Fréttablaðið - 17.06.2010, Blaðsíða 22

22 17. júní 2010 FIMMTUDAGUR
Það er alveg ljóst að lýðræðið í Hafnarfjarðarbæ er ekki að
virka. Gengið var til sveitarstjórn-
arkosninga, þar sem Samfylking-
unni og Lúðvíki Geirssyni bæjar-
stjóra var hafnað, en SAMT skulu
sömu menn sitja áfram í bæjar-
stjórn með sama bæjarstjóra. Hvað
er það sem oddviti vinstri grænna
og Samfylkingin skilja ekki?
Kröfur kjósenda um breyting-
ar Í Hafnarfirði eru skýrar. Kjör-
sóknin var dræm eins og raun ber
vitni – aðeins 65%, auðir seðlar
voru óvenju margir og meirihluti
Samfylkingar hélt ekki velli! Það
var grátbroslegt að fylgjast með
sjálfsþægingu Lúðvíks Geirsson-
ar, fyrrverandi og núverandi bæj-
arstjóra, í kosningabaráttunni, þar
sem hann hélt því fram að kosn-
ingarnar í Hafnarfirði snerust
um hann. Er það ekki mikillæti að
halda þessu fram? Verður maður
ekki að vona að kjósendur hafi vit
til að kjósa um málefnin og árangur
bæjarstjórnarinnar? Ef hins vegar
kosningar hefðu snúist um hann
eins og hann hélt sjálfur fram, þá
hlýtur Lúðvík fyrstur manna að
viðurkenna að honum hafi skýrt
og skorinort verið HAFNAÐ! Hann
bauð sig fram í 6. sætið, fékk ekki
kosningu og ætti því að detta úr
bæjarstjórn.
Í ljósi þessa þá hlýtur maður
að spyrja – af hverju kemst Lúð-
vík í og þiggur bæjarstjórastól-
inn þrátt fyrir mikið afhroð? Það
er líka vert að velta því fyrir sér
hvað oddviti vinstri grænna, Guð-
rún Ágústa Guðmundsdóttir, er
að hugsa. Af hverju tekur hún
ekki bæjarstjórastólinn strax eða
lætur hann í hendur þeirra sem
hafa verið kosnir til þess? Þarf hún
tveggja ára starfskynningu á störf-
um bæjarstjóra eins og hún hefur
haldið fram? Er hún ekki búin að
vera í bæjarstjórn í fjögur ár og á
því að vera fullkunnugt um það í
hverju starf bæjarstjóra felst – að
minnsta kosti í grófum dráttum?
Ef hún getur ekki lært það á fjór-
um árum, hvernig getur hún það
þá á tveimur? Kannski er hún ekki
til þess fallin að taka við þessari
stöðu ef hún treystir sér ekki í hana
eftir fjögra ára veru í bæjarstjórn.
Sérkennileg er einnig sú staða að
vinstri grænir skuli hafa aðeins
einn bæjarfulltrúa sem kemst í þá
oddastöðu að einn af ellefu skuli
ráða útkomu bæjarstjórnar? Skyn-
samlegra hefði verið að ráða ópól-
itískan bæjarstjóra til að fara þó að
minnsta kosti að vilja kjósenda og
sýna lýðræðið í verki.
Þegar skoðaður er ferill meiri-
hluta Samfylkingar í bæjarstjórn
Hafnarfjarðar eru ýmsar spurn-
ingar sem vakna um ákvarðanir
og forgangsröðun. Sveitarfélagið
hefur aldrei staðið eins illa fjár-
hagslega og nú í tíð meirihluta
Samfylkingar og því er það kostu-
legt það sem fram kemur í yfirlýs-
ingu nýja meirihlutans: „Nýi meiri-
hlutinn mun leggja ríka áherslu á
að … og tryggja um leið ábyrga
fjármálastjórnun.“ Þetta sama
fólk og sami bæjarstjóri var við
stjórnvölinn áður, en sérstök eft-
irlitsnefnd um fjármál sveitarfé-
laga hefur haft fjárhagsstöðu sveit-
arfélagsins undir eftirliti vegna
þess að skuldir og skuldbinding-
ar þykja vera úr hófi fram! Því er
ekki annað en hægt að velta fyrir
sér hæfi oddvita vinstri grænna
sem segir í fréttatíma sjónvarps að
vegna þess að sveitarfélagið standi
svo illa þurfi að koma til reyndur
bæjarstjóri! Sem sagt bæjarstjór-
inn sem borið hefur ábyrgð á fjár-
hagsstöðu bæjarins. Hefur hún
ekki fylgst með hvað hefur verið
að gerast í bæjarstjórninni undan-
farin fjögur ár, þar sem hún hefur
setið?
Samfylkingin hefur staðið sig
hörmulega í ríkisstjórn og hún
hefur staðið sig hörmulega í bæj-
arstjórninni í Hafnarfirði. Meiri-
hlutanum var hafnað og ekki síst
bæjarstjóranum. Hvers vegna eru
kröfur kjósenda ekki virtar? Er
verið að hafa kjósendur að fífl-
um?
