Fréttablaðið - 10.06.2010, Qupperneq 56
40 10. júní 2010 FIMMTUDAGUR
bio@frettabladid.is
Að mati flestra kvikmynda-
spekúlanta eru kvikmynda-
verin ekki ánægð með
byrjun sumarsins. Engin
mynd hefur náð einhverjum
hæðum í miðasölu og sumir
bíða jafnvel bara eftir
næsta sumri.
Miklar vonir voru bundnar við
kvikmyndir á borð við Prince of
Persia, Sex and the City 2 og Shrek
Forever After. Að ekki sé talað um
Clash of the Titans eða Hróa hött
en kvikmynd Ridley Scott er senni-
lega eina myndin sem hefur fengið
virkilega góða dóma. En áhorfend-
ur hafa verið fremur áhugalausir.
Myndirnar hafa vissulega halað
inn nokkrar milljónir – þetta er
ekkert stórslys – en ekkert í lík-
ingu við þær sumarmyndir sem
hafa einokað kvikmyndasali bíó-
húsa. Og þegar menn munu gera
sumarið upp er líklegt að Holly-
wood setji allt á fullt fyrir næsta
sumar, gósentíð sína.
Perri Nemiroff, blaðamaður hjá
Cinematical.com, segir sumarið
mikil vonbrigði. Hann spáir því
að Toy Story 3 muni kannski ná í
skottið á sumarsmella-statusnum,
eftirspurnin eftir myndinni hefur
byggst upp í tíu ár. Nýir áhorfend-
ur, sem hafa horft á fyrri mynd-
irnar tvær á DVD, munu borgar
sig inn en sömuleiðis eldri hópur-
inn. Nemiroff er hins vear efins
um kvikmyndir á borð við The
A-Team og Knight and Day með
Tom Cruise og Cameron Diaz.
Þær myndir verða frumsýndar á
næstunni hér á Íslandi. „Myndin
hefur vissulega verið að fá fín við-
brögð á forsýningum en ég held að
það nægi ekki,“ skrifar Nemiroff á
heimasíðu sinni.
Hinar ódýru myndir hafa hins
vegar náð alveg ágætis árangri.
Þar nægir að nefna Get Him to the
Greek með Russell Brand í aðal-
hlutverki. Myndin var tiltölulega
ódýr í framleiðslu, svona miðað við
allt hitt tæknibrelludótið, og hefur
skilað ágætis tekjum í kassann eða
17 milljónum dollara. Nemiroff
spyr sig hvort þetta sé sumarið án
sumarsmella.
Því er ekkert óeðlilegt að menn
horfi til sumarsins 2011 og velti
því fyrir sér hvort stórtíðindi séu
í kortunum fyrir það árið. Miðað
við listann er ljóst að Hollywood
bregst skjótt við; framhaldsmynd-
ir eru enn á ný áberandi. Hugs-
anlega verða síðustu tvær mynd-
irnar í Harry Potter-flokknum
einhverjar mestu metsölumynd-
ir allra tíma. Fyrri myndin verð-
ur raunar jólamynd, frumsýnd
19. nóvember. En sú seinni verður
tekin til sýningar 15. júlí. Tinna-
mynd Stevens Spielberg verð-
ur sömuleiðis frumsýnd sumarið
2011, Captain America og teikni-
myndirnar Cars 2 og Kung Fu
Panda 2, en fyrri myndirnar möl-
uðu gull. Þá er Transformers 3
einnig væntanleg en Michael Bay
hefur væntanlega í hyggju að gera
mun betur í þetta skipti. Ekki má
heldur gleyma framhaldsmyndinni
The Hangover 2 en fyrstu timbur-
mennirnir áttu ótrúlega spretti í
fyrra. Enginn skyldi síðan útiloka
fjórðu myndina um Jack Sparrow
og sjóræningja Karíbahafsins en
síðustu fréttir herma að Megan
Fox muni leika hafmeyju í þeirri
mynd. Penelope Cruz hefur verið
fengin til að hressa aðeins upp á
útlitið en hvorki Keiru Knightley
né Orlando Bloom hefur verið
boðið um borð.
Sumarsmellirnir valda vonbrigðum
Richard Gere var ekkert sérstak-
lega hrifinn af því að leika í
kvikmyndinni An Officer and
a Gentleman á sínum tíma.
Hann gerði það eingöngu vegna
þess að hann var blankur. Þetta
kemur fram í viðtali við leikar-
ann í skoska blaðinu The Scots-
man. Myndin var tilnefnd til sex
Óskars verðlauna og fékk tvenn,
fyrir bestan leik í aukahlutverki
og lagið Up where We Belong.
Gere segir að það sem hafi
ráðið mestu um að hann tók hlut-
verkið að sér var sú staðreynd
að hann var blankur. „Sem betur
fer gekk myndin vel og
ég var því heppinn,“
segir Gere og bætir því
við að fólk sem kunni
að leika en hafi jafn-
framt aðra hæfileika
skuli einbeita sér
að þeim í stað
leiklistarinn-
ar. „Aðeins
eitt pró-
sent leikara
fær vinnu,“
segir Gere.
