið við öskufall,“ segir Ásborg
Arnþórsdóttir, ferðamálafulltrúi
uppsveita Árnessýslu.
„Margar þekktustu náttúruperl-
ur landsins og sögustaðir eru í upp-
sveitunum og fjölbreytt afþreying
er einnig í boði. Matur úr heima-
byggð er vinsæll. Heimsóknir í
garðyrkjustöðvar og sveitabæi eru
í boði, fjölbreytt afþreying, göngu-
ferðir með leiðsögn, menningar-
viðburðir og óvissuferðir. Jarðhit-
inn er hluti af sérstöðu svæðisins,
heitir hverir, sundlaugar, heitir
pottar og gróðurhús. Þótt svæðið
sé gamalgróið ferðamannasvæði
þá er það síungt enda koma fram
nýir aðilar með ferskar hugmynd-
ir á hverju ári. Þess vegna er auð-
velt að koma aftur og aftur og upp-
lifa alltaf eitthvað nýtt. Hver árs-
tíð hefur einnig sinn sjarma,“ segir
Ásborg. Sjá sveitir.is.
Kröftug ferðaþjónusta
„Í uppsveitum vinna menn vel saman í ferðaþjónustu,“ segir Ásborg. FRÉTTABLAÐIÐ/STEFÁN
Landsins mesta úrval af
Rauðarárstíg 10 . 105 Reykjavík . sími 562 4082 . yggdrasill.is
Verið velkomin í glæsilega verslun okkar á
Rauðarárstíg þar sem þú færð allar tegundir af
lífrænu grænmeti sem ræktaðar eru á Íslandi.
Í verslun okkar reynum við að skapa viðskiptavinum
okkar vinalegt og hlýlegt umhverfi til að nálgast
heilnæmar og lífrænar vörur, umhverfi fyrir alla þá
sem láta sér annt um heilsuna og gera kröfur um
gæði og hreinleika og þá sem vilja taka fyrstu
skrefin í átt að heilbrigðari lífsstíl.
Yggdrasill - náttúruleg heilsuverslun.
lífrænu íslensku
grænmeti