Að lokum verð ég að gera athuga-
semdir við það að fjölmiðlar hafa
ekki séð ástæðu til að fjalla um
þennan undarlega gjörning í bæj-
armálunum í Hafnarfirði og því
hlýtur sú spurning að vakna hvort
fjölmiðlar hefðu farið fram með
meira offorsi ef umræddur fallisti
í bæjarstjórn hefði komið úr röðum
Sjálfstæðisflokks en ekki Samfylk-
ingar?
Er ekki lýðræði í Hafnarfirði?
Bæjarmál í Hafnarfirði
Rúna Hjaltested
Guðmundsdóttir
sagnfræðingur
Hann bauð sig fram í 6. sætið, fékk
ekki kosningu og ætti því að detta úr
bæjarstjórn.
Íslandi er stjórnað með sameigin-legu ábyrgðarleysi stjórnmála-
flokkanna. Getur verið að einn
fárra möguleika fyrir sigraða þjóð
sé að lýsa yfir hugsanlegu gjald-
þroti og fá nýja kennitölu á Ísland.
Íslendingar geta þá beint fyrirhug-
uðum samningaviðræðum við Evr-
ópusambandið til ríkisstjórnar Kan-
ada og/eða með inngöngu í Nafta?
Íslensk stjórnvöld hafa ekki skoðað
þann möguleika að semja við Kan-
ada, þeir stefna frekar á að reyna
að takast í hendur við kreppta hnefa
þjóðarinnar og í Evrópusamband-
ið skal fara, sama hvað það kostar
Íslendinga. Ég er sannfærður í dag
að íslensku stjórnmálaflokkarnir
eru mesta vandamál þjóðarinnar.
Brotlending þjóðarbúsins er að
mestu leyti stjórnmálaflokkun-
um að kenna. Þjóðin mun þó ekki
gleyma stelsjúkum bankamönnum
og útrásarvíkingum.
Búið er að þjóðnýta skuldir einka-
vinavæddu bankanna yfir á íslensk-
an almenning. Skuldaklafar sem
hellast yfir almenning og virðast
engan endi ætla að taka. Ábyrgð síð-
ustu ríkisstjórna er mikil, gáleysi
og tómlæti kann að varða við lands-
lög að mínu mati. Hver ber ábyrgð?
Enginn, því Íslandi er stjórnað sam-
eiginlega með ábyrgðarleysi stjórn-
málaflokkanna.
Þurfum við Íslendingar ekki að
kalla til erlenda sérfræðinga til að
reisa efnahaginn við? Íslenskum
stjórnmálamönnum mun ekki tak-
ast það, þeir eru of flæktir í hags-
muni samtryggingarkerfis stjórn-
málaflokkanna? Af hverju könnum
við ekki viðræður við frændur
okkar í vestri um skjól og aðstoð,
í skiptum fyrir samstarf og eða
hlutdeild í t.d. olíuleitarsvæðum
Íslands? Staðreynd: Íslendingar
eiga meiri samleið með þjóðum á
Norðurhveli en nokkurri annarri.
Hlýnandi loftslag þýðir að norð-
urleiðin er að opnast og því eiga
þjóðir á norðurhveli jarðar meiri
samleið með hver annarri. Áætl-
að er að yfir 280 þúsund Kanada-
menn eigi ættir að rekja til Íslands.
Hvers vegna beinum við ekki sjón-
um okkar til Kanada? Kanada er
ríkjasamband sem samanstend-
ur af tíu fylkjum og þremur sjálf-
stjórnarsvæðum, Ísland það fjórða?
Kanada er þingbundið lýðræðisríki
í Breska samveldinu. Geta Kan-
adamenn ekki náð að lenda þessari
Icesave vit leysu fyrir okkur Íslend-
inga farsællega?
Ef ekki er samið við stjórn Kan-
ada eigum við að fá erlenda sér-
hæfða aðila til að stjórna hér
næstu tólf ár og mynda utanþings-
stjórn/starfsstjórn. Við veljum fólk
sem er ekki í samtryggingarkerfi
íslensku stjórnmálaflokkanna. Við
gefum út yfirlýsingu vegna skulda
íslenskra óreiðumanna erlendis: Á
Íslandi varð brotlending efnahags
og bankakerfisins vegna gáleysis
og spillingar tengdra aðila fram til
ársins 2010. Við höfum vikið öllum
stjórnmálaflokkum burt og kynnt
nýja aðila til stjórnunar vegna sér-
stæðra aðstæðna á Íslandi. Takið
upp í skuldir íslensku einkavina-
væddu bankanna eignir þeirra
erlendis. Þá fyrst verða þessir menn
látnir borga brúsann og axla ábyrgð
gerða sinna. Það mun ekki gerast í
skjóli íslenskra stjórnmálaflokka
við völd á Íslandi.
Semjum við Kanada
Efnahagsmál
Sveinbjörn Ragnar
Árnason
sölumaður