Gere hugsaði
um aurinn
VAR HEPPINN
Richard Gere
tók að sér
aðalhlutverkið
í kvikmyndinni
An Officer and
a Gentleman
vegna pening-
anna.
Það hefur alltaf verið vinsælt hjá
Hollywood að búa til teymi með
einum ofursnjöllum og svo nokkr-
um sérfræðingum í kringum hann
sem eru ákaflega færir, hver á
sínu sviði.
Kvikmyndin The Losers, sem
frumsýnd verður um helgina,
er hluti af þessari kvikmynda-
gerð. Myndin segir frá sérsveit á
vegum Bandaríkjahers. Sérsveit-
in er skilin eftir í frumskógum
Bólivíu til að deyja. En auðvitað
deyja sérsveitarmenn ekki ráða-
lausir, sigrast á hættunum sem
leynast við hvert fótmál og hyggja
á hefndir. Meðal leikara má nefna
Zoe Saldana og James Vanderbilt
en myndin fær 6,6 af tíu möguleg-
um á imdb.com
Danskvikmyndir eru smám
saman að komast aftur í tísku þótt
það sé enn langur vegur í að þær
nái bestu myndum Freds Asta-
ire og Gene Kelly. Streetdance
3D nýtir sér vinsældir þátta á
borð við So You Think You Can
Dance og Britain´s Got Talent
þar sem taktföst spor eru stig-
in. Myndin segir frá hópi götu-
dansara sem neyðast til að æfa
með meðlimum konunglega ball-
ettsins í London í skiptum fyrir
æfingahúsnæði. Myndin fær 4,6
á imdb.com.
Hasar og dans
Í LEIT AÐ HEFND Zoe Saldana leikur
eitt aðalhlutverkanna í hasarmyndinni
The Losers.
Hinn tæplega sjötugi Harrison Ford virð-
ist seint ætla að gefast upp fyrir Elli kerl-
ingu. Sá orðrómur gengur nú fjöllum
hærra að fimmta myndin um þennan ævin-
týragjarna fornleifafræðing sem virðist
koma sér í ýmsa klípuna á flandri sínu sé
í bígerð. Nýsjálenski vefurinn Stuff grein-
ir frá því að leikstjórarnir Georg Lucas og
Steven Spielberg sitji sveittir við að koma
saman handriti að myndinni. Fjórða mynd-
in um Indiana Jones gerði ágætis hluti
á sínum tíma þótt endirinn hefði verið
óþægilega lélegur með geimverubrag.
Nýsjálenski vefurinn hefur eftir
nafnlausum heimildarmanni sínum að
Spiel berg og Lucas renni hýru auga til
Bermúda-þríhyrningsins undarlega sem
grandað hefur bæði skipum og flugvélum.
Þetta óútskýrða sjávarfyrirbæri hefur
verið mönnum yrkisefni í gegnum tíðina
og hver annar en Indiana Jones væri betur
til þess fallinn að leysa leyndardóminn.
Ekki er vitað hvort Shia LaBeouf hyggist
endurtaka hlutverk sitt sem sonur Indiana
en það verður þó að teljast líklegt enda
verður að teljast harla ólíklegt að hinn 68
ára gamli Ford geti bjargað heiminum upp
á eigin spýtur.
Indiana Jones á leiðinni til Bermúda
SNÝR AFTUR Harrison Ford, Steven Spielberg og
George Lucas eru sagðir áhugasamir um gerð
fimmtu Indiana Jones-myndarinnar.
> STIKLA FÆR SKELL
Stikla úr kvikmyndinni Stone, með
þeim Robert De Niro og Edward Nort-
on í aðalhlutverkum, fær skell í Emp-
ire. Fyrir nokkrum árum hefðu þessi
tvö leikaranöfn kveikt elda í hjörtum
kvikmyndaáhugamanna en þeir
mega báðir muna fífil sinn
fegri. „Og Stone gerir
ekkert fyrir þá,“ skrif-
ar James White hjá
Empire.
VONBRIGÐI EN BJART FRAM UNDAN
Jake Gyllenhaal hafði ekki alveg það aðdráttarafl sem framleiðendur Prince
of Persia vonuðust til. Sumarið 2010 er sagt vera sumar án smella en það
næsta ætti að verða ansi gott; Hangover 2, Cars 2 og loks síðasti hlutinn
í Harry Potter-bálknum sem reikna má með að slái öll met. Johnny Depp
snýr síðan aftur í sjóræningjamyndaflokknum en sumarið 2011 mun að
öllum líkindum einkennast af framhaldsmyndum.
Stórskemmtileg söngvabók
fyrir yngstu kynslóðina
Ríflega 60 hreyfisöngvar og þulur
í fallega myndskreyttri bók sem
kemur öllum í gott skap. Í bókinni
eru einnig nótur ásamt einföldum
gítar- og píanóhljómum.
GEISLA-
DISKUR
FYLGIR