Fréttablaðið - 14.06.2010, Síða 6

6 14. júní 2010 MÁNUDAGUR
Kanilsnúðar
Íslenskur gæðabakstur - Tilbúinn í ofninn
FR
YS
TI
VA
RA
AKUREYRI Áætlað er að rekstrar-
kostnaður Hofs, nýs menningar-
húss á Akureyri, verði um 400
milljónir króna á ári.
Oddur Helgi Halldórsson, bæj-
arfulltrúi L-listans sem verður
með hreinan meirihluta í bæjar-
stjórn Akureyrar, er hræddur um
að Hof eigi eftir að verða fjárhags-
legur baggi á bænum og sér fram
á erfitt árferði sökum gífurlegs
rekstrarkostnaðar.
Oddur Helgi vonast til þess að
ríkið muni greiða ríflega 50 pró-
sent af rekstrarkostnaðunum
líkt og samið hafi verið um við
Reykjavíkurborg vegna reksturs
tónlistarhússins Hörpu.
„Ég var eini bæjarfulltrú-
inn á sínum tíma sem ekki vildi
byggja þetta hús,“ segir Oddur.
„En þar sem lýðræði ríkir í þessu
landi þá tapaði ég því. Núverandi
meirihluti hefur gert ýmislegt
til þess að fela kostnaðinn fyrir
bæjarbúum.“
Andrea Hjálmsdóttir, oddviti
Vinstri grænna á Akureyri, telur
að reksturinn eigi eftir að verða
þungur hausverkur næstu ár fyrir
stjórnendur bæjarins og að húsið
sé allt of stórt.
„Það verður stórt og erfitt verk-
efni að finna peninga til að reka
þetta og gæta þess einnig að það
verði ekki gert á kostnað núlif-
andi menningarlífs sem gerir
Akureyri svo skemmtilega,“ segir
Andrea. Hún telur að reksturinn
ætti að heyra undir Akureyrar-
stofu til þess að efla samvinnuna
við heildarmynd menningarlífs
bæjarins.
Ólafur Jónsson, nýr oddviti
Sjálfstæðisflokksins á Akur-
eyri, tekur undir að það verði erf-
itt fyrir bæinn að reka húsið og
þarfnist öflugs markaðsstarfs
og samvinnu allra aðila. Þó segir
hann fjarri lagi að Hof eigi eftir að
tempra menningarlíf á Akureyri.
„Í Hofi felast mikil og dýrmæt
tækifæri,“ segir Ólafur. „Það veit-
ir aukna innspýtingu í það líf sem
fyrir er í bænum og svarar þeirri
miklu eftirspurn sem er eftir
svona aðstöðu á Norðurlandi.“
Karl Frímannsson, formaður
stjórnar Menningarfélagsins
Hofs, finnur fyrir hinum mikla
samfélagslega ágreiningi vegna
byggingarinnar.
„Það var stofnað sjálfseignar-
félag í kring um reksturinn, sem
gerir það að verkum að þetta er
ekki opinber stofnun,“ segir Karl.
sunna@frettabladid.is
Rekstur Hofs kostar
400 milljónir á ári
Árlegur rekstrarkostnaður menningarhússins Hofs á Akureyri stefnir í tæpar
400 milljónir. Núverandi kostnaðaráætlun heildarframkvæmda hússins er 4
milljarðar króna og er komin 1,5 milljörðum fram úr upphaflegri áætlun.
MENNINGARHÚS Á eftir að verða Akureyrarbæ þungur baggi, að mati bæjarfulltrúa. FRÉTTABLAÐIÐ/SUNNA
Ingibjörg Ösp Stefánsdóttir hefur verið verkefna- og
framkvæmdastjóri menningarhússins síðan í febrúar
2008, en þá var áætlað að opna húsið vorið 2009. Hún
var upprunalega ráðin af Akureyrarbæ sem verkefna-
stjóri til hálfs árs og fól starf hennar meðal annars í
sér endurgerð á eldri viðskiptaáætlunum fyrir húsið og
áætlun um markaðssetningu. Í október 2008 var hún
svo valin úr hópi 34 umsækjenda um starf fram-
kvæmdastjóra af Menningarfélaginu Hofi. Hún hefur því
verið starfandi verkefna- eða framkvæmdastjóri í rúm
tvö ár við starfsemi sem hefur ítrekað verið frestað.
