Fréttablaðið - 17.06.2010, Page 2
2 17. júní 2010 FIMMTUDAGUR
Daníel, heldurðu að þú fáir
strengi af því að smíða gítara?
„Nei, ætli ég slái ekki bara á létta
strengi.“
Daníel Smári Hallgrímsson hefur fengið
inngöngu í hinn virta skóla Musicians
Institute í Los Angeles, þar sem hann
mun læra gítarsmíði.
SPURNING DAGSINS
VINNUMARKAÐUR Endurnýja á stöð-
ugleikasáttmálann og er unnið að
því í stjórnarráðinu. Stefnt sé að
því að ganga frá honum áður en
til kjarasamningagerðar kemur
í haust. Þetta segja heimildir í
stjórnarráði. Unnið hafi verið að
þessu í nokkurn tíma og þreifingar
verið í gangi, með það að sjónar-
miði að koma Samtökum atvinnu-
lífsins aftur að borðinu.
En nú hefur Alþýðusambandið
(ASÍ) einnig sagt sig frá sáttmál-
anum. Samkvæmt tilkynningu sem
ASÍ sendi í gær gagnrýnir mið-
stjórn sambandsins ríkisstjórnina
„harðlega fyrir að standa ekki við
fyrirheit um starfsendurhæfingu“.
Forsendur til frekara samstarfs
séu brotnar.
Hér er vísað til þess að
ekki náðist að afgreiða
frumvarp um greiðslu-
skyldu atvinnurekenda
og lífeyrissjóða til starfs-
endurhæfingar fyrir
þinglok.
ASÍ segir að efnd-
ir þessa hluta stöðug-
leikasáttmálans
hafi verið síð-
asta hálm-
stráið sem rökstuddi aðild ASÍ að
sáttmálanum. Það hafi átt að efna
fyrir síðustu áramót. Alþingi komi
í veg fyrir að „stórir hópar fólks
á almennum vinnumarkaði og
öryrkjar hjá lífeyrissjóðunum
njóti réttar til starfsendurhæf-
ingar“. - kóþ
Alþýðusambandið segir sig frá stöðugleikasáttmálanum:
Unnið að nýjum sáttmála
UTANRÍKISMÁL Eftirlitsstofnun EFTA (ESA) hefur
ákveðið að stefna Íslandi fyrir EFTA-dómstólinn.
Ísland mótmælti því áliti sem stofnunin setti fram
í fyrra að ákvæði íslenskra laga og kjarasamn-
inga um laun í veikindaforföllum og slysatrygg-
ingar ættu ekki að ná til erlendra starfsmanna
sem hér ynnu.
ESA benti á að tilskipun um útlenda starfsmenn
gerði almennt ráð fyrir því að um slík réttindi
fari samkvæmt lögum og samningum í heimaríkj-
um erlendu starfsmannanna.
Vegna þessa telur stofnunin að lög frá árinu
2007 um skyldur erlendra fyrirtækja sem senda
starfsmenn sína til tímabundinna starfa á Íslandi
samræmist hvorki ákvæðum samningsins um
Evrópska efnahagssvæðið (EES) um frjálsa
þjónustustarfsemi né ákvæðum tilskipunar um
útlenda starfsmenn.
ESA gerði einnig athugasemd við að lengra væri
gengið en nauðsyn bæri í ákvæðum laganna sem
gera fyrirtækjum skylt að veita ákveðnar upplýs-
ingar um sig og þá starfsmenn sem þau hyggj-
ast senda til Íslands. Á það féllst íslenska ríkið
eftir að hafa, í mars í fyrra, fengið áminningu um
málið frá ESA og rökstutt álit í nóvember. Lögun-
um hefur þegar verið breytt hvað þetta varðar.
- óká
ESA, eftirlitsstofnun EFTA, telur ríkið brjóta gegn ákvæðum EES-samningsins:
Íslandi stefnt fyrir EFTA-dómstólinn
KÍNVERSKIR BORMENN Í VIRKJUN Þó nokkrar starfsmannaleig-
ur störfuðu hér á uppgangstímum íslensks byggingariðnaðar.
FRÉTTABLAÐIÐ/VILHELM
GYLFI ARNBJÖRNSSON ASÍ hefur
sagt sig frá stöðugleikasáttmálanum
eins og Samtök atvinnulífsins. Í
stjórnarráðinu hefur um nokkurt
skeið verið unnið að
nýjum sáttmála,
segja heimildir
þaðan.
