Fréttablaðið - 10.06.2010, Page 64
48 10. júní 2010 FIMMTUDAGUR
FÓTBOLTI Bjarni Þór Viðarsson
gekk í gær til liðs við belgíska
úrvalsdeildarfélagið KV Meche-
len og skrifaði undir þriggja ára
samning. Hann lék síðast með KSV
Roeselare sem féll úr sömu deild
nú í vor.
„Ég er mjög ánægður með þessa
lendingu enda félag sem býr við
stöðugleika og ætlar að reyna að
bæta árangur síðasta tímabils,“
sagði Bjarni en Mechelen hafn-
aði í sjöunda sæti deildarinnar og
var hársbreidd frá því að komast í
Evrópudeild UEFA. „Þar að auki
er þetta gamalt stórveldi hér í
Belgíu,“ bætti hann við.
Bjarna stóðu fleiri mögu-
leikar til boða en hann ákvað
að vera um kyrrt í Belgíu.
„Ég talaði við önnur lið og
það var líka einhver áhugi
frá Þýskalandi. En ég vil
vera hér áfram í 2-3 ár
og ef vel gengur og mér
tekst að skora ein-
hver mörk þá verð-
ur eflaust fylgst
vel með manni,“
sagði hann.
„Það mikilvægasta er að ég fái
áfram að spila reglulega. Ég
fékk mikið að spila í Roesel-
are og það borgaði sig. Það
hefði lítið gert fyrir mig
að vera áfram í Twente
og sitja bara á bekkn-
um þar,“ sagði Bjarni
en hann var áður á
mála hjá Twente í
Hollandi.
„Ég tel að þetta sé
rétt skref fyrir mig. Mér líst mjög
vel á félagið og það sem þjálfarinn
hafði fram að færa. Mechelen var
óheppið að komast ekki í Evrópu-
keppnina nú og það verður mark-
mið næsta tímabils. Liðið var svo
í úrslitum bikarkeppninnar í fyrra
og í undanúrslitunum nú í ár.“
Bjarni á að baki einn leik með
A-landsliði Íslands en alls 50 leiki
með yngri landsliðum. Í þeim
skoraði hann sextán mörk. Hann
hóf atvinnumannsferilinn hjá
Everton í Englandi en fór þaðan
til Hollands árið 2008. -esá
Bjarni Þór Viðarsson skrifaði í gær undir þriggja ára samning við belgíska úrvalsdeildarfélagið Mechelen:
Mikilvægast að ég fái áfram að spila
BJARNI ÞÓR
Hér í leik með KSV
Roeselare.
MYND/HEIMASÍÐA ROESELARE
HANDBOLTI Aron Pálmarsson var í
gær valinn besti nýliðinn í þýsku
úrvalsdeildinni í handbolta. Hann
vann þýska titilinn með félaginu
sem og Meistaradeildina.
Það voru lesendur þýska hand-
boltablaðsins „Handball-Woche“
og áhorfendur „Sport1“ sem
kusu og fékk Aron 2.317 atkvæði
í kosningunni. Í öðru sæti var
Kristian Nippes, leikmaður
Dormagen, með 2.282 atkvæði,
Jacob Heinl hjá Flensburg var
þriðji og í fjórða sæti var Oscar
Carlen hjá Flensburg.
Aron skoraði 45 mörk í 31
deildarleik með Kiel í vetur og
23 mörk í 12 leikjum í leikjum í
Meistaradeildinni en hann spilar
oftast í stöðu leikstjórnanda.
Aron skoraði mest 7 mörk í einum
leik en það gerði hann bæði á
móti Barcelona í Meistaradeild-
inni og á móti Düsseldorf í þýsku
deildinni. - óój
Aron Pálmarsson:
Besti nýliðinn í
Þýskalandi
BESTUR Aron var fremstur meðal nýliða í
Þýskalandi. FRÉTTABLAÐIÐ/GETTY
HANDBOLTI Landsliðsmarkvörður-
inn Berglind Íris Hansdóttir
hefur gengið frá tveggja ára
samningi við Fredrikstad Ball-
klubb sem leikur í norsku
úrvalsdeildinni á næstu leiktíð.
Fredrikstad komst upp í úrvals-
deildina í vor í gegnum umspil en
forráðamenn félagsins sögðust á
heimasíðu þess vera afar ánægðir
með að hafa fengið Berglindi til
liðs við sig. - esá
Berglind Íris Hansdóttir:
Fer til Noregs
SKOTHELDUR HM 442
Alla leikdaga HM kl. 21 munu þau Logi Bergmann og Ragna Lóa standa vaktina og stjórna sérstökum
HM 442 þætti. Þar bjóða þau uppá hratt og skemmtilegt uppgjör á öllum leikjum dagsins með aðstoð
íþróttafréttamanna Stöð 2 Sports, sérvaldra sparkspekinga og ástríðufullra fótboltaáhugamanna.
Öll mörkin, umdeildu atvikin, fallegu tilþrifin og þau fyndnu og fáránlegu líka, samankomin í einum
smekkfullum og skotheldum þætti.
VILDARÁSKRIFT AÐ STÖÐ 2 SPORT 2 INNIHELDUR 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
MEÐ LOGA BERGMANN OG RÖGNU LÓU
UPPHITUN Í BEINNI KL. 21:00 Í KVÖLD