Fréttablaðið - 10.06.2010, Blaðsíða 58
42 10. júní 2010 FIMMTUDAGUR
folk@frettabladid.is
„Kannski er ég svona valdsmanns-
legur. Ég leik oft menn með sterka
og ákveðna nærveru,“ segir Jóhannes
Haukur Jóhannesson, sem sló í gegn
sem Geir H. Haarde, fyrrverandi for-
sætisráðherra, í áramótaskaupinu. Hann
leikur forseta í söngleiknum Draugurinn
á Bessastöðum eftir Gerði Kristnýju
sem verður frumsýndur í Þjóðleikhúsinu
í janúar, þó ekki Ólaf Ragnar Grímsson
heldur skáldaðan forseta.
Jóhannes á möguleika á að fullkomna
valdsmannsþrennuna með því að leika
nýjan borgarstjóra, Jón Gnarr, en
honum líst ekkert á það. „Ég sé mig ekki
gera það, hann er það sterk fígúra sjálf-
ur. Ég held að ég sé það ólíkur honum
að það gangi ekki upp. En ég hvet Jón
eindregið til að íhuga það að taka að sér
hlutverk í skaupinu sem hann sjálfur. Ég
sting hér með upp á því,“ segir hann í
léttum dúr.
Jóhannes er þessa dagana á lands-
byggðartúr með einleikinn Hellisbúann
eftir að sýningum lauk í Reykjavík. Um
helgina verður hann í Búðardal og á Ísa-
firði og helgina á eftir stígur hann á svið
á Eskifirði og Egilsstöðum. Fyrsta sýn-
ingin var á Akranesi fyrir skömmu. „Það
gekk með eindæmum vel og öll aðstaða
þar var mjög góð. Ég vona að húsnæðið á
hinum stöðunum standi undir þeim vænt-
ingum sem Bíóhöllin á Akranesi er búin
að skapa.“ - fb
Vill að Jón leiki sjálfan sig
JÓHANNES HAUKUR JÓHANNESSON Jóhannes
býst ekki við því að leika borgarstjórann Jón
Gnarr í áramótaskaupinu. FRÉTTABLAÐIÐ/VILHELM
Bassaleikarinn Borgþór Jónsson, einn af stofnend-
um Agent Fresco, er hættur í hljómsveitinni. Óvíst
er hver tekur við af honum en sveitin er með nokkra
bassaleikara í sigtinu.
„Í marsmánuði tókum við sameiginlega ákvörðun
um að Boggi myndi ekki spila á bassa lengur með
okkur. En við erum ennþá mjög góðir vinir,“ segir
söngvarinn Arnór Dan Arnarson. „Þetta var ekkert
drama. Við tókum bara fund og ákváðum að áður en
við myndum gefa út disk væri fáránlegt að túra og
spila mikið á meðan hann væri ekki 100 prósent til
í þetta.“
Að sögn Arnórs er hljómsveitin orðin öðruvísi en
sú sem vann Músíktilraunir fyrir tveimur árum.
Sveitin hefur sett sér stór markmið og til að fylgja
þeim eftir þurfi allir að vera á sömu bylgjulengd.
Fyrstu tónleikar Agent Fresco í fjóra mánuði
verða á vorhátíð knattspyrnufélagsins KF Mjaðm-
ar á föstudag. Þá spilar á bassann Vignir úr Ultra
Mega Technobandinu Stefáni, sem er góður vinur
Fresco-strákanna úr FÍH. Annar bassaleikari sem
þeir hafa augastað á er Helgi Eyjólfsson úr Fjalla-
bræðrum. „Þetta er erfið ákvörðun. Þetta er eins og
samband. Við getum ekki valið bassaleikara bara
út af því að hann er góður. Við þurfum að höndla að
vera saman á tónleikaferðum og það þarf að vera
góð tenging á milli strákanna,“ segir Arnór Dan.
Agent Fresco hefur upptökur á nýrri plötu í
ágúst og er hún væntanleg í búðir í október eða
nóvember. „Þetta verður svaka konseptplata, full af
pælingum,“ segir hann spenntur. -fb
Fresco leitar að bassaleikara
AGENT FRESCO Hljómsveitin Agent Fresco þegar Borgþór Jóns-
son spilaði á bassann.
Leikkonan Lindsay Lohan gæti
átt yfir höfði sér fangelsisvist
verði hún fundin sek um að hafa
brotið skilorðið. Lohan var gert
að ganga um með ökklaband sem
mælir áfengismagn í blóðinu. Er
þetta gert til þess að halda leik-
konunni á beinu brautinni án þess
að senda hana í meðferð. Tveimur
dögum eftir að Lohan fékk ökkla-
bandið sótti hún MTV-verðlauna-
hátíðina og á hún þá að hafa feng-
ið sér áfengan drykk og þar með
brotið skilorð sitt.