FERÐAÞJÓNUSTA Hugmyndin að
Skrímslasetrinu kviknaði sumar-
ið 2007 á bæjarhátíðinni Bíldudals
grænar baunir, þar sem meðal
annars var boðið upp á skrímsla-
ferðir. „Þetta var gífurlega vinsælt
og vakti mikla athygli í fjölmiðl-
um,“ segir Valdimar Gunnarsson,
formaður Félags áhugamanna um
Skrímslasetur. „Við sáum að það
var hægt að gera eitthvað meira og
stofnuðum því félagið.“
Skrímslafélagið er angi af Arn-
firðingafélaginu í Reykjavík, sem
hefur það meðal annars að mark-
miði að aðstoða og efla heimabyggð-
ina. Valdimar segir að á Bíldudal
hafi vantað afþreyingu fyrir ferða-
menn í bænum. Þeir hafi þar af leið-
andi ekki haft langa viðdvöl þar.
Skrímslasetrið sé liður í að breyta
því.
Setrið er til húsa í gömlu mat-
vælaiðjunni á Bíldudal; 800 fer-
metra byggingu sem var að hruni
komin þegar skrímslafélagið keypti
það.
„Þarna var hausaþurrkun fyrir
nokkrum árum og allt orðið kasúldið
og ógeðslegt,“ segir Valdimar. „En
þetta var eina húsnæðið í bænum
sem hentaði. Við sáum fram á að það
þyrfti kraftaverk til að koma því í
gott ástand og leituðum til heima-
manna og brottfluttra Arnfirðinga
til að leggja okkur lið.“ Um hundr-
að sjálfboðaliðar lögðu hönd á plóg
og reiknast Valdimar til að þeir
hafi unnið í um 3.000 vinnustundir.
„Samheldnin og velviljinn hjá fólki
hefur verið hreint ótrúlegur. Setr-
ið hefði ekki orðið að raunveruleika
án þess.“
Til stóð að opna Skrímslasetrið í
fyrra en við hrun bankanna skrúf-
Skrímslin vöknuð
til lífsins á Bíldudal
Skrímslasetrið á Bíldudal var opnað formlega á dögunum. Þar geta gestir kynnt
sér forynjur og furðuverur úr þjóðtrúnni. Um hundrað sjálfboðaliðar tóku þátt
í að byggja upp safnið, sem laðaði að þúsundir gesta í tilraunaopnun í fyrra.
Frá fornu fari hafa verið sagðar sögur á Íslandi um kynjaverur sem heima
áttu í undirdjúpunum. Hvergi á Íslandi eru þó fleiri frásagnir um þær en í
Arnarfirði og eru á annað hundrað skráðar frásagnir til þar sem menn hafa
komist í tæri við skrímsli. Í Skrímslasetrinu á Bíldudal er skrímslasögum gerð
skil á ýmsan og oft nýstárlegan hátt, til dæmis með margmiðlunarborði,
upplýstum myndskreytingum og upptökum af frásögnum af kynjaverum á
borð við förulalla, hafmenn, skeljaskrímsli og marhross.
Fjörulallar og marhross
VALDIMAR GUNNARSSON Um hundrað sjálfboðaliðar úr röðum heimamanna og
brottfluttra Arnfirðinga unnu í tvö ár við að koma Skrímslasetrinu á laggirnar.
aðist fyrir allar fjárveitingar. Því
var brugðið á það ráð að opna safn-
ið í tveimur áföngum. Sá fyrri var
opnaður nú á dögunum og nemur
heildarkostnaður við hann um 45
milljónum króna. Setrið var opið í
um hálfan mánuð í fyrrasumar í til-
raunaskyni og heimsóttu á fimmta
þúsund það þá. „Ferðamannatíminn
fer greinilega aðeins hægar af stað
í ár en í fyrra,“ segir Valdimar. „En
miðað við hvernig gekk í fyrra erum
við bjartsýn fyrir sumarið.“
Um fimmtán milljónir króna vant-
ar til að ljúka við seinni áfanga set-
ursins. Valdimar vonast þó til að það
geti orðið áður en langt um líður.
bergsteinn@frettabladid.is
FR
ÉTTA
B
LA
Ð
IÐ
/B
ER
G
STEIN
N
STJÓRNMÁL Ókeypis verður í sund
fyrir börn og unglinga að 18 ára
aldri í sundlaugar Reykjavíkur í
sumar. Borgarráð samþykkti þetta
á fundi sínum í gær.
