Fréttablaðið - 14.06.2010, Blaðsíða 40
24 14. júní 2010 MÁNUDAGUR
sport@frettabladid.is
Hafðu samband
KR-ingurinn Katrín Ásbjörnsdóttir var á dögunum valin í A-
landslið kvenna fyrir tvo leiki í undankeppni HM á Laugar-
dalsvellinum. Katrín hefur staðið sig vel með KR í sumar
og stríddi Íslandsmeisturum Vals mikið í síðasta leik.
„Þetta var stór dagur fyrir mig eiginlega bara besti dagur
lífs míns,“ sagði Katrín Ásbjörnsdóttir um daginn þegar
hún frétti að hún væri komin inn í A-landsliðið.
Landsliðsþjálfarinn Sigurður Ragnar Eyjólfsson
hefur mikla trú á henni. „Mér finnst hún vera ein
af okkar efnilegustu leikmönnum. Ég hef verið
að fylgjast með henni í langan tíma og hef verið
að bíða eftir því að hún myndi springa út. Hún
hefur frábæra tækni, mikinn leikskilning og
góðar sendingar. Hún hefur margt að bjóða
fyrir okkur,“ sagði Sigurður Ragnar.
Katrín frétti af því að hún hefði verið valin þegar
bróðir hennar hringdi í hana. „Það hefur gengið
vel hjá mér í sumar,“ sagði Katrín sem hafði áður fiskað víti og skorað
af jöfnunarmark leiksins af öryggi.
„Mér finnst ekkert mál að taka víti. Ég er ekkert að stressa mig, horfi
bara á boltann og er róleg. Það vill bara enginn taka vítin hjá KR
þannig að ég tek þau bara,“ segir Katrín sem er alveg tilbúin að axla
ábyrgð þrátt fyrir ungan aldur.
„Ég ætla bara setja stefnuna núna á það að komast inn í byrjun-
arliðið í landsliðinu og ná því að vera ein af ellefu bestu. Svo
ætla ég kannski að reyna að koma mér út,“ segir Katrín full
sjálfstrausts en hún ætlar þó að klára framhaldsskólann fyrst.
Katrín er mjög ánægð með að Guðrún Jóna Kristjánsdótt-
ir, þjálfari KR, er búin að setja hana í nýja stöðu. „Jóna
er búin að breyta til og farin að hafa mig framarlega á
miðjunni. Mér finnst það frábært því þá er ég meira í
boltanum og meira inni í leiknum,“ segir Katrín sem
bíður spennt eftir að mæta á æfingu með hinum
stelpunum okkar.
KATRÍN ÁSBJÖRNSDÓTTIR: VALIN Í FYRSTA SINN Í A-LANDSLIÐIÐ Í LEIKINA Á MÓTI NORÐUR-ÍRUM OG KRÓÖTUM
Eiginlega bara besti dagur lífs míns
Leikir kvöldsins
Fram - Stjarnan Kl. 19.15
Keflavík - Haukar Kl. 19.15
Breiðablik - Grindavík Kl. 19.15
Valur - Selfoss Kl. 19.15
FH - KR Kl. 20.00
FÓTBOLTI Stórveldi FH og KR hafa
valdið vonbrigðum það sem af er
tímabili, en þau sitja í áttunda og
tíunda sæti deildarinnar. Þau mæt-
ast í Pepsi-deildinni í kvöld.
Logi Ólafsson, þjálfari KR, von-
ast til þess að karakters-sigurinn
gegn Fram á fimmtudag komi lið-
inu á beinu brautina.
„Sá sigur var virkilega sterk-
ur og færir liðinu mikið sjálfs-
traust sem er kannski það sem
liðið þurfti á að halda,“ sagði Logi
rétt fyrir æfingu KR-inga í gær.
„Styrkur liðsins kom í ljós þarna,
það býr mikill kraftur í þessu liði
og við þurfum að draga það fram
aftur í leiknum gegn FH.“
Logi á von á skemmtilegum leik
í kvöld og segir sína menn fulla
tilhlökkunar. „Menn sem voru lít-
ils háttar meiddir í síðasta leik
eru tilbúnir í slaginn aftur: Vikt-
or Bjarki, Gunnar Örn og Mark
Rutgers.“
Portúgalinn Jordao Diogo byrj-
aði tímabilið mjög illa og missti
sæti sitt í liðinu. Hann hefur
komið sterkur til leiks í síðustu
leikjum.
„Það hefur verið samkeppni um
stöðurnar í liðinu. Við misstum
leiki úr höndunum á okkur í byrj-
un og Jordao var þá hluti af öftustu
línu. Eftir að hann missti sæti sitt
sinnti hann æfingum vel og æfði
sjálfur aukalega. Hann er að koma
mjög sterkur inn núna og verður
vonandi í sama gírnum gegn FH,“
sagði Logi.
Grétar Sigfinnur Sigurðarson,
sagði í viðtali um helgina að þrátt
fyrir slæma byrjun væri markmið
KR enn að verða Íslandsmeistari.
„Við þurfum ekki að gera neitt
annað varðandi markmiðssetning-
ar en reyna að duga betur í næsta
verkefni þótt mönnum kunni að
þykja það leiðinlegar klisjur. Við
gerum okkur grein fyrir því að
það er stutt milli hláturs og gráts
í þessu,“ sagði Logi. - egm
Logi Ólafsson segir að sigur KR-inga gegn Fram síðasta fimmtudag færi liðinu mikið sjálfstraust:
Stutt milli hláturs og gráts í boltanum
LOGI ÓLAFSSON Þjálfari KR segir sigur
liðsins gegn Fram hafa fært leikmönn-
um sjálfstraust. FRÉTTABLAÐIÐ/VILHELM
> Þór/KA í annað sætið
Þór/KA kom sér upp í annað sæti Pepsi-deildar
kvenna með 3-1 sigri á Stjörnunni í gær. Bojana
Besic, Danka Podovac og Vesna Smiljkovic skoruðu
mörk Þór/KA í leiknum en fyrsta markið kom
úr vítaspyrnu. Kristrún Kristjánsdóttir
minnkaði muninn fyrir Stjörnuna í
stöðunni 2-0. Þetta var fyrsti leik-
urinn í sjöundu umferð en henni
lýkur með fjórum leikjum sem fara
fram annað kvöld. Þá getur Valur
endurheimt fjögurra stiga forystu
á toppi deildarinnar með sigri á
Aftureldingu.
GOLF Annað mótið í Eimskips-
mótaröðinni í golfi fór fram um
helgina þegar Fitness Sport-
mótið var haldið á Leirdalsvelli.
Í karlaflokki bar Sigþór Jóns-
son, GK, sigur úr býtum en hann
lék hringina tvo á samtals 138
höggum eða fjórum undir pari.
Annar varð Sigmundur Einar
Másson, GKG, á 139 höggum og
Axel Bóasson, GK, varð þriðji á
140 höggum.
Valdís Þóra Jónsdóttir úr GL
vann í kvennaflokki er hún lék
á 149 höggum. Þetta var hennar
annar sigur í röð á mótaröðinni.
Signý Arnórsdóttir, GK, kom
næst einu höggi á eftir og Berg-
lind Björnsdóttir, GR, varð þriðja
á 151 höggi. - esá
Eimskipsmótaröðin í golfi:
Sigurþór og
Valdís unnu