Á launum þrátt fyrir frestun opnunar
INGIBJÖRG ÖSP
STEFÁNSDÓTTIR
BANDARÍKIN Að minnsta kosti átján
eru látnir eftir að flóðbylgja úr
ánni Litlu Missouri flæddi yfir
tjaldsvæði í Arkansas í Bandaríkj-
unum á föstudag. Þriggja er sakn-
að en talið er að allt að 20 aðrir
hafi verið á tjaldsvæðinu eða í
grennd við það.
Gríðarmikið regn á föstudags-
kvöld olli því að áin flæddi yfir
bakka sína með þeim afleiðingum
að flóðbylgja fór yfir tjaldsvæðið.
Gestir voru flestir sofandi þegar
flóðbylgjan skall á svæðinu. Sex
börn voru meðal hinna látnu. - mþl
Flóð í Bandaríkjunum:
Átján látnir í
Arkansas
Auglýsingasími
Allt sem þú þarft…
HEILSA Búist er við að fyrsta lyfið í töfluformi
við MS-sjúkdómnum komi senn á markað. Ráð-
gjafanefnd bandaríska lyfjaeftirlitsins hefur
lagt blessun sína yfir lyfið en það er undir lyfja-
eftirlitinu sjálfu að ákveða hvort lyfið verði sett
á markað.
Fyrirtækið Novartis framleiðir töfluna sem fer
á markað undir nafninu Gilenia. Ráðgjafanefndin
hafði fyrirvara á samþykki sínu vegna ýmissa
aukaverkana, til dæmis skerta lungnastarfsemi
og hjartavandræða. Nefndin taldi hins vega kosti
lyfsins meiri en ókostina en því er ætlað að hægja
á sjúkdómnum og einkennum hans.
Hefð er fyrir því að bandaríska lyfjaeftirlitið
fari að ráðum ráðgjafanefndarinnar en búist er
við úrskurði í september. - bs
Bandaríska lyfjaeftirlitið með nýtt lyf við MS-sjúkdómnum á sínu borði:
Fyrsta MS-lyfið í töfluformi
Er eðlilegt að prestar þjóð-
kirkjunnar geti neitað að gefa
samkynhneigð pör saman?
Já 51,9%
Nei 48,1%
SPURNING DAGSINS Í DAG:
Ferðu í sund oft í viku?
Segðu skoðun þína á Vísi
BELGÍA, AP Flest bendir til þess
að Nýja flæmska fylkingin verði
stærsti flokkurinn á belgíska þing-
inu. Samkvæmt fyrstu tölum fékk
flokkurinn um 20 prósent atkvæða
og 30 þingmenn. Næststærsti
flokkurinn er Sósíalistaflokkur-
inn sem fær 26 sæti.
150 sæti eru á belgíska þinginu.
Líklegt er að fjóra flokka þurfi
til að mynda meirihlutastjórn í
landinu.
Boðað var til kosninga ári fyrr
en áætlað var eftir að ríkisstjórn
Yves Letermes féll í lok apríl. Tæpt
ár tók að mynda þá ríkisstjórn.
Nýja flæmska fylkingin var
stofnuð fyrir sjö árum. Hún vill
stofna sjálfstætt ríki Flæmingja
og slíta tengslin við hina frönsku-
mælandi Vallóníu. Belgía er að
miklu leyti skipt eftir frönsku- og
flæmskumælandi hlutum sínum
nú þegar. Jafnvel samtökum eins
og Rauði krossinn og Amnesty
er skipt eftir Flæmingjalandi og
Vallóníu.
Belgíska ríkið er skuldum vafið
og hefur ríkissjóður verið rekinn
með miklum halla auk þess sem
atvinnuleysi hefur aukist mikið.
Mun meiri fátækt er í frönsku-
mælandi hluta landsins, og reiðir
hann sig að miklu leyti á fjármagn
frá Flæmingjalandi. - þeb
Nýja flæmska fylkingin verður stærsti flokkurinn á belgíska þinginu:
Aðskilnaðarflokkur sigrar
BART DE WEVER Formaður Nýju
flæmsku fylkingarinnar hefur talað
mikið um aðskilnað Flæmingjalands og
Vallóníu. FRÉTTABLAÐIÐ/AP
KJÖRKASSINN