Jón Gnarr borgarstjóri segir
þessa ákvörðun vera í samræmi
við samstarfsyfirlýsingu Besta
flokksins og Samfylkingarinnar.
Enn fremur segir Jón að blautur
borgari sé glaður borgari, að því
er segir í fréttatilkynningu frá
Reykjavíkurborg.
Íþrótta- og tómstundasvið
Reykjavíkurborgar rekur sjö sund-
laugar í borginni. - mþl / sjá síðu 16
Ný borgarstjórn Reykjavíkar:
18 ára og yngri
fá frítt í sund
NÁTTÚRA Gígarnir tveir sem
mynduðust í eldgosinu á Fimm-
vörðuhálsi hafa fengið nöfn sem
sótt eru í ásatrú.
Stærri gígurinn fékk nafn-
ið Magni en sá minni nafn-
ið Móði og hraunið sem rann
frá þeim heitir nú Goðahraun.
Þetta var ákveðið í gær þegar
menntamálaráðherra féllst á til-
lögu starfshóps undir forystu
örnefnanefndar.
Nöfnin vísa til Þórsmerkur og
Goðalands, en Magni og Móði
voru synir þrumuguðsins Þórs.
Ný örnefni á Fimmvörðuhálsi:
Gígar nefndir
Magni og Móði
IÐNAÐUR Landsvirkjun og Alcan
á Íslandi hafa samið um orku-
sölu til álversins í Straums-
vík. Hörður Arnarson, forstjóri
Landsvirkjunar, segir samning-
inn fyrsta skrefið í nýrri stefnu
um að tengja orkuverð hér við
þróun á alþjóðlegum mörkuð-
um.
Annars vegar er endursamið
um verð á núverandi orkusölu
til álversins og hins vegar um
afhendingu viðbótarorku vegna
áætlaðrar framleiðsluaukningar
álversins, að því er fram kemur
í tilkynningu.
Nýtt raforkuverð tekur gildi
1. október 2010. Það er í Banda-
ríkjadölum, verðbætt miðað við
bandaríska neysluvísitölu og er
álverðstenging afnumin. Samið
er til ársins 2036.
- óká
Orkuverð tengt alþjóðaþróun:
Samið um verð
til Straumsvíkur
ELDSVOÐI Vel gekk að ráða niður-
lögum elds í rútu við Smiðju-
veg 11 í gærkvöld. Tilkynnt var
um eld í húsi klukkan rúmlega
átta. Það reyndist ekki rétt því
rúta fyrir utan húsið stóð í ljós-
um logum þegar slökkviliðið kom
á staðinn. Um hálftíma tók að
slökkva eldinn. Að sögn slökkvi-
liðsins var engin hætta á því að
eldurinn bærist í nærliggjandi
hús. Eldsupptök eru ókunn.
Á sama tíma og barist var við
eld í Kópavogi var slökkviliðið á
höfuðborgarsvæðinu að störfum í
Mosfellsbæ þar sem kveikt hafði
verið í drasli á víðavangi. - sbt
Eldur í Kópavogi í rannsókn:
Rúta brann á
Smiðjuvegi
ALELDA Um hálftíma tók að slökkva eld
í rútu í gærkvöldi. FRÉTTABLAÐIÐ/STEFÁN
DÓMSMÁL Hæstiréttur hefur
sýknað íslenska ríkið af fimmt-
án milljóna króna miskabóta-
kröfu fíkniefnasmyglarans Rún-
ars Þórs Róbertssonar. Rúnar
var hnepptur í gæsluvarðhald
snemma árs 2007 vegna rann-
sóknar á innflutningi á fjórum
kílóum af kókaíni og sat í varð-
haldi í fimm mánuði. Hann var
síðan sýknaður í málinu.
Hæstiréttur, líkt og héraðs-
dómur áður, kemst að þeirri nið-
urstöðu að fullt tilefni hafi verið
til gæsluvarðhaldsins og fær
Rúnar því engar bætur.
Rúnar hlaut í fyrrahaust tíu
ára fangelsisdóm fyrir að smygla
til Íslands hundrað kílóum af
fíkniefnum með skútunni Sirtaki.
Annar maður, sem einnig var
sýknaður í málinu frá 2007, Jónas
Árni Lúðvíksson, hlaut þar fimm
ára dóm. - sh
Gæsluvarðhald ekki óeðlilegt:
Dópsmyglari
fær ekki bætur