Samtíðin - 01.02.1970, Blaðsíða 21
SAMTÍÐIN
17
Taflið virðist alveg tapað.
5. BfðH
Hvítur fórnar sjálfur, og svartur er í leik-
þröng, því að hrókurinn á engan reit, þar
sem hann heldur valdi á drottningunni,
hann verður því að taka biskupinn:
5. ... Dxf5
og hvítur er patt.
Sjáið þið, hvaða erindi peðin á b6 og b7
eiga? Ef þið komið ekki auga á það, getið
þið flett á bls. 18.
Ráðhollur þjófur
NÝLEGA stal þjófur nokkur bíl suður í
Limoges í Frakklandi. Daginn eftir sendi
hann eiganda bílsins ökuskírteini hans í pósti
ásamt eftirfarandi áminningu: Skiljið aldrei
skjöl yðar eftir á glámbekk. Það er hættulegt.
Leiklistarviðburður
SNEMMA í vetur var frumsýnt í Antoine-
leikhúsinu í París leikrit eftir Fernando
Arrabal. Nefnist það Garður gleðinnar og er
heitið eftir einu af frægustu listaverkum
Hieronymusar Boschs (1460—1516), sem
varðveitt er í Pradosafninu í Madrid. Pers-
ónur leiksins eru fjórar. Arrabal samdi þetta
verk, meðan hann sat í spænsku fangelsi ár-
ið 1967.
Sagt er,
að í japönsku sé ekki til orð um hugtakið
ást. Vekur það mikla furðu, þar sem miklar
ástabókmenntir eru að sjálfsögðu til á jap-
önsku.
Nauðsynleg varfærni
ELIZABETH TAYLOR hefur keypt sér
falskan demant til að villa um fyrir þjófum,
sem kynnu að hafa ágirnd á 69.32 karata
gimsteini, sem hún á og virtur er á 1 milljón
dollara. Sá falski kostaði ekki nema 4000
dollara.
Við lásum þetta
nýlega í erlendu blaðí:
Háþróuð iðnaðarþjóð er sterk. Vanþróuð
iðnaðarþjóð er allt að því dauðadæmd í hinni
hörðu samkeppni þjóðanna á 20. öld. Hollend-
ingar eru orðnir það háþróuð iðnaðarþjóð,
að Holland er á mörgum sviðum orðið for-
usturíki heimsins í iðnaði, gerólíkt því, sem
áður var, þegar menn litu fyrst og fremst á
það sem rómantíska túlípanaparadís, vind-
mylluland, ostagerðarland og land farnfrægr-
ar málaralistar.
í dag er Holland umfram allt gagnauðugt
smáríki, aðsetur risavaxins stóriðnaðar á
ýmsum sviðum, land mikilsvirts gjaldmiðils
og nýtur þar af leiðandi virðingar og trausts
stórveldanna. Vestur-Þjóðverjar með sterk-
asta gjaldmiðil Evrópu, ef ekki allrar ver-
aldar, nefna Holland í dag með aðdáun:
Litla risann.
RÖDD SKÁLDSLNS:
1 dag lig'gja ekki allar leiðir lengur til
Rómar, heldur til Kúbu.
Alberto Moravia
• SÉRHVER fjölskylda þarfnast fjölbreytts
og skemmtilegs heimilisblaðs. SAMTÍÐIN
kappkostar að veita fslendingum þá þjónustu.
Látið COLGATE'S
tannkrem hjálpa
yður til að halda
tönnum yðar fallegum
og óskemmdum.