Fréttablaðið - 10.06.2010, Qupperneq 50

34 10. júní 2010 FIMMTUDAGUR
menning@frettabladid.is
Kl. 20 í Listasafni Reykjavíkur
Afsteypa af höggmyndinni Fyrsta hvíta
móðirin í Ameríku eftir Ásmund Sveinsson
var sett upp í Þjóðmenningarsafni Kanada
árið 2000 en frumgerðin, sem er frá 1938,
var sýnd á heimssýningunni í New York
árið 1939. Í fyrirlestri sínum fjallar Tinna
Grétarsdóttir mannfræðingur um högg-
myndina; hvernig hún skipar miðlægt hlut-
verk í sköpun og miðlun menningararfs og
sjálfsmyndar.
> Ekki missa af
Síðustu tónleikum Rumons
Gamba með Sinfóníunni í
kvöld. Hugljúft strengjaverk
Elgars er upptaktur að nýju
verki fyrir sópran og hljómsveit
eftir Áskel Másson, þar sem
Diddú fer á kostum í glaðværri
vorstemningu við sonnettur
Gunnars Gunnarssonar.
Rumon hefur stjórnað öllum
sinfóníum Sjostakovitsj á fjög-
urra ára tímabili og nú hljómar
sú tíunda aftur í magnþrung-
inni túlkun hans.
Þegar sumarið skellur á færist
víða líf í leikstarfsemi sem annars
fer lítið fyrir: Helga Steffensen fer
þá í gang með brúðubílinn sinn
um leikvelli borgarinnar Reykja-
víkur. Í Borgarnesi er opið hús í
Englendingavík þar sem Berndt
Ogrodnik hefur sest að í fornum
húsum Jóns frá Akri. Og nú ætlar
enn einn af hinum fámenna hópi
íslenskra brúðumeistara að freista
erlendra gesta með brúðusýningu
fyrir unga og aldna gesti: Nú hefur
fæðst nýtt leikhús í borginni, Söguleikhúsið. Á
fimmtudagskvöldum verður slegið upp veislu fyrir
erlenda ferðamenn (reyndar mega allir mæta
sem vilja) í Sjóminjasafninu, Víkinni. Á boðstól-
um verður heimsókn í safnið, sjávarréttamáltíð
(með flottasta útsýninu yfir
höfnina) og leiksýning á ensku.
Þetta verður í gangi í júní,
júlí og ágúst og verður fyrsta
sýningin „Egla í nýjum spegli“ í
kvöld. Kvöldmatur er frá kl. 19
og leiksýningin hefst klukkan
20.30. Hægt er að panta í síma
safnsins 517-9400.
Hallveig Thorlacius stendur
fyrir sýningarhaldinu og er
brúðumeistarinn, smíðar og
saumar brúðurnar og gefur
þeim líf. Sýningin er ein af mörgum sem Hallveig
hefur á takteinum en hún hefur farið víða með
þær um lönd á sínum langa ferli frá því þær Helga
hófu sýningarhald í kjallaranum á Fríkirkjuvegi 11
fyrir áratugum.
Egla á ensku í brúðuleik
LEIKLIST Hallveig leikur sér með
Egils sögu. MYND SÖGULEIKHÚSIÐ
Í kvöld hefst tónlistar-
hátíðin Suður mætir norðri
í Norræna húsinu í Reykja-
vík. Þar munu framúrskar-
andi norrænir einleikarar
koma fram með fjölbreytta
og merkilega dagskrá á
þremur tónleikum. Félag
íslenskra tónlistarmanna
stendur fyrir hátíðinni í
samvinnu við Nordisk solis-
tråd. Hátíðin er haldin í til-
efni af 70 ára afmæli Félags
íslenskra tónlistarmanna og
ársfundar Nordisk solistråd
á Íslandi.
