Samtíðin - 01.03.1970, Blaðsíða 21

SAMTÍÐIN
17
hlédrægni Asíukvenna, sem yfirborðs-
þekking Evrópumanna af japönskum
geishum hefur vafalaust kynt undir. Fru
Binh hefur oft hjólað langt inn á „óvina-
landsvæðið“ í Suður-Víetnam, þar sem
vinur Bandaríkjamanna, Nguyen Cao Ky
hershöfðingi og kona hans ráða miklu.
Frú Cao Ky er miklu alþjóðiegri í hugs-
unarhætti en frú Bmh, sem er ákafur
þjóðernissinni í þröugri merkingu. Frú
Cao Ky dáir mjög evrópskar og bandarísk-
ar tízkukonur og hefur meira að segja lát-
ið skurðlækna breyta augnaumbúnaði sín-
um með plastaðgerð, til þess að hann sýnd-
ist ekki eins austurlenzkur. Frúin var
fyrrum flugfreyja. Hún er yfirleitt mjög
vel klædd, en hörku hennar undir yndis-
þokka og andlitssnyrtingu tízkukonunnar
virðast engin takmörk sett. 'Pólitísk sér-
grein hennar kvað vera að vefja valda-
mönnum um fingur sér.
Frú Cao Ky er vön að fara með hers-
höfðingjanum, manni sínum, til fremstu
víglinunnar, þegar hann á erindi þangað.
Hefur hún þá jafnan marghleypu í belti
sínu. Stundum stýrir hún þyrlunni, sem
þau ferðast í. Hún á litla dóttur, sem hún
lætur barnfóstru annast, en 5 börn, sem
maður hennar eignaðist með fyrri konu
sinni af frönskum ættum, lætur hún ala
upp með ströngum aga. Frú Cao Ky les
allt, sem hún nær í, um keppinaut sinn,
frú Binh, bæði í blöðum heimalands þeirra
og erlendum blöðum.
Báðar þessar valdastreitukonur eru
staöráðnar í að ráða mestu um framtíðar-
stjórn Víetnams. Þær eru alveg sannfærð-
ar urn, að þar muni ekki verða rúm nema
fyrir aðra þeirra. Gagnkvæm pólitísk af-
brýðisemi þeirra er ekki nýtt fyrirbrigði
meðal austurlenzkra kvenna. En stjórn-
málakonur í Asíu eru gæddar frábærri
þolinmæði, enda þótt ráðríki þeirra sé
gífurlegt, þegar þær hafa öðlazt valda-
aðstöðu.
Sjálf stætt f ólk
VIÐ lásum nýlega i þýzku blaði, að Pétur,
sonur Willy Brandts forsætisráðherra, hefði
fyrir skömmu lokið háskólaprófi i sögu á met-
tíma með ágætum árangri í Beriín. Þeir
feðgarnir eru þar sagðir vera á öndverðum
meiði í stjórnmálunum. Þegar Pétur var að
afloknu prófinu spurður, hvort hann vildi
fá peninga frá föður sínum, svaraði hann
stuttur í spuna: „Ég þarf ekki framar á fé frá
föður mínum að halda.“
Pétur Brandt vinnur nefnilega fyrir sér í
Siemens-verksmiðju og fær þar 4,60 mörk
um timann. Ástmær Péturs, María að nafni,
sem er prestsdóttir og hefur lokið stúdents-
prófi, vinnur líka fyrir sér samhliða námi
með því að festa skrúfur.
RÖDD STJÓRNMÁLAMANNSINS:
Þegar Edward Heath hættir að breiða
út lygar um okkur, munum við hætta að
breiða út sannleika um hann.
Harold Wilson
RÖDD SKÁLDSINS:
Því eldri sem maðurinn verður, því
meira dáir hann listina að temja sér að
þegja.
Ezra Pond
VIÐ greiðum án nokkurs viðbótariðgjalds aukabætur til þeirra, sem slasast alvarlega þrátt
fyrir notkun öryggisbelta. Fram yfir aðrar tryggingar greiðum við 50.000 kr. við dauðsfall
°g allt að 150.000 kr. við örorku. Ky.nnið yður þessa mikilsverðu nýjung í ísl. tryggingum.
ÁBYRGÐ H.F.
— TRYGGINGAFÉLAG FYRIR BINDINDISMENN —
Skúlagötu 63 — Reykjavík — Símar: 17455 og 17947.