Samtíðin - 01.02.1970, Blaðsíða 11

SAMTÍÐIN
7
an gest. En ég þráði að hitta hann aftur.“
Nokkrum dögum seinna, stuttu fyrir
bænastund í klaustrinu, læddist hin unga
systir út og hélt til fyrsta leynilega stefnu-
mótsins við Renoma. Og nokkrum vikum
seinna notaði Anna-María tækifærið, er
henni var leyft að fylgja ættingja sínum
til grafar, og strauk úr klaustrinu. Þar
varpaði hún af sér nunnubúningnum fyrir
fullt og allt og gerðist Katia sýningardama
hjá Saint-Laurent.
„1 dag er hún stuttklæddasta tízkukynn-
ingardama Parísar," segir Renoma, vinur
hennar; og við notum tækifærið og birt-
um hér mynd af henni ekki einungis í
stuttum tízkukjól, heldur einnig í nunnu-
klæðunum, sem hún gerðist svo djörf að
hafna.
ir Hollráð í ársbyrjun
VIÐ sérhver áramót eru ýmsir stað-
í'áðnir í að byrja að einhverju leyti nýtt
líf. Þá veltur á miklu að reyna að skapa
sér hollar lífsvenjur og fylgja þeim dyggi-
lega. Okkur langar til að gefa lesendum
þáttanna 15 hollráð, en rúmsins vegna
verðum við að skipta þeim í tvennt. Hér
koma 8 þeirra; hin koma í næsta blaði.
1. Farðu kortéri fyrr á fætur á hverjum
niorgni en þú ert vön, því að þá. hefurðu
betri tíma til að snyrta þig.
2. Stattu við galopinn glugga og andaðu
hreinu morgunloftinu 10 sinnum djúpt að
þér til að fá súrefni í blóðið. Gerðu um
leið nokkrar auðveldar æfingar, sem reyna
hæfilega á vöðva líkamans.
3. Sápuþvoðu allan líkamann að morgni
dags og taktu síðan kalt, hressandi steypi-
bað til að herða húðina og örva blóðrás-
ina. Þurrkaðu þér síðan með grófu hand-
klæði.
4. Berðu a. m. k. vikulega undir hend-
urnar efni, sem eyðir allri svitalykt. Hún
er ákaflega hvimleið.
5. Hreinsaðu andlitshörundið vandlega
á hverju kvöldi með hreinsunarkremi og
vökva (lotion) á eftir, og berðu síðan
næturkrem á húðina.
6. Taktu vikulega ,andlitsgrímu“, sem
gerir húðina bæði mjúka og skæra.
7. Burstaðu hárið vandlega á hverju
kvöldi, og rúllaðu stríða lokka upp og
festu þá með hárklemmum. Hafðu net
um hárið að næturlagi; þá er miklu auð-
veldara að bursta það að morgni. Burst-
aðu hárið þá rækilega til að lífga það, og
sprautaðu það með hárlokki til að gefa
því fagran gljáa. Nuddaðu hársvörðinn
til að örva blóðrásina til hans. Láttu klippa
þig einu sinni á mánuði.
8. Þvoðu bursta og greiður alltaf, áður
en þú þværð hárið, og gleymdu ekki að þvo
púðurkvasta og púðurbursta vikulega.
Framh. í næsta hlaði.
ir Ævaforn gæðafæða
ÞAÐ er sannarlega kominn tími til, að
Islendingar taki að stórauka ostaneyzlu
sína að dæmi annarra menningarþjóða,
því að nú er orðin völ á 20—25 ágætum
íslenzkum ostategundum. Okkur hefur
lengi langað til að birta hér greinar um
notagildi osta, og nú virðist tímabært að
hefjast handa í þeim efnum. Islenzkir ost-
ar eru í dag búnir til í 6 mjólkurbúum, en
sölu og dreifingu fyrir þau annast hið
ágæta fyrirtæki Osta og smjörsalan í
Reykjavík. Hefur forstjóri hennar góðfús-
lega látið þáttunum í té upplýsingar um
ísl. ostaframleiðslu og jafnframt tjáð okk-
ur þau gleðitíðindi, að ísl. ostar séu nú
seldir til Svíþjóðar, Þýzkalands og Banda-
ríkjanna og hafi líkað þar mjög vel. Bend-
ir það til þess, að við séum orðnir sam-
keppnifærir við stórþjóðir, hvað ostagerð
snertir, og eru það gleðitíðindi á þeim
miklu samkeppnitímum, sem nú fara vafa-
laust í hönd hér á landi.