Ökklabandið mælir áfengismagn
í blóði þess sem ber það á þrjátíu
mínútna fresti og að sögn framleið-
anda hefur tækið aldrei klikkað
hingað til. „Við getum auðveldlega
greint milli þess hvort einstakl-
ingurinn hafi verið að drekka eða
hvort áfengi hafi einfaldlega sull-
ast á tækið. Í þessu tilfelli var ekki
um slys að ræða,“ sagði talsmaður
framleiðanda ökklabandanna.
Lohan sjálf vill þó meina að hún
hafi verið bláedrú allt kvöldið.
„Þetta var ekki ökklabandið sem
blikkaði, heldur var það armband
með blikkljósum sem vinur minn
hafði gefið mér,“ skrifaði leikkon-
an á Twitter-síðu sína stuttu áður
en hún mætti í dómsal.
Lindsay gæti
endað í fangelsi
FALLIN? Leikkonan Lindsay Lohan gæti
átt yfir höfði sér fangelsisvist hafi hún
neytt áfengis á MTV-verðlaunahátíðinni.
NORDICPHOTOS/GETTY
> GÓÐ VEISLA
Jennifer Lopez og eiginmaður hennar,
Marc Anthony, héldu stærðarinnar
veislu fyrir vini og vandamenn til að
fagna brúðkaupsafmæli sínu. Að sögn
heimildarmanns bað Lopez plötusnúð-
inn, sem hún hafði ráðið í veisluna, um
að leika lag eftir hana sjálfa fyrir gest-
ina. Það hefði ekki þótt athyglisvert
nema fyrir þær sakir að hún fékk
plötusnúðinn til að spila þetta
sama lag sex sinnum í röð.
Sumarið er tíminn ...
Mikið úrval af
fjölskyldutjöldum
3000 mm vatnsheldni
Áfastur botn,
pöddufrítt tjald
BARNAPOKI 100 CM
Kr. 5.995
FULLORÐINSPOKI
Kr. 11.995
lÍs en kus
Faxafeni 8 // 108 Reykjavík // Sími 534 2727 // e-mail: alparnir@alparnir.is // www.alparnir.is
UNGLINGAPOKI 165CM
Kr. 8.995
KRAKKAPOKI 130 CM
Kr. 6.995
Gamanþáttaröðin Hæ gosi
verður frumsýnd á Skjá
einum í haust. Leikstjóri
er hinn 23 ára Arnór Pálmi
Arnarson sem er nýútskrif-
aður úr Kvikmyndaskóla
Íslands.
Með aðalhlutverkin í Hæ gosa fara
bræðurnir Árni Pétur og Kjartan
Guðjónssynir. „Þetta fjallar um
hversdagslegt líf tveggja bræðra.
Þeir eru að glíma við alls konar
hluti eins og að eldast og breyttan
áhuga kvenna á þeim,“ segir Arnór
Pálmi.
Leikstjórinn Þórhallur Sigurðs-
son túlkar pabba þeirra, sem er
áberandi í þáttaröðinni. Hann fer
á dvalarheimili aldraðra eftir að
mamma þeirra deyr og eiga þeir
bræður erfitt með að sætta sig
við það. María Ellingsen og Helga
Braga Jónsdóttir leika eiginkon-
ur bræðranna og vini þeirra leika
Hjálmar Hjálmarsson og Hannes
Óli Ágústsson. Að sögn Arnórs er
húmorinn í Hæ gosa hversdagsleg-
ur en undirliggjandi er hann ögr-
andi og svartur í anda Klovn-þátt-
anna dönsku. Upptökur hefjast í
júlí á Akureyri.
Arnór og félagi hans úr Kvik-
myndaskólanum, Heiðar Mar
Björnsson, fengu hugmyndina að
þáttunum. Eftir að Arnór hafði
tekið upp prufuþátt ræddi hann
við framleiðandann Baldvin Zop-
honíasson og ákváðu þeir að ráð-
ast í gerð sex þátta í samvinnu við
Kvikmyndafélag Íslands og Skjá
einn. „Maður er bara mjög þakklát-
ur að fólk hafi trú á manni,“ segir
hann um forsvarsmenn Skjás eins.
„Þau eru að treysta mikið á mig og
maður verður að sýna að maður sé
tilbúinn í þetta. Ég er líka með frá-
bært fólk með mér, bæði leikara og
tökulið, þannig að ég ætti ekki að
geta gert þetta illa.“
Ef allt gengur að óskum vonast
hann til að taka upp tvær þátta-
raðir af Hæ gosa til viðbótar. Sú
síðasta yrði tekin upp að hluta til í
Afríku. freyr@frettabladid.is
Hversdagsleg
gamanþáttaröð
NÝÚTSKRIFAÐUR Arnór Pálmi leikstýrir
þáttaröðinni Hæ gosi sem verður sýnd á
Skjá einum í haust. FRÉTTABLAÐIÐ/VILHELM