Í kvöld leika einleikarar frá
Íslandi, Færeyjum og Noregi. Þær
Helga Rós Indriðadóttir og Guðrún
Dalía Salómonsdóttir flytja söng-
lög eftir Jórunni Viðar; Færeying-
arnir Agnar Lamhauge og Jóhann-
es Andreasen leika verk eftir Bach,
Holmboe og Gubaidulina fyrir
kontrabassa og píanó; og að lokum
flytja Norðmennirnir Ole Böhn
og Geir Henning Braaten sónötur
eftir Janacek og Grieg fyrir fiðlu
og píanó. Af þessum fríða hóp er
rétt að benda á Ole Böhn en hann
er afar virtur einleikari á fiðlu og
eftirsóttur kennari. Hann er með
prófessorsstöðu í Konservatoríinu
í Sidney í Ástralíu en hefur einn-
ig komið fram sem einleikari með
hljómsveitum um allan heim, t.d.
frumflutti hann fiðlukonsertinn
Elliot Carter með Sinfóníuhljóm-
sveitinni í San Fransisco árið 1990
en konsertinn er tileinkaður honum.
Tónleikar kvöldsins hefjast kl. 20.
Annað kvöld kl. 20 koma fram
einleikarar frá Íslandi, Finnlandi
og Danmörku. Dúó Stemma ríður á
vaðið með „Fimm lögum frá Gaut-
löndum“ eftir Snorra Sigfús Birg-
isson sem samdi lögin sérstaklega
fyrir dúóið. Þá leika Finnarnir Pasi
Eerikäinen og Emil Holmström són-
ötur eftir Debussy og Bartók fyrir
fiðlu og píanó. Að lokum leikur ein-
stakur danskur kvartett, MiXte
ásamt söngkonunni Susanne Elm-
ark, blandaða efnisskrá með verk-
um eftir Burgeois, Seiber, Serocki,
Gade, Bruun, Nørholm, Gershwin
og Piazzolla.
MiXte er óvenjulegur kvartett
að því leyti að þar mætast klarin-
ett, básúna, selló og píanó í flutn-
ingi kammertónlistar en kvartett-
inn er rómaður fyrir skemmtilega
sviðsframkomu og vel mótaðar efn-
isskrár. Susanne Elmark starfar
með kvartettinum af og til en hún
hefur haslað sér völl í óperuheim-
inum í hlutverkum fyrir kólóratúr
sópran auk þess að koma fram sem
einsöngvari með hljómsveitum á
alþjóðlegum vettvangi. MiXte og
Susanne Elmark koma einnig fram
í Stapanum í Reykjanesbæ í kvöld
kl. 20 á vegum Tónlistarfélags
Reykjanesbæjar.
Tónleikarnir „Tangó tekur völd-
in“ verða svo laugardaginn 12. júní
kl. 16. Þeir eru afrakstur tangó-
smiðju og námskeiðs undir stjórn
Oliviers Manoury bandóneonleik-
ara sem er Íslendingum að góðu
kunnur. Með honum leika nokkr-
ir af færustu hljóðfæraleikurum
landsins, þau Auður Hafsteinsdótt-
ir fiðluleikari, Helga Þórarinsdótt-
ir víóluleikari, Hávarður Tryggva-
son kontrabassaleikari og Edda
Erlendsdóttir píanóleikari. Einn-
ig fá þau til liðs við sig frábæra
tónlistarmenn, þá Pasi Eerikäin-
en fiðluleikara frá Finnlandi, John
Ehde sellóleikara frá Danmörku
og Jonas Dominique kontrabassa-
leikara frá Svíþjóð, sem allir eru
sérfræðingar í flutningi tangótón-
listar í sínu heimalandi. Að tónleik-
um loknum skundar hópurinn upp
í Borgarfjörð þar sem hann treður
upp á vegum borgfirsku hátíðarinn-
ar IsNord kl. 21 á Hvanneyri í mat-
sal Landbúnaðarháskólans.
Þaðan heldur hann norður um
heiðar og leikur í Laugaborg í Eyja-
fjarðarsveit sunnudaginn 13. júní
kl. 15. pbb@frettabladid.is
Suður og norður mætast
TÓNLIST Olivier Manoury er meðal fjölmargra gesta sem koma fram á hátíðinni
Suður mætir norðri í Norræna húsinu á laugardag, en hann fer síðan upp í Borgar-
fjörð síðar um daginn og spilar á Hvanneyri og þaðan norður um heiðar og leikur í
Laugarborg á sunnudag. MYND SIGURJÓNSSAFN
Tónsmíð Huga Guðmundssonar,
Händelusive, var valin í sérstak-
an heiðursflokk á Alþjóðlega tón-
skáldaþinginu sem haldið var í Gul-
benkian-listamiðstöðinni í Lissabon
dagana 31. maí til 4. júní sl. Í kjöl-
farið verður verkinu útvarpað víða
um heim á næstu mánuðum, en 67
tónverk, valin af ríkisútvarpstöðv-
um 33 landa í fjórum heimsálfum,
voru kynnt á þinginu í ár.
Hugi Guðmundsson er fæddur
árið 1977. Eftir tónsmíðanám í
Reykjavík lauk hann meistaragráðu
frá Konunglega tónlistarháskólan-
um í Kaupmannahöfn árið 2005 og
meistaragráðu í raf- og tölvutónlist
frá Sonology-stofnunni í Den Haag í
Hollandi árið 2007. Hugi hefur hlot-
ið margvíslegar viðurkenningar
fyrir verk sín, m.a. Íslensku tónlist-
arverðlaunin árið 2008 fyrir verkið
APOCRYPHA.
Verkið Händelusive var samið
fyrir kammerhópinn Nordic Affect í
tilefni af tónleikum Ríkisútvarpsins
á Händel-degi Sambands evrópskra
útvarpsstöðva í apríl í fyrra.
Tónskáldaþingið var fyrst haldið
árið 1954. Þá tóku fjórar útvarps-
stöðvar þátt í þinginu en í ár voru
þátttökulöndin hátt í fjörutíu. Tón-
skáldaþingið er fyrst og fremst
vettvangur til kynningar á nýjum
verkum og ungum tónskáldum sem
talin eru eiga erindi á alþjóðavísu,
en þingið er einnig keppni, þar sem
þátttakendur velja áhugaverðustu
verkin með sérstakri stigagjöf.
Þingið er skipulagt af Alþjóðatón-
listarráðinu (International Music
Council) með stuðningi UNESCO,
vísinda-, menntunar- og menning-
arstofnunar Sameinuðu þjóðanna.
Tónskáldaþingið er einn öflugasti
vettvangur til kynningar á íslenskri
samtímatónlist en á þinginu hittast
fulltrúar fjölmargra útvarpsstöðva
frá öllum heimshornum, kynna tón-
verk frá sínu heimalandi og skiptast
á upptökum af nýjum tónverkum.
-pbb
Verk Huga í víðtæka dreifingu
TÓNLIST Verk Huga Guðmundssonar,
Händelusive, fer víða á þessu ári.
MYND FRÉTTABLAÐIÐ
1
3
5
7
9
2
4
6
8
10
Eyjafjallajökull
Ari Trausti og Ragnar Th.
25 gönguleiðir á höfuðborgar-
svæðinu - Reynir Ingibjartsson
Makalaus - kilja
Tobba Marinós
Hvorki meira né minna - Fanney
R. Elínardóttir/María Elínardóttir
Morgnar í Jenín - kilja
Susan Abulhawa
Handbókin um heimsmeistara-
keppnina - Keir Radnedge
Ræktum sjálf
Gitte Kjeldsen
METSÖLULISTI EYMUNDSSON
SAMKVÆMT BÓKSÖLU Í EYMUNDSSON UM LAND ALLT
02.06.10 - 08.06.10
Friðlaus - kilja
Lee Child
Góða nótt yndið mitt - kilja
Dorothy Koomson
Vísnafýsn - ljóðabók
Þórarinn